WAHYU 10:3 - PERJANJIAN BARU NALCA YUBA

³ Dara, alda yu nong ulumla singa gam edya yeiriwoka ngoublamla sok, yuba nauba bii alamok. Wenyalamok dara, sekbadya liming era yuba sab onowek.

WAHYU 10:3 ပူးပေါင်းရင်းမြစ်များ

WAHYU 14:2

Anya onoʾ nara, nauba mek lumdam yuba ollallek alamla anaso ab, senenggom liming yub anaso ab hnon, imik sam ab unuru wenyalamokaʾ ak kebsa. Ban yub en sanaʾ ara, nim adya henga nauba geregoka doblemak benggong yub enesoʾ ak lelemok.

WAHYU 15:1

Wera onoʾ hnon imik sam ara, yokaʾ hyak omomaʾ yok so anyek, lanawokaʾ ak eibsa. An eibsaʾ ara lero sekbadya nang, malya damok ok sekbadya, sidyaʾ obnesilaʾ anyek, yok-yok bomek. Anya Imik Neyung adya yu sen-sen anaʾ hyak dengaboka obnesilaʾ ara wera an.

WAHYU 15:7

Dara, ban gamyakaʾ dombadya anera, hnonnya nedya ban sekbadya lero ek, emas mek hmeiya sekbadya doboka elegosuk. Ban sekbadya mek hmeiya era, Imik Neyung hyak sobaʾ ulmoublelanya, alja yu sen-sen anaʾ adya deknewoka beiyimok.

WAHYU 4:5

Dara ban ekla bunaʾ ak ab danyek, ebnaʾ lengem-lengem aboka, onoʾ irr aboka, anya liminga yuba dalagoka, gururu aro yabok. Wera an ekla bunaʾ saram enyek ara, wesaʾ sekbadya ak uk bokaʾ singilimok. Wera nera, Imik Neyung sekbadyaʾ ganya era an.

WAHYU 8:5

Dara onoʾ lero era meilik yanggol enyek doboka, Imik Neyung amba uka daboka gibnaʾ oulyang ak sam uk ek libookanya, uk era sokok sam nakdo dorogok. Dara, ebnaʾ langom-langom aboka, liming gururu aboka sogoumaʾ dorogok.