WAHYU 11:12 - PERJANJIAN BARU NALCA YUBA

¹² Dara ban penya nang era imik heik ab sikenek, ”Or wele yanggururum!” aboka bii al yabasukaʾ anyek kebdek dara, sikja isaʾ nang era ngolugul yabisik salek, sikda debaʾ ganggan pik uboka, imik heikek welewarek.

WAHYU 11:12 ပူးပေါင်းရင်းမြစ်များ

LUKAS 16:23

Dubnya bera nimi somoknaʾ nang heikek sam hyak nauba gweklemok. Banyagan anyeb imik sam kemel weininglemok enyek, Abraham bera hyak mok sam ulumok dara, Lazarus bera Abraham bedyaʾ eibukuk sam bulumokaʾ ak eiyimok.

RASUL 1:9

Yesus ara ban seleb wenyaboka lebgogomok dara, onoʾ alda sikja hogunguk ak sam uboka, henga kemelemek bok, imik heikek welok dara, kemelemekaʾ gangganek debaʾ adya sereklemok.

1 TESALONIKA 4:17

Ana berem ara, nu anam embengaʾ ulumab nim era debaʾ hnoum sikenek bob mamagiyiweisilya dara, Wenelesilnya bera imik sam eb hwibdanamab. Dara, Wenelesilnya ablaboka sob-sobaʾ ulmoublomnamab.

WAHYU 12:5

Bok gel gera nengma ak, nimi mok soko ulumak nimi nidyaʾ ak, besi gamaʾ adya bomlyekanya wenelemnesilnya bek beibok. Bok beibok salek era, me nera gel genyek anyeb alawoka, Imik Neyung bek, al bulumokaʾ ak bo byuk.

WAHYU 3:21

Nara malya unaʾ oblamagoka nadyaʾ neyung beb alja eklaʾ bunaʾ ak sam neikaʾ bulunuma sok, heknedya malya unaʾ ak ab oblamaganalanya bera, nadya bulumna ekla bunaʾ ak sam or neikaʾ buknenam aboka lebnamna.”

WAHYU 4:1

Wera nen nidyaʾ seleb dara, nara kemel yabasa enyek, imik heik sam ara pika hnon bakokaʾ ak eibsa. Dara, men danyek, poo anaʾ benggong yub anasoʾ ak kemsa yub enyek, onoʾ anaso anyek wenyal yabokaʾ ak kebsaʾ ara, ”An nen seleb dara, eimik hekaʾ unuwanamla anyek, anak amawanenggen anasa, anyagan wele yalom,” hyok.