WAHYU 1:9 - PERJANJIAN BARU NALCA YUBA

⁹ Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 1:9 ပူးပေါင်းရင်းမြစ်များ

MATIUS 20:23

Dara Yesus adya sikenek, ”Aldib, ugunda den dara, denelum. Bok alda ban benera sirikek sam gom, waneng ek sam gom, buknamla anaʾ ara nadya or wenyhenggunusin. Bok ban anyagan buknemak nim era, nadyaʾ neyung bedya albeyok buknemak senelamla nim ok lebnesil,” hyok.

MARKUS 10:39

Dara sikja Yesus ak, ”Numba or unuwanasinim,” herek. Anasa alda sikenek, ”Ugunda na denemna mek hmeiya denerumukanya, na dobnamna mek danaʾ era dobnerumaʾ ara, aldib.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

ROMA 8:25

Bok nunda eilinggulumabnya nenesa ganya welemab dara, wera nunda ganya gouluwoka diri ulumnemab.

2 KORINTUS 1:7

Anasa, nuk igina kwelesilnya nenyek, onoʾ ugumba kwelesil sok, onoʾ nuk heknaʾ ganya eleklesilaʾ ara ugumba eleklesilaʾ ara ella ulumabaʾ anasa, ugunda pe ulumnulum senewoka ganya daboka ulumab.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

PILIPI 4:14

Bok ugunja danyek, nak garana bulumnaʾ ak eiyiwoka aralenulumaʾ anasa, wera ugunja nak unu aralenulumnya nera hyak nauba pelenulum.

2 TESALONIKA 3:5

Wera anadya Wenelesilnya bedya aralesilyekanya, Imik Neyung ara ugunuk yadyek senelesilaʾ anyek pe ella dolulumaʾ aboka hnon, Kristus adya dara, ugunja ganya daklinggoka unaʾ hnon elegosulul senelesab.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

IBRANI 10:36

Ugunda Imik Neyung adya unuwanok senelamlaʾ anyek pe unulumunaʾ adya, pe ulumeijaʾ amba deknaʾ dobnemak hyokaʾ ara dib dobnelum aboka, ganya siklewoka pe ulululum.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

WAHYU 1:1

Ban buku enyek an momnya dobokaʾ ara, Yesus Kristus adya eimik unuwanalanya nemba yub ek ulumla. Imik Neyung adya dara, Kristus ak onoʾ alja wa wen nim ek eimik men berra unuwanamlaʾ anyek aawosululaʾ aboka elegok. Ban nenesa leboka Kristus adya dara, alja lero pik uboka, alja wa wenya Yohanes bek nekok.

WAHYU 1:2

Dara onoʾ aldib Yohanes bedya aljaʾ dib heng yokaʾ adya eibukaʾ nidyaʾ ara, Imik Neyung adya lebok yuba hnon, anya Yesus Kristus amba len yuba hnon, ban bukuk sam laga lelemla.

WAHYU 1:4

Nadyaʾ hemyabo nim, sekbadya Asia sokok sam yuba don heikek yuba donaʾ nim ek gibsin! Ugunuk wanaʾ uboka eleksinaʾ ab, namen ganya unaʾ ab dara, al wen ululanya, youmaʾ ulumokaʾ ara, onoʾ eimik sobaʾ ulmorulumnelanya bedyaʾ ara ugunuk elegoka ulusulul, anya aljaʾ saramek sam sekbadya ganya edyaʾ anaba ugunuk elegoka ulusulul.

WAHYU 1:6

anya onoʾ alja dara, wenewoka bo un nang, yuba wa gak nang, gebsuk. Dara, ban Yesus Kristus enyek, hyak imik nenewoka, onoʾ alak hnonok senenggom dubnya migibaʾ sob-sobaʾ ulusulul. Amin.

WAHYU 11:7

Wera sikda penya laga len nang era, seleb wenyabgogoweirija dara, yok embengaʾ gamyakaʾ yu nong ara, somoknaʾ gweren selengaʾ ak ab lanawalyakanya, sikenek we doboka oblamageisilyekanya, obnesil.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 12:17

Unuwokaʾ anasa, ban naga bagaʾ era hyak yu nong berewoka, gel gen nimi yilaʾ yok nim ek, Imik Neyung adya oruksin yub pe keboka unulumek nim eb, Yesus adya laga lenaʾ bolomek nim eb danyek, waregoka norowousuk.

WAHYU 13:10

Nimi hnon doboka doknowanamaknya bera, wera al unuwanamak. Onoʾ nimi hnon mala adya obnamaknya bera, wera mal adya obnemak. Wera an unuru yibinamlaʾ anasa, munaʾ Imik Neyung mab ara, ganya siklebmouboka, ganya gouluwoka bojam un ganya enyek bobnok.

WAHYU 14:12

Wera ban unuwanamlaʾ anasa, munaʾ Imik Neyung mab ara, alja oruksinaʾ yub ak pe keboka, Yesus ak bojam ganya boboka ulumak nim era, ganya siklebdaboka ganya gouluwoka pe salawoka ulunok.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.

WAHYU 20:4

Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.

WAHYU 3:10

Anda nadya yub ek dib senewoka pe siklewoka unululamaʾ anasa, nababya amba lunuwoka soko me nidyaʾ igina kwebnesil sum ek ab kemero ubnenggen. Ban unuwanamlaʾ ara soko nimi nidyaʾ ak sunuwanasil.”

WAHYU 6:9

Dara domba me ara lamnya beknaʾ denenaʾ bakal yabok dara, nara sik Imik Neyung yub amba hnon, laga pe lenaʾ sikja boboka lelemeknya nenesa leboka, seleb osik nang edya, sikja ganya era, uka daboka gibnaʾ oulyang damumduk sam eibsa.

WAHYU 7:14

Dara nadya benyek an, ”Nadyaʾ neyung o, anda seleb ella ululam,” hesa. Dara onoʾ alja nak, ”Wera an nang enera igina kweboka okna ulusilaʾ ak ab gobek nang era an. Sikja akleng era, domba me eneng adya seleb meka elegoka, geisa nenerobaʾ ak ulumak nang era an.