WAHYU 14:13 - PERJANJIAN BARU NALCA YUBA

¹³ Wera an seleb dara, imik heik ab hnon lebokaʾ ak kebsenya nera, ”Banyek nidyaʾ momnya dobnelam: Wenyok ab mouruwoka, sik Wenelesilnya lomok uboka somoganamak nim era, pe ulumnamak!” aboka lebok. Dara, Imik Neyung Geisinya ara, ”Aldib!” hyok. Hnonda, ”Sikja igina berewoka welemeknya nera, jakmanaʾ danamlakanya, sikja welemekaʾ amba dara, deknaʾ dobnemak,” wenyaboka lebok.

WAHYU 14:13 ပူးပေါင်းရင်းမြစ်များ

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

LUKAS 16:25

”Bok Abraham bedya benyek lebokaʾ ara, najabo banyek seiniwanalam: anda or anam embengaʾ ululum dara, perobaʾ ok doboka boboka delelum, alda Lazarus bek dara malyaʾ ok doboka dereklemok. Amba wenyek dara, Lazarus bera perobaʾ ak bukla bok, anak dara, nauba gweklelam.

LUKAS 16:9

Dara onoʾ Yesus adya hnon lebokaʾ ara, ”Ugunda pe keblulum! Sokok an bonaʾ era malya dalya sum era, ugunda pe embengaʾ ulumak heikek doro beibsululaʾ aboka, wera nadya hemyabo nauba donulul senewoka, sokok bonaʾ enyek doboka bololulum,” hyok.

ROMA 14:8

Anasa nunda embengaʾ ulumab dara, Imik Neyung amba ulumab. Anya nunda somoganamab dara, onoʾ Imik Neyung amba somoganamab. Wera anasa, embengaʾ unaʾ gom, somoknaʾ gom, nidyaʾ ara nunda Imik Neyung aljinya ulumab.

1 KORINTUS 15:18

Wera nenera, yuba don nimi bok Kristus lomok seleb somogorob nim eneba, eimik era blebnenggunususo.

1 KORINTUS 15:20

Bok, Kristus ara somoknaʾ ak ab seleb bukiyimokaʾ ara, hyak dib unumok. Anan nong adya, wera seleb somogek nim era, embengaʾ suboka buknemakaʾ damok ara anadya dangamok.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

2 KORINTUS 5:8

Wera anasa, nunda ganya migib ulumabakanya, nunda Wenelesilnya ab neikaʾ ulunob senen ganya boboka, wen ulumab nong enera lobsibya senelemab.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

1 TESALONIKA 4:14

Yesus ara somogoka onoʾ embengaʾ welemokaʾ ara dib senelemabaʾ anasa, Imik Neyung adya alja mabo men somogomek nim era, Yesus ablaboka bob mamagiyiwanasilaʾ ara dib senelemab.

1 TESALONIKA 4:16

Wenelesilnya bera imik ab yingginiboka bii aboka, lero dubnya wenyaboka, Imik Neyung benggong yuba leblya dara, somogomek nimi Kristus mab ara men welewanamak.

1 TESALONIKA 5:10

Dara, nunda embengaʾ ulumab gom, seleb somogomeibyaʾ gom anaba, sobaʾ Yesus ablaboka ulunobaʾ aboka, nunsamba somogosuk.

1 TIMOTIUS 5:24

Hnon nimi malya unaʾ ara, anam henga goubuka yana lelewanggunabok laga dangalamla. Bok, hnonda seleb henga goubuka laga yana lelewan danyek, laga dangalamla.

1 TIMOTIUS 5:25

Neik so, perob unaʾ ara hnonda laga an ulumla. Bok, hnonda wenera berra laga unggululabok, wera doknowoka ubnamenggom anasa, eimik laga danamla.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.

WAHYU 10:4

Dara ban sekbadya liming danera, seleb yuba sabgogowek dara, nara momnya dobnunaʾ aboka ul yabesebok, wene salek yok yuba hnon imik heik ab, anaso wenyal yabok, ”Ban sekbadya liming edya yuba sabakaʾ ara, gelelenga doknowoka deneb lendewanalam bok, momnya donaʾ ak dara, dobnenggunulam!” wenyal yabokaʾ ak kebsa.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 11:19

Wenyek Imik Neyung bedya e imik heikek ara, bak lobookanya, alja orowek mem golongaʾ era, seleb laga dookanya, ebnaʾ ab, liming yub gururu anaʾ ab, sogoumaʾ ab, saragenaʾ mok dok ab, anera nauba ul yabok.

WAHYU 16:17

Nen seleb dara, sek lero era alja bomoknya nera, salyaʾ imik yamaro bobogok. An unuwok salek, Imik Neyung adya ekla bunaʾ ak ab, ”Seleb sidyaʾ dakla!” wenyaboka yeiriwoka lel yabok.

WAHYU 19:9

Dara onoʾ lero adya nak hnon, ”Banyek momnya dobnelamaʾ ara, Sik domba me gela dobnamlaʾ ak an masa del yanalum henesil nim era pe ulumnamak, momnya dobnelam,” henyok. Dara onoʾ hnon lebokja, ”Ban lebna yub dara, Imik Neyung bek ab uboka, hyak aldib nongaʾ ak lebna yub era an,” wenyhenyok.

WAHYU 2:1

Epesus heikek yuba donaʾ nimi lero ek, ban unuwoka momnya dobnelam: ”Sekbadya guraʾ soruk ak salawookanya, sekbadya emas uk dininaʾ dam pik yabalelanya bedya yub era an lebsil.

WAHYU 2:7

”Heknyek o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, Imik Neyung perob heik sam nim embeng unaʾ gal doka delemnamla henemna,” aro momnya dobnelam, hyok.

WAHYU 20:6

Nimi nidyaʾ Imik Neyung mab ulumek bok, men somogorob nimi men subnemak nim era, or pe uboka, munaʾ ulumnamak. Nim eimik hnon sounuwoka somoganamaknya nera sikenek ara hnon mekaʾ bebeganggunusil. Sik nong ara, Imik Neyung ab, Kristus ab dadya, yuba wa gak nim ulumnemak dara, sikda hiboka Imik Neyung ab neikaʾ seribu badya gibnaʾ salek era, nimi nidyaʾ ak wenewoka bo ulumnesak.

WAHYU 21:5

Dara onoʾ al ekla bunaʾ ak bukumoknya bedya, ”Yokaʾ-yokaʾ nidyaʾ ara, gobdo wenyoknya nenewanaʾ ara, kendelom!” hyok. Dara onoʾ hnon nak, ”Ban yub enera hyak dib nongaʾ uboka, alda dib senewanamak yub ek anasa, anda or momnya dobnelam,” wenyaboka lebnyok.

WAHYU 22:17

Dara, Imik Neyung Geisinya ab, Imik Neyung me ak dobnomok gel geb dadya dara, ”Wera, anyagan yoululum!” wenyalarak. Nimi nidyaʾ ban yub en kebnelanya bera, ”Or, yangganok!” henok! Anya heknyek mek ok ubnamla dara, wera or meka del youlul! Heknyek nara embengaʾ ulunun senewalenya bera, wera nim embengaʾ eleklesil mek enyek, or salyaʾ doboka del youlul!

WAHYU 6:11

Dara sikenek yok-yok ongon akleng hyak geisa nong anyek elegel yabasuukanya, sikenek anaso wenhyok, sikda or dek-deka soboka diri ul yabamunaʾ ara, sikja hemyab neik wa wen nang eb, sik kabo nang eb, sikja hemyabo men osik sok, nang en eimik neikaʾ amba leboka, nimi wene nang obnemak aboka eininaʾ anyek gigiwalya danyek anasa, or diri ublulum, hyok.