WAHYU 1:18 - PERJANJIAN BARU NALCA YUBA

¹⁸ Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

WAHYU 1:18 ပူးပေါင်းရင်းမြစ်များ

MATIUS 11:23

Anya Kapernaum heik o, anak imik nenewoka imik heikek sam nenewanenggel de? Hyak orok! Anda hyak somokna nim heikek ak sam boboganenggel! Anasa an ululamaʾ gangganek an lok soʾ senenggom damok unulamnaʾ ara, men Sodom heikek seleb unusinya dara, Sodom heik ara weneba or ubnamso!

MATIUS 16:19

Nara Imik Neyung bedya wenesin heik pik baknaʾ era anak eleganenggen. Anja sokok anyeb nera memnya alamnalamnya nera, imik heikek anaba mem alamnamla. Onoʾ anja sokok anyeb nera or perob alamnalamnya nera, imik heikek anaba nera or perob alamnamla,” hyok.

LUKAS 24:5

Wera gelewa dara, hyak lok ganya boboka, hogunga sokok oumuwoka ulumek bok, penya nang danadya sikenek, ” Nimi somoklomakaʾ ak sam ab embengaʾ suboka bukelanya benyek, ugunda hekasa an elelum do?

YOHANES 11:25

Dara Yesus adya, ”Nara nim embengaʾ bukullilisinya uboka, nim embengaʾ nenelesinya ulumnaʾ anasa, heknedya nak dib senewoka dolonelnya bera, seleb somogamlyaʾ anaba embengaʾ bukiyiwanamna.

YOHANES 14:19

Mek anam binimnaʾ anasa, soko adya nak eibnenggununel bok, ugunda nak eillilimnenulum. Nab embengaʾ ulumnaʾ anasa, ugumbabya embengaʾ ulumnulum.

ROMA 6:9

Nunda seleb ella ulumabaʾ ara, Kristus ara alda somoknaʾ nimi gangganek ab seleb embengaʾ subuk anasa, somoknaʾ damok ara hnon alak ol lelenggulumlaʾ anasa, alda saawoka onoʾ hnon somoganggunumla.

2 KORINTUS 13:4

Kristus nong anyek, hmengaʾ lomok, oboka gal ak glabemek bok, wera Imik Neyung migib adya ulmorulamla. Numbabya Kristus lomok uboka hmeng ulumabjok, ugunuk an wa welemnesab anasa, Imik Neyung migib adya Kristus ablaboka ulumnamab.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 7:16

Wenyok yuba lenaʾ gaknya Yesus ara, alda senenggom yuba wa gaknya nenewokaʾ ara, nim adya unulumak ununaʾ ek sunuwoka yuba gaknya sekiyiwanggubuk bok, alda al nong senenggom dubnya uboka, sidyaʾ somoganamlaʾ ara oroknya bek sekiyiwok.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

WAHYU 10:6

Unuwoka alda, hyak dib hwekwa ulmoublelanya, im ab, soko ab, mek gwan ab, nidyaʾ ane lomok ulumlaʾ uyiwoknya bedya si sibuka, dib unuwanamna aboka anaso wenyal yabok, ”Goʾ mabdabnenggunumla.

WAHYU 15:7

Dara, ban gamyakaʾ dombadya anera, hnonnya nedya ban sekbadya lero ek, emas mek hmeiya sekbadya doboka elegosuk. Ban sekbadya mek hmeiya era, Imik Neyung hyak sobaʾ ulmoublelanya, alja yu sen-sen anaʾ adya deknewoka beiyimok.

WAHYU 2:8

Smirna heikek yuba donaʾ nimi lero ek ban unu: ”Ban yub enera men youmaʾ ulumokaʾ ara, onoʾ eimik sobaʾ ulmorulumnelanya bedya yuba, alda seleb somogoka onoʾ embengaʾ dangamoknya bedya yub era an.

WAHYU 20:13

Anya onoʾ, senenggom mek gwan edya nimi somogomek nim alak an ulumeknya nera doboka elegok. Anya somoknaʾ damok ab, alja somoknaʾ nang heik digum, somokdobaʾ anyek ulumek nim era, doboka elegarek. Dara sik nimi danera, sikja yokaʾ-yokaʾ unulumekaʾ nidyaʾ ara, sunuwoka yana lelewosuk.

WAHYU 20:14

Dara nimi somoknaʾ damok ab, alja somoknaʾ nimi heik digum eb dara, doboka, sobaʾ singilamlaʾ uk mek gwanek doboka doronggosuk. (Ban sobaʾ singilamlaʾ uk mek gwan alalanya nera, dibaʾ somoganamaknya, penenya nera an.)

WAHYU 3:7

Filadelfia heikek yuba donaʾ nimi lero ek ban unu momnya dobnelamaʾ ara: ”Ban yub enera, hyak geisa uboka, hyak dib nong ululanya bedya yub era ban. Dara, Daud bedya pik baknaʾ era alja bo ulumla. Alja pika baknamso dara, nimi yok nang edya seregamenggom, anya onoʾ alja sereganamso dara, yok nang edya anaba baknamenggom.

WAHYU 4:9

Sikda dombadya gamyakaʾ edya lero seblemek ber era, al ekla bunaʾ ak bululanya bek perob aboka si imik nenewoka, gigiwoka, perob aboka giblemek. Dara an giboka seblemek salek era,

WAHYU 5:14

Wera ban dombadya gamyakaʾ era, ”Al aldib or unululul,” hyek. Dara ban nonga kaboka wa borob nang eneba doro boublingdangoka giblemek.

WAHYU 6:8

Anya, wera, abaksin pama hnon, hong ara embeng meklaʾ uboka, weik bokaʾ aleb-aleb arobaʾ ak ulumookanya, an eilib abagamoknya bedya alja si nera, somoknaʾ damok. Anya somoknaʾ nang heikek era, eimik dobgiga yalamok. Anya sikenek ara, sokok an ulumek nanga nidyaʾ ara, dombadya bokoka dara, hnonok obnemek migib enyek, mal oldanaʾ pik ab, gwaneng okaʾ bun pik ab, neiknaʾ damok don pik ab, sokok an yok-yok yu nongaʾ beiyik ulumlaʾ pik ab benewoka obnokaʾ aboka migib era, elegel yabasukaʾ ak eibsa.

WAHYU 9:1

Lam lero era, alja benggonga lel yabok enyek, guraʾ hnon imik abaʾ ara, sokok malyinggyuk. Dara, an malyinggyuknya nek ara, nimi somoknaʾ gweren selengaʾ pik baknaʾ ek elegokaʾ ak eibsa.