WAHYU 12:3 - PERJANJIAN BARU NALCA YUBA

³ Bok onoʾ imik ara, yokso beknaʾ anyek, lanawok. Wera anera, naga bagaʾ gorona senenggomaʾ huka sekbadya uboka, bonga sagobadya umok bagaʾ ek lanewok. Dara, huka yok-yok, dub nang huk goulunaʾ anyek goulumok.

WAHYU 12:3 ပူးပေါင်းရင်းမြစ်များ

WAHYU 12:1

Wera imik ara yokaʾ ak hyak senenggomokanya, okna so beknaʾ ubukaʾ ak eibsa. Dara, gela hnon, alda heing einira boksom dibaʾ ongowoka, walaʾ ara yan damumduk geboka seklemok. Anya alja hukuk ara, dub nang edya goulunaʾ enyek, guraʾ o badya uruwaʾ ak goulumok.

WAHYU 12:13

Dara, ban naga bagaʾ era, nara sokok an seleb boublingganyo senewoka seinimok dara, alda ban nengma beiyimlya gel genyek yeiriwoka dobdibigomok.

WAHYU 12:17

Unuwokaʾ anasa, ban naga bagaʾ era hyak yu nong berewoka, gel gen nimi yilaʾ yok nim ek, Imik Neyung adya oruksin yub pe keboka unulumek nim eb, Yesus adya laga lenaʾ bolomek nim eb danyek, waregoka norowousuk.

WAHYU 12:4

Anya, alja amo edya imik umok guraʾ ololaʾ era, winilya geboka hnon sam legewoka sokok boroboublinggok. Anya, ban naga bagaʾ era, alda me beillil yabelya salek enyek, doboka menegounun senewoka, gel gen saramek oka diri seklemok.

WAHYU 12:7

Dara wera, imik heik ara mala lanabdek. Wera Mikhael beb, alja lero nang eb dara, ban naga bagaʾ ek, mala lanawoka obdang einiwek. Dara onoʾ ban naga bagaʾ enebabya, alja lero nang edya arawoka, Mikhael bek mala boboka oldalamek.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 13:1

Unuwoka, ban naga bagaʾ era, nauba longon mek berem sokok diri seklemok. Dara nara onoʾ kendesa enyek, hnon gamyakaʾ yu nong anyek, nauba longowok mek gwanek ab lanawokaʾ ak eibsa. Banera, bong ara sagobadyakanya, huk ara sekbadya ak lanawok. Anya ban bong ok ara, dub nang huk goulunaʾ anyek yok-yok goluwookanya, ban sekbadya hukuk ara, Imik Neyung ak waboka derenaʾ si anyek, yok-yok ulumok.

WAHYU 13:2

Ban mek gwanek ab lanawokaʾ ara, nadya eibsa dara, senenggom bei girik manaʾ senenggomnya nenesoʾ ak eibsa. Alja yan era nauba manaʾ, juenem manaʾ yana anaso. Anya hogung ara nauba yu girik manaʾ, singa manaʾ anaso. Dara ban lanawoknya nek, naga bagaʾ edya, alja migibaʾ ab, perob ekla dub nang edya bunaʾ ekla eb, migibaʾ dangoka wenesinaʾ ab, damok danyek elegok.

WAHYU 13:4

Anya naga bagaʾ edya, banyek alja migibaʾ uboka ununaʾ anyek seleb elegemok anasa leboka, sikda naga bagaʾ ek an giblemek. Bok onoʾ hnonda banyek hnon, sikda giblemek. Anya sikda, ”Banera hyak yok nong! Alak ara asaʾ ganya boboka, hnon alab obdanggunuseng!” wenyaboka lelemek.

WAHYU 15:1

Wera onoʾ hnon imik sam ara, yokaʾ hyak omomaʾ yok so anyek, lanawokaʾ ak eibsa. An eibsaʾ ara lero sekbadya nang, malya damok ok sekbadya, sidyaʾ obnesilaʾ anyek, yok-yok bomek. Anya Imik Neyung adya yu sen-sen anaʾ hyak dengaboka obnesilaʾ ara wera an.

WAHYU 16:13

Dara yu hwam unaʾ ganya winilya enyek, hyeiya anasoʾ ak hnon eibsa. Ban hyeiya era, naga bagaʾ edya si ak hnon, yu nongaʾ adya si ak hnon, sonda amba bobnenewoka len nang edya si ak hnon, goboka lanawok.

WAHYU 17:12

Dara bonga sagobadyaʾ eiblamaʾ ara, sagobadya wenewoka bo un dub nang, anam wenggulusak nang era an. Bok sikda ban yok yu nongaʾ ab neikaʾ wenewoka bo ubsinok aboka, wene salek ok ban wa nera eleganesil.

WAHYU 17:16

Dara, bonga sagobadya eiblamaʾ ara, ban yokaʾ yu nongaʾ ab dadya, dongon gel gek hyak lek senewanamak. Hnonda sikda alja hekaʾ ok alak ulumlyaʾ nidyaʾ ara doboka, nong baneng nenewanamak. Anya, alja nong soub era gweboka deregoka, onoʾ uk adya dengaboka dabnemak.

WAHYU 17:7

Anasa ban lero era nak, ”Anda hekasa omom ganya bololam do? Wera anasa nara anak, ban gel gera, alda hek gel ge ulumlaʾ ara, al yok yu nongaʾ enyek, alak abagamokaʾ ara, huk ara sekbadya ubookanya, bonga sagobadya bogokaʾ anyek, neknenggen.

WAHYU 19:12

Alja heng dok era, uk bokaʾ anaso singiwoka, alja hukuk ara, yokaʾ-yokaʾ ak oblamaganaʾ amba donaʾ ara gong uboka, al nongok ara, alak ok ella ulumla si nenyek, benyek an ulumok.

WAHYU 20:2

Dara alda youmaʾ eneba ulumoknya senenggom wisa naga bagaʾ era, Iblis goma, Satan goma aboka si silimakaʾ ara an. Wera alda gibnaʾ ara, seribu gibnaʾ lebnamlaʾ anasa aboka, ban gasa heng enedya dibaʾ goubokaʾ ak eibsa.