WAHYU 14:15 - PERJANJIAN BARU NALCA YUBA

¹⁵ Wera onoʾ yok leronya be hnon, Imik Neyung e lomok ab gobdo dorogoka yibuk. Benera alda yeiriwoka bii aboka, ban debaʾ dubuk bulumoknya bek an, ”Soko ara hwiboka, yongowamen salek anasa, anja hlenaʾ parang salalamaʾ adya, or hlero yabamenekanya, or yongowonggalom!” wenyaboka lebok.

WAHYU 14:15 ပူးပေါင်းရင်းမြစ်များ

MATIUS 13:30

Gandum ab walenja ab neikaʾ hiboka lomunaʾ ara, gandum nonga daknemeija sum ok meewanamab. Nara nong dakal yabija nim ek ara, Walenja anyek men gweneb mamagoka gouboka uka dabnelum. Seleb dara, gandum nonga dakoka, masa beilin ek sam beibnelum henemna hyok,” wenyaboka sunuwok.

MATIUS 13:39

Walenja yinaʾ yamal yeilimoknya isaʾanya bera Iblis ara an. Nonga dakne sum era, soko sidyaʾ daknamla sum; alda nonga daknamak nang era, imik ab lero nang era an.

MATIUS 23:32

Wera anasa, ugunja neyung yab edya unulumek malya unaʾ era, ugunja unubgiga sidyaʾ daknalum!”

MARKUS 4:29

Wera yinaʾ weboka memnaʾ ara seleb nong uboka, hwiboka enga obna dara, menanya bera dakna salek dalaʾ anasa senewoka, daklamla,” hyok.

1 TESALONIKA 2:16

Orokaʾ anaba nunja Yahudi gom soko nim ek, nimi blebsin Imik Neyung yuba leb elegeisinobaʾ ulumna enyek, sikja pika garawoka malya nenelesik. Wera ban unulumakaʾ adya, Yahudi nimi malya unaʾ ara nauba dangoka einildaknaʾ okna dangalamla. Anya wera sikda Imik Neyung adya yu ganya boboka obnesin senelamla.

WAHYU 11:19

Wenyek Imik Neyung bedya e imik heikek ara, bak lobookanya, alja orowek mem golongaʾ era, seleb laga dookanya, ebnaʾ ab, liming yub gururu anaʾ ab, sogoumaʾ ab, saragenaʾ mok dok ab, anera nauba ul yabok.

WAHYU 13:12

Dara ban eimik an yu nongaʾ edya, ban mennya nek ab yeiriwoka unun migibaʾ doboka, mennya nemba arawoka welemok. Dara, soko dubuk an ulumak nimi nidyaʾ ara, ban men yu nongaʾ edya menengaʾ diligaʾ nauba bok, seleb nibdangemlyaʾ ak an hyak elel nong bok, giblelulum aboka, eimiknya nedya orugosuk.

WAHYU 14:14

Nen seleb dara, hyak geisa nong debaʾ enyek laga dokaʾ ak, nara hnon eibsa. Dara, ban debaʾ en dubuk ara, nim anasoʾ ak, be hnon bulumok. Wera alja hukuk ara, dub nang edya huk goulunaʾ emas adyok mememekaʾ ak goulumookanya, aljaʾ sorukuk ara, holaʾ hlen parang hyak hleb aleng-aleng arobaʾ ak salamok.

WAHYU 14:16

Dara ban debaʾ dubuk bukumoknya bera, parang sokok an hyablemok enyek, soko ara nonga yongowonggok.

WAHYU 14:17

Wera an nen seleb dara, yok lero be hnon, Imik Neyung bedya e, imik heikek ab, gobokaʾ ak eibsa. Onoʾ albabya yu parang ek salamok.

WAHYU 14:18

Dara onoʾ yok lero hnon, uka bo ulumoknya bera, uka daboka gibnaʾ oulyang ak ab yok. Dara, alda paranga salamok lero ek yuba migibaʾ leboka, alak, ”Anggur dok ara seleb eng olomlaʾ anasa, sokok an anggur era parang adya garawoka, dakdo balalom,” wenyaboka lebok.

WAHYU 15:6

An unuwok dara, ban sekbadya lero nang era, an sekbadya sidyaʾ obnesil damok en boboka, ban lomok geisa ek ab gobek. Wera sikja ongomek boksom era melelaʾ bobogoka, hyak namenokaʾ sembejaʾ orok boksom ek ongomek. Dara, sikja saraʾ goukwa noronaʾ era, emas adya wimek ak ongomek.

WAHYU 16:17

Nen seleb dara, sek lero era alja bomoknya nera, salyaʾ imik yamaro bobogok. An unuwok salek, Imik Neyung adya ekla bunaʾ ak ab, ”Seleb sidyaʾ dakla!” wenyaboka yeiriwoka lel yabok.

WAHYU 6:10

Anya sikda hyak yeiriwoka bii aboka, banaso wenyalamek, ”Ai, hyak migibaʾ senenggomaʾ yangawolumnya, hyak geisikanya, aldib ok unululamnya o, anda nunja eneng emba leboka, sik sokok ulumak nang ek diriknaʾ ara, lika hekbadya so ublya ek yana lelenaʾ lolomnalam do?” hyek.