WAHYU 14:14 - PERJANJIAN BARU NALCA YUBA

¹⁴ Nen seleb dara, hyak geisa nong debaʾ enyek laga dokaʾ ak, nara hnon eibsa. Dara, ban debaʾ en dubuk ara, nim anasoʾ ak, be hnon bulumok. Wera alja hukuk ara, dub nang edya huk goulunaʾ emas adyok mememekaʾ ak goulumookanya, aljaʾ sorukuk ara, holaʾ hlen parang hyak hleb aleng-aleng arobaʾ ak salamok.

WAHYU 14:14 ပူးပေါင်းရင်းမြစ်များ

MATIUS 13:30

Gandum ab walenja ab neikaʾ hiboka lomunaʾ ara, gandum nonga daknemeija sum ok meewanamab. Nara nong dakal yabija nim ek ara, Walenja anyek men gweneb mamagoka gouboka uka dabnelum. Seleb dara, gandum nonga dakoka, masa beilin ek sam beibnelum henemna hyok,” wenyaboka sunuwok.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MARKUS 4:29

Wera yinaʾ weboka memnaʾ ara seleb nong uboka, hwiboka enga obna dara, menanya bera dakna salek dalaʾ anasa senewoka, daklamla,” hyok.

LUKAS 21:27

Ban unuwanamla sum enyek, nimi dibaʾ me ara imik sam debaʾ gangganek pik, alja migib eb, senenggom nong senedyaʾ ab dadya, uboka yanamla.

IBRANI 2:9

Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.

WAHYU 1:13

Dara onoʾ ban uk dininaʾ sekbadya beiyimekaʾ hnoum ara, nimi sirikaʾ anasoʾ ak ben hnon sekemok. Bera alda hyak waran nongaʾ anyek yan anaba siklemok akleng ek ongomok. Aljaʾ saramek sam ara dangman selerobaʾ ak wan-wanamok.

WAHYU 1:7

Wera, Yesus ara debaʾ hnoumung sam uboka yalamlyeʾ anyek kendululum e! Nimi nidyaʾ soko nim eibnemak dara, onoʾ alak gamaʾ adya gondowoka orob nim eneba eibnemak. Dara, nimi mok soko yok-yok nidyaʾ ara, alak eiyiwoka nauba engenaʾ salawanamak. Anasa aldib nera hyak dib unuwanamla! Amin!

WAHYU 10:1

Wera nara yok lero be hnon, hyak migib nong anyek imik heik ab golugoka yanggokaʾ ak eibsa. Alda debaʾ adya lilib ganagamookanya, mano ara alja huk dubuk geemok. Anya alja hogung era, henga dingiro lolomna anaso uboka, alja yan era, uka singilamna egomnaʾ gal enesoʾ ak umok.

WAHYU 11:17

Anya banaso wenyaboka giblemekaʾ ara, ”Ai, Imik Neyung, hyak migib nongnya, seleb ululumukanya, weneba ululamaʾ anasa, nunda gibildolonjab. Anya anda anja migib nong senenggomaʾ anyek doboka, seleb dubnya wenesinya dangoka einiwoka wenelesilimaʾ anasa, giblenjab.

WAHYU 19:12

Alja heng dok era, uk bokaʾ anaso singiwoka, alja hukuk ara, yokaʾ-yokaʾ ak oblamaganaʾ amba donaʾ ara gong uboka, al nongok ara, alak ok ella ulumla si nenyek, benyek an ulumok.

WAHYU 20:11

Dara onoʾ eimik so era, yok hyak senenggom geisa ekla bunaʾ ek, ana dubuk ara, alak bukumokaʾ ak eibsa. Dara, im ab soko ab, benedyaʾ hogunguk ak ab dengaro lobok adya, ban danedya oulyang era, orokaʾ dok.

WAHYU 6:2

Onoʾ nara kemelamsa enyek, wera, nim abakna pam kul pam ek hnon eibsa. Pam en eilib abakamoknya bera, yina salamookanya, alak ara dub nang goululumak huk goulunaʾ anyek elegok. Anya, alda ollamaklelanya benesonya bek adya, onoʾ oblamagoka alawoka dobnunaʾ aboka yanggokaʾ ak eibsa.