WAHYU 1:2 - PERJANJIAN BARU NALCA YUBA

² Dara onoʾ aldib Yohanes bedya aljaʾ dib heng yokaʾ adya eibukaʾ nidyaʾ ara, Imik Neyung adya lebok yuba hnon, anya Yesus Kristus amba len yuba hnon, ban bukuk sam laga lelemla.

WAHYU 1:2 ပူးပေါင်းရင်းမြစ်များ

YOHANES 1:32

Dara, Yohanes bedya ban laga lebokaʾ ara, ”Geisinya ara yalma wining anasoʾ imik ab yingginiboka alak bul yeilimokaʾ eiyimsa.

YOHANES 12:17

Onoʾ, Yesus adya Lazarus bek goboka yalom amookanya, suboka embengaʾ bukiyimokaʾ ak nauba longowoka eiyimek nim edya dara, Yerusalem heikek alsamba nekoka yuba lero yabalamek.

YOHANES 19:35

Dara, ban nidyaʾ unulumokaʾ anyek okoka ok ab eiyimoknya bedya, aldib unumok aboka laga neksuukanya, alja eiyimoknya bedya unumok hyokaʾ ara aldib lebok. Alja lebok yub era dib nong yub anyek ella uboka, ugumbabya dib senelelulumaʾ aboka nekesuk.

YOHANES 21:24

Dara ban benyek ara, Yesus adya unulumokaʾ nidyaʾ ak laga lelemookanya, ban yuba domokaʾ momnya doboknya bera alan. Alja nidyaʾ momnya doboka lebokaʾ ara, dib nonga lebokaʾ ara nunda nidyaʾ ella ulumab.

YOHANES 3:11

Nara anak hyak dib lebgen, Nunja seleb ella unanya nenyek ugunuk neklesab hnon, nunda seleb heng eiyinanya nenyek ugunuk laga lelesab bok, ugunda nunja yuba dib senewoka donggululum.

RASUL 22:15

Anja kebmenaʾ ab, henga eibmenaʾ danyek, nimi yok nang ek lero yabanaʾ anya danalam.

RASUL 26:16

Anda bukoka seklom. Nadyaʾ nong anyek abdanya nera, unuwanyaakanya an nong ak aabdangoka, nadya weblom aboka an nong ak sekiyiwagen. Anasa wera, anda sumen nak ab eiblamaʾ hnon, eimik nadya eleganenggenaʾ hnon, lero yabalamnalam.

RASUL 4:20

Nunda seleb eiyinum kenum anyek lelenam ara, hyak lobnenggunusinim,” arek.

1 KORINTUS 1:6

Wera Kristus ak laga danganaʾ anyek yarenga elegoka mel-mel asuk.

1 KORINTUS 2:1

Hemyab o, Imik Neyung adya orowek seinibgegemok bok, soko adya dara, ella danggumokaʾ anyek, ugunuk lero yeilisisa sum era, nara meka lelewoka hobyang yuba saboka, onoʾ sokok an geremsengaʾ ulumaknya nedya ella dangoka ugunuk Imik Neyung yuba lel yanggusisa.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.

3 YOHANES 1:12

Nimi nidyaʾ ara Demetrius bek pelemla bar aboka gigilemak. Onoʾ alja unulamlaʾ ara dib yuba lelesil sok neik digum unulamlaʾ anasa, gigilamla. Dara onoʾ nunja anaba perob aboka gigiwab. Dara, nunja lebsabnya nera dib nong ara ugumba ella ululum.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.

WAHYU 1:19

Anasa wenera, ban nenesa leboka, wen anja seleb eiblamaʾ ara, wen ululanya neb, eimik unuwanamlaʾ ab, anja okoka eiblamaʾ lelewoka momnya dobnelam.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 12:17

Unuwokaʾ anasa, ban naga bagaʾ era hyak yu nong berewoka, gel gen nimi yilaʾ yok nim ek, Imik Neyung adya oruksin yub pe keboka unulumek nim eb, Yesus adya laga lenaʾ bolomek nim eb danyek, waregoka norowousuk.

WAHYU 20:4

Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.

WAHYU 22:21

Dara, Wenelesilnya Yesus adyaʾ wanaʾ uboka perob eleksinaʾ ara, ugun nidyaʾ ak, ulusulul e!

WAHYU 6:9

Dara domba me ara lamnya beknaʾ denenaʾ bakal yabok dara, nara sik Imik Neyung yub amba hnon, laga pe lenaʾ sikja boboka lelemeknya nenesa leboka, seleb osik nang edya, sikja ganya era, uka daboka gibnaʾ oulyang damumduk sam eibsa.