WAHYU 11:19 - PERJANJIAN BARU NALCA YUBA

¹⁹ Wenyek Imik Neyung bedya e imik heikek ara, bak lobookanya, alja orowek mem golongaʾ era, seleb laga dookanya, ebnaʾ ab, liming yub gururu anaʾ ab, sogoumaʾ ab, saragenaʾ mok dok ab, anera nauba ul yabok.

WAHYU 11:19 ပူးပေါင်းရင်းမြစ်များ

WAHYU 11:13

Wera ban salek nong era, senenggom sogoumaʾ dorogoka, senenggom heik era sagobadya amba anasoʾ bokoka, luk menegookanya, sogoumaʾ enedya dara, tujuh ribu nim obsuk. Dara, oboka bok lobok nim era, hyak loka daboka, Imik Neyung imik heik ululanya bek giblemek.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 12:1

Wera imik ara yokaʾ ak hyak senenggomokanya, okna so beknaʾ ubukaʾ ak eibsa. Dara, gela hnon, alda heing einira boksom dibaʾ ongowoka, walaʾ ara yan damumduk geboka seklemok. Anya alja hukuk ara, dub nang edya goulunaʾ enyek, guraʾ o badya uruwaʾ ak goulumok.

WAHYU 16:1

Wera onoʾ nara hnon kebsa enyek, Imik Neyung bedya e lomok ab, ban sekbadya lero ek, ”Bindewoka ban Imik Neyung adya yu sen-sen anaʾ beiyimlaʾ anyek, mok soko eilib yekel bululum,” wenyaboka yuba migibaʾ leboka orugoul yabasuk.

WAHYU 16:18

An wenhyok sab-sab, liming yub ab, ebnaʾ ab, sougumaʾ ab dara, borom-borom aboka, hyak yok so dok. Anya ban sougumaʾ era, nimi uyiwousuk salek ek abaʾ ara mouruwoka, hnon anaso sougumaʾ era, orokaʾ ak unuwok. Anasa hyak yok soʾ ak unuwok!

WAHYU 16:21

Anya saragenaʾ mok doun naubaʾ anyek, alja igin era lima puluh kilogram anasoʾ ak, imik ab ara, nimi eilib ak siklero yibok. An unuwok enyek, ban nim enesa leboka, Imik Neyung ak derewoka hyak malyaʾ geblemek.

WAHYU 19:11

Dara onoʾ hnon eimik so danyek, imik heikek ara gaboka, wera nim abaksin pama, kul pam ek eibsa. Pam en abagemoknya bedya alja si nera Bojam hwam uboka, dib nongnya aboka simek. Alda nimi henga goubnaʾ ab, mala weboka oldanaʾ ab dara, pe senenya loboka yana lelelesil.

WAHYU 4:1

Wera nen nidyaʾ seleb dara, nara kemel yabasa enyek, imik heik sam ara pika hnon bakokaʾ ak eibsa. Dara, men danyek, poo anaʾ benggong yub anasoʾ ak kemsa yub enyek, onoʾ anaso anyek wenyal yabokaʾ ak kebsaʾ ara, ”An nen seleb dara, eimik hekaʾ unuwanamla anyek, anak amawanenggen anasa, anyagan wele yalom,” hyok.

WAHYU 4:5

Dara ban ekla bunaʾ ak ab danyek, ebnaʾ lengem-lengem aboka, onoʾ irr aboka, anya liminga yuba dalagoka, gururu aro yabok. Wera an ekla bunaʾ saram enyek ara, wesaʾ sekbadya ak uk bokaʾ singilimok. Wera nera, Imik Neyung sekbadyaʾ ganya era an.

WAHYU 7:15

Wera anedya nang danera, Imik Neyung adya ekla bunaʾ saramek sekoka, inimnek yubyek pik, alja ek sam alsamba welemak. Wera al senenggom ekla bunaʾ ak sam an bululanya bedya, sikenek alja e nera sob goluwanesil.

WAHYU 8:5

Dara onoʾ lero era meilik yanggol enyek doboka, Imik Neyung amba uka daboka gibnaʾ oulyang ak sam uk ek libookanya, uk era sokok sam nakdo dorogok. Dara, ebnaʾ langom-langom aboka, liming gururu aboka sogoumaʾ dorogok.

WAHYU 8:7

Dara men lero era, poo anaʾ benggong lel yabok enyek, saragenaʾ mok eb uk ab eneng ab neikaʾ hiboka sokok sam nakok enyek, mok soko ara, yok-yok naubaʾ anyek winilya geboka, gal donggala anaba winilya geboka, hnon darasam ab, holaʾ nidyaʾ ab dara, uka momnyanga woluwoka jok.