WAHYU 1:5 - PERJANJIAN BARU NALCA YUBA

⁵ Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

WAHYU 1:5 ပူးပေါင်းရင်းမြစ်များ

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

YOHANES 13:1

Paskah sum era ampum so dok dara, Yesus ban sokok anara loboka, aljaʾ neyung bek binimok salek era oka dokaʾ ara ella ubok. Sokok an alja yuba dolomek nim ek sobaʾ wanaʾ ulusuk sok, onoʾ sirikaʾ daknamok sum eneba wanaʾ ubsuk.

YOHANES 13:34

Wenyok unulumnulum yub ugunuk elegeisin: Ugunuk nadya wanaʾ ulusisa sok, ugumbabya wanaʾ uldalamnalum.

YOHANES 15:9

” Neyung bedya nak wanaʾ ulunyok sok, nadya ugunuk wanaʾ ulusisa. Anasa, nadya wanaʾ ulusisa nang geknebaʾ ulululum.

YOHANES 18:37

Dara, Pilatus bedya Yesus ak, ”Wera anasa, anda aldib dubnya ululam de?” aboka heibok. Dara, Yesus adya Pilatus bek, ”Nara dubnya henelem ara dib lelam. Nara sokok an yeilimsa dara, beiyinyekaʾ ara, nimi yok nim ek dib yub ak laga lebsununaʾ aboka yeilimsa. Anasa, dib yub ak wanaʾ ulumak nim era, nadya yuba kelemak,” hyok.

YOHANES 3:11

Nara anak hyak dib lebgen, Nunja seleb ella unanya nenyek ugunuk neklesab hnon, nunda seleb heng eiyinanya nenyek ugunuk laga lelesab bok, ugunda nunja yuba dib senewoka donggululum.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 3:32

Alda seleb heng eiyimoknya hnon, o kemoknya hnon, nenyek laga neklesil bok, nimi nidyaʾ ara alja lelemla yuba pe keboka donggulumak.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 26:23

Wenyaboka lelemeknya nera, Imik Neyung alda Kristus nimi blebsinaʾ dubnya sokok sam eleganesin amoknya bera, seleb gwekoka somogok dara, alda men youboka embengaʾ dangeinimoknya dangoka, wera dilinaʾ yuba laga nenewoka lelemok. Yahudi nimi yokaʾ ak hnon, Yahudi gom nim ek hnon, dilinaʾ yuba laga nenewoka lelemok,” hyok.

ROMA 3:25

Anera Imik Neyung adya men, ganya dib senenaʾ anasa leboka, Yesus eneng pik enyek anyeb nimi malya unaʾ amba deksulul aboka, Kristus Yesus ara nim amba elegosuk. Alja or unulunok senelemok salek, unulumek malya unaʾ era anesemba hnon yokaʾ unuwanggubsuk anasa, wenera alja ban unuwokaʾ damok ara, aljaʾ pe ununanya nera anaso abdok ara an.

ROMA 8:37

Bok ban nidyaʾ an lebnaʾ ak ab dara, nuk wanaʾ ulusilnya be pik ab uboka, nunda ol lamakna nang ek ulumab.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

EPESUS 2:4

Bok Imik Neyung ara, alda angoo yadyek senewoka arasinaʾ hwamnya bedya, nuk hyak wanaʾ nauba ulusukaʾ anasa,

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

KOLOSE 1:18

Alda nong ak dara, yuba donaʾ nimi hiboka amba, al Kristus ara, huka, dubnya, ulumla. Alda men yokaʾ nong, anya somoknaʾ ak ab men nonga subuknya ulumla. Anasa, yokaʾ-yokaʾ ab dara, alak danyek, hyak nonokdob.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.

1 TIMOTIUS 6:15

Imik Neyung ara hyak pe ululanya uboka, dubnya ben nong ara al hnonok ulumla. Yok-yok nimi sikjaʾ dubnya bera Imik Neyung hnonok dubnya ulumla. Yok-yok wenelesak nang sikja dubnya ulusil. Dara, Imik Neyung adya ban sum nong enyek yanamla amlya sum era, Yesus ara laga yanamla.

IBRANI 10:29

Bok hyak nauba ara, Imik Neyung bedya me Yesus ak blekoka yan ingib sablamlaʾ amba hnon, malya unaʾ ak ab geisa nenewanesin aboka yekok eneng ek malyaʾ sembejaʾ senelamlaʾ ak hnon, wanaʾ uboka eleksinaʾ Geisinya bedya ak derelamlaʾ amba hnon, hyak nauba saboka obnamla.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

1 PETRUS 1:19

alda hyak perob nongaʾ anyek deksuk. Kristus ara giriwaʾ deregoka menengaʾ unggulumla domba pam enesoʾ ak uboka, al Kristus alja eneng era, senenggom deknaʾ eneso eneng edya deksuk.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.

1 YOHANES 4:10

Wanaʾ unaʾ ara ban: Nunja Imik Neyung ak men wanaʾ ulumouba gomaʾ, bok alda Imik Neyung adya nuk wanaʾ ulusuukanya, nunja malya unaʾ amba doboka bobogosululaʾ aboka, alja yando me hnonok bok nunsamba bokol yeilisuk.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 11:3

Anya nara nadya penya pe laga len nang ek ara, sikenek migibaʾ ak hnon eleganasin. Anedya sikda engenaʾ ganya boboka, liga seribu dua ratus enam puluh sum ununumnaʾ lelemnerak.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 19:11

Dara onoʾ hnon eimik so danyek, imik heikek ara gaboka, wera nim abaksin pama, kul pam ek eibsa. Pam en abagemoknya bedya alja si nera Bojam hwam uboka, dib nongnya aboka simek. Alda nimi henga goubnaʾ ab, mala weboka oldanaʾ ab dara, pe senenya loboka yana lelelesil.

WAHYU 19:16

Hnon aljaʾ akleng ek ara, anya eilik ab dara, Mok soko me dub nang nidyaʾ dubnya ulumlakanya, nidyaʾ wenelesak nang dubnya ulumla, wenyaboka momnya domek si nenyek ulumokaʾ ak eibsa.

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.

WAHYU 7:14

Dara nadya benyek an, ”Nadyaʾ neyung o, anda seleb ella ululam,” hesa. Dara onoʾ alja nak, ”Wera an nang enera igina kweboka okna ulusilaʾ ak ab gobek nang era an. Sikja akleng era, domba me eneng adya seleb meka elegoka, geisa nenerobaʾ ak ulumak nang era an.