WAHYU 14:4 - PERJANJIAN BARU NALCA YUBA

⁴ Ban nang era, sikda gelewa ab neikaʾ unggulumek nang. Sikda anam goubunya ulumna gel, nengmab adya hnon anam salawanggumnaʾ gel genesoʾ ak ulumek nang. Anya ban domba me ara, yokok yabalamnaʾ nidyaʾ ara, sikda neikaʾ ok balamek. Hnonda sokok an ulumak nimi nidyaʾ ak ab dara, sikinek hnonok munaʾ dekoka, Imik Neyung bek ab, domba me ak, mennya eleknaʾ dibaʾ gebsuk nang.

WAHYU 14:4 ပူးပေါင်းရင်းမြစ်များ

MATIUS 19:12

Anasa nim ara unu ulumnamla aboka beillilemakaʾ adya, hnonda gela donggulumak. Hnonda nim adya unumekaʾ adya gela donggulumak. Hnonda nimi ganya adya ok, Imik Neyung amba pe welenob senewan dara, gela don ganya bonggulumak. Anasa nimi nidyaʾ ban yub enyek keboka dobnamna seneweija nim era or dobnemak,” hyok.

MATIUS 25:1

”Imik Neyung wenesin heikek weknaʾ ara, mok soko hogung ara ban sununaʾ eneso ubnamlaʾ ara, nimi gobenya gelewa sagobadya, nenya dobnenggumek nim, wesaʾ diniwoka boboka gela dobnamoknya yanggalyaʾ ak pika dibnemab aboka bilimek.

MATIUS 8:19

Dara Yahudi yuba neksinya ben hnon Yesus ak yeiniboka, ”Neyung neklesilimnya o, or hekmok ok an binimenaʾ ak ara, naba neikaʾ yabalemnenam!” hyok.

YOHANES 10:27

Nadya pama yokaʾ ak dara, nara sikenek ella ulusinekanya, sikda nadya yuba keboka nak diriga yalanyak.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

YOHANES 13:37

Petrus hnon heibok, ”Wenelesilimnya o, hekasa wen anak dobol yanggununggisinya do? Nara hyak ansamba leboka somoganesinya,” hyok.

YOHANES 8:12

Dara onoʾ, Yesus ara nim ek yuba lelesuk dara, lelesukja, ”Nara sokok an dilinaʾ ulumna e. Anasa, nak diriga yalanelnya bera, alda embengaʾ dilinaʾ ak sam ulmorulumnamla,” hyok.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

1 KORINTUS 16:15

Hemyab o, Akhaya sokok men yuba domek nimi Stefanus ek nim era, ugunda seleb ella ululumaʾ anyaʾ. Sikda munaʾ Imik Neyung mab amba aran wa ara nauba welemak.

1 KORINTUS 6:20

Imik Neyung adya ugunuk seleb deknaʾ doboka deksuk. Anasa wera, ugunja nong era pe ulumunaʾ adya, Imik Neyung si imik dangallilimnelum.

1 KORINTUS 7:28

Bok, anda gela dobnelam dara, nera malya unaʾ gomaʾ. Anaso neikik, goubenya gel gera nenya dolomla dara, nera alda malya unggulumla. Bok, alda doldalamak nim era, yokaʾ-yokaʾ igina kwesinaʾ damok ara, sikenek ulumnesil. Nadya dara, unurub igin yakaʾ danyek ugunuk kwebsilyek aboka lelemna.

2 KORINTUS 11:2

Neyung genong adya, nimi salawanggom gelma ara, nengma era hnonok ok eleklemak sok, nara ugunuk doboka Kristus ak lesisa. Anasa, nara ugunuk Imik Neyung perob senelamla hman ganya bolosin.

EPESUS 1:14

Imik Neyung adya alja mab ek eleganasin amokaʾ dib dobnemak senen beknaʾ dibaʾ ara ban Geisinya lomok ulusilaʾ adya ulusil. Alda beknaʾ ulmorulusilaʾ ara, eimik Imik Neyung adya munaʾ dekoka dobsuk. Ban nenesa, Imik Neyung bek giblenob.

EPESUS 5:27

Wera anadya, nim alja yuba donaʾ nim era, menengaʾ meiboka, si gegena ponaʾ orokaʾ anyek, geisa ganya boboka, si imik dangoka ulumnemaakanya, eimik era alja saramek doro beibsununaʾ aboka, Kristus al nonga siksamba doboka elekdangoka somogousuk.

1 TIMOTIUS 4:3

Sondaʾ amba bobnenewoka lelesak nim era, sikja dara, gela donaʾ ara mem, alamak. Hnonda denaʾ ara salyaʾ dero yabanaʾ ara mem, alamak. Ban wenyalamakaʾ anaba, denaʾ ara Imik Neyung ak dib senewoka dib yub ella ulumak nim edya, denaʾ ara perob aboka Imik Neyung ak giboka delenokaʾ aboka uyimok bok, lelemak.

IBRANI 12:23

Anya yuba dorob nang sikja si nera imik heik momnya dobsuk nimi men yando nang ek ab, nimi nidyaʾ pe yana lelesilnya Imik Neyung bek ab, anya hyak pelemek nang edya ganya gong ek ab,

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 21:22

Dara heik enera, Imik Neyung al nong ab, domba pama me ab danyek, Imik Neyung ek an ulurak adya, yok Imik Neyung e ara, hnon eibnenggubsa.

WAHYU 21:23

Dara, domba pama me ara dilinaʾ alan seleb ulumlakanya, Imik Neyung nong anaba heik enyek an dilinaʾ ul eleknanya ulumlaʾ anasa, heik enyek anera, heng gom, walaʾ gom ara, unggulumnamla.

WAHYU 3:4

”Bok, an Sardis heikek ara nimi hnon nim era, nadya boksom sembejaʾ ubnelyek senewoka pe ulumakaʾ ak ella ulumna. Ban nim enyek dara, sikda anaso unuwaneseng hogunga geknelemlaʾ anasa, geisa akleng ongowoka nab neikaʾ yabalemnemab.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.