WAHYU 12:10 - PERJANJIAN BARU NALCA YUBA

¹⁰ An nen seleb dara, nara onoʾ imik heik ab yuba hnon nauba lel yabokaʾ ak kebsa: ”Wera ban nunja hemyab ek, yubyek inimnek Imik Neyung bek miniwoka, meknelum alalanya bera, imik heik ab seleb boublinggal anasa, Wenera Imik Neyung ara alja nimi blebsin salek! Wenera Imik Neyung ara dubnya wenesinnya bemba alja migibaʾ laga dal salek! Anya onoʾ alja bokol yeilisuknya, Kristus beneba alja wenesinaʾ laga dal salek!

WAHYU 12:10 ပူးပေါင်းရင်းမြစ်များ

MATIUS 26:64

Anasa Yesus adya sikenek, ”Ugunja yub edya alan seleb wenyhelum an. Nara ugunuk dib lebnesin, Ban sum enyek moruwoka, nimi dibaʾ me nera Imik Neyung migibnya bedyaʾ sirikek sam bukla, anya alda imik sam debaʾ hnoum pik yanamla ak, eibnelum!” hyok.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MATIUS 6:10

Anda nunjaʾ dubnya ululam. Anadya wera sokok an wenelemnesilim. Anja senelelamaʾ ara, imik heikek sam gigiwoka unulamla sok, sokok anaba unululul.

LUKAS 11:2

Dara Yesus adya sikenek lebsukaʾ ara, ”Ugunda heng uboka molowanamun dara, ban nenyek wenyaboka molowanalumaʾ ara, Imik Neyung o, anja si nok munaʾ giblenggenok. Anja wenelemnesilaʾ ara dibaʾ dolul.

LUKAS 22:31

”Simon o, Simon o, anda nak kebnelom! Gandum glakaʾ gwereklemak dara, anadya perobnya nera laga nenewoka malyinya nera lobnobaʾ aboka ulumak sok, Satan bedya ugunuk sene sunuwosununaʾ aboka galaweisil.

1 KORINTUS 5:4

Ugunda Wenelesilnya si Yesus lomok uboka, yuba longowomun dara, nara ganya adya neikik uboka, ugunja nunja Wenelesilnya Yesus migib adya, ban malya unululanya benyek, Iblis bek elegolulum.

2 KORINTUS 12:9

Bok Imik Neyung adya dara, ”Anda hmeng ululam danyek, nadya migib era, gobdo nauba dangalamlaʾ anasa, nara anak wanaʾ uboka elekgenaʾ ara seleb nauba ulunggel,” henyok. Nara hmeng ulumna ak an, Kristus adya migibaʾ nak gouluwoka bo ulumnenelaʾ anasa, nara hmeng ulumnenel dara, nonggo alamnamna.

TITUS 2:3

Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 2:26

”Heknedya malya unaʾ ak ab oblamaganamlakanya, nadya unuwanok senelamnaʾ anyek unubmoruwanalanya bek ara, yok soko-yok soko nimi nidyaʾ wenewosululaʾ aboka, nadya neyung bek ab migib unaʾ domsa unaʾ enyek, onoʾ alak hnon eleganamna. Dara, Imik Neyung bukuk sam momnya dobok sok, Alda gasa gamaʾ dungunaʾ boboka mok soko me nidyaʾ alja dub dangoka wenelemnesilikanya, onoʾ alja soko adya memelemaknya jobol meneklemak sok, alja unub meneganesil.

WAHYU 7:10

Anya yuba senenggomaʾ bii aboka, ”Nimi blebsinaʾ ara nunjaʾ Imik Neyung senenggom ekla bunaʾ bululanya bek ab hnon, onoʾ domba me ak ab hnon, lanalamla,” alamek.