WAHYU 13:6 - PERJANJIAN BARU NALCA YUBA

⁶ Anya alda, Imik Neyung ab, Imik Neyung si ab danyek derewoka, malyaʾ gebeyiwok. Hnonda, Imik Neyung ulumla ol eb, imik heik ulumeijinya nidyaʾ ara derewoka walamok.

WAHYU 13:6 ပူးပေါင်းရင်းမြစ်များ

MATIUS 12:34

Ugunda malya unaʾ hwam nim ek ululumaʾ anasa, ugunda malya unaʾ nim ululum bok dara, perob yuba goboka sabnesom de? Sibamaʾ ak ab laga salamakaʾ ara, ganya lomok sam seleb ulumlaʾ ara an.

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

ROMA 3:13

Sikja denggoroknaʾ era, nimi soko loklomna selengaʾ enesoʾ anyek si aklowoka, sikja silyum era pe makaʾ lelewoka, sikja sibamaʾ ak ara, malyaʾ si sabsinaʾ yuʾ anyek ulumla.

KOLOSE 1:19

Wera anasa, Imik Neyung ulumlaʾ nidyaʾ ara, neyung adya ganya doboka alaʾ me ak yeindeboka al lomok munaʾ gobdo ulumla.

KOLOSE 2:9

Hnonda Kristus alja nong yokaʾ ara, Imik Neyung ganya ulumlaʾ nidyaʾ ara alak gobdo ulumla.

IBRANI 9:2

Wera Imik Neyung amba pam bokaʾ e aboka solomekaʾ ara, men lomok ekla ak ara, geisa nong ekla alamekaʾ ak ulumok. Wera ekla enyek anara, wesaʾ dinin oulyanga hnon ulumok dara, onoʾ Imik Neyung ak eleklemek roti gwanenga beilinaʾ yanganaʾ gal ab, mem roti gwaneng ab hnon ulumok.

IBRANI 9:24

Anasa Kristus ara, nim adya munaʾ solomekaʾ dibaʾ imik heikek ulumoknya sununaʾ amba solomeknya nek weknenggubuk bok, alda imik heikek Imik Neyung ak nuk pen danasa, wekel byuk.

WAHYU 11:12

Dara ban penya nang era imik heik ab sikenek, ”Or wele yanggururum!” aboka bii al yabasukaʾ anyek kebdek dara, sikja isaʾ nang era ngolugul yabisik salek, sikda debaʾ ganggan pik uboka, imik heikek welewarek.

WAHYU 12:12

Wera anasa, imik heik ab, ane lomok nidyaʾ ulumunya nera, eiya hlaboka globlulum! Bok bisaʾ dubnya Iblis ara, seleb yinggilaʾ anasa, sokok mekek ululum nang nidyaʾ o, hyak lobaʾ nenewoka obnesilaʾ ak ululum. Iblis ara unun salek era seleb mek ok ubla senewoka seleb ella ublakanya, hyak yu asaʾ ganya bolomla,” wenyaboka lebok.

WAHYU 15:5

Wera nen seleb dara, imik heik ara, Imik Neyung adya e lomok, alda sik gangganek ulumok an beknaʾ e nenyek, pika bakokaʾ ak, nara eibsa.

WAHYU 18:20

Hnon kebsenya nera, ”Dara Imik Neyung ara, alja ugunuk unulusukaʾ ara, seleb lunuwoka alba dirigalaʾ anasa, wei, imik heik o, ganya heklom. Wei, munaʾ Imik Neyung mab o, yuba lenaʾ gak nang o, ununumnaʾ len nang o, anera hyak pewal senewoka ganya heksulul!” wenyaboka lebokaʾ ak kebsa.

WAHYU 21:3

Dara onoʾ ban senenggom ekla bunaʾ ak ab, yuba hnon bii aboka lelemokaʾ ak kebsaʾ ara, ”Imik Neyung adya albeyok ulumla oulyang era, wenyok nim ak dal! Imik Neyung ara nim ab neikaʾ ulumnemak dara, nim ara onoʾ alja mabo silibaʾ dangoka ulumnemak. Imik Neyung ara nim ab neikaʾ uboka, alda sikja Imik Neyung ulumnamla.

WAHYU 4:1

Wera nen nidyaʾ seleb dara, nara kemel yabasa enyek, imik heik sam ara pika hnon bakokaʾ ak eibsa. Dara, men danyek, poo anaʾ benggong yub anasoʾ ak kemsa yub enyek, onoʾ anaso anyek wenyal yabokaʾ ak kebsaʾ ara, ”An nen seleb dara, eimik hekaʾ unuwanamla anyek, anak amawanenggen anasa, anyagan wele yalom,” hyok.

WAHYU 4:4

Dara, ban ekla bunaʾ en gogob dara-dara ara, yok domdaraʾ badya ekla bunaʾ hnon ulumookanya, wera an ekla bunaʾ eilib era, domdaraʾ badya nang, nonga kaboka wa borob nang era, geisa boksom ongob ligiwoka, sikja hukuk ara, emas huk golunaʾ golumek nang ek, anyekan bulumek.

WAHYU 5:13

Dara nara gamyakaʾ ulumlaʾ imik heik ab, sokok ab, soko damumduk ab, nauba mek gwanek ab, ane lomok nidyaʾ ulumlaʾ ara wenyalamekja, ”Al mok heik enyek an ekla bunaʾ eilib bululanya beb, domba pam me ab dara, giginaʾ nauba ab, nauba senewoka gibnaʾ ab, si imik nenenaʾ ab, yokaʾ len migib eb dara, siksamba hyak sobaʾ ulmorulumnamla!” wenyaboka lelemek.

WAHYU 7:15

Wera anedya nang danera, Imik Neyung adya ekla bunaʾ saramek sekoka, inimnek yubyek pik, alja ek sam alsamba welemak. Wera al senenggom ekla bunaʾ ak sam an bululanya bedya, sikenek alja e nera sob goluwanesil.

WAHYU 7:9

Nen seleb dara, nimi mandebnaʾ hyak einildaknaʾ oknaʾ anyek, senenggom dub ekla bunaʾ ak, domba me adya saramek seklemekaʾ ak eibsa. Dara, seklemek nim era, nidyaʾ yok-yok mok soko ulumak nim ek ab hnon, nidyaʾ yok-yok nimi yilaʾ ulumakaʾ ek ab hnon, nidyaʾ sikja nimigumaʾ yok-yok unulumak nim ek ab hnon, nidyaʾ yok-yok yuba salamak nim ek ab hnon, an nimi gong danyek ulumek. Sikda geisa dolungnaʾ akleng ongowoka, anya yokol meklaʾ sikja soruk ak leb salawoka bo seklemek.