WAHYU 1:17 - PERJANJIAN BARU NALCA YUBA

¹⁷ Nara benyek eilil yabasa dara, na nong ara somoganya benesoʾ ak, aljaʾ yan berem glob lobsa. Bok aljaʾ sirik soruk era nak diyiwoka lebnyokaʾ ara, ”Anda lok ganya bonggom, mem. Nara men youboka ulusenya bera, onoʾ eimik sidyaʾ daknananya ulumna.

WAHYU 1:17 ပူးပေါင်းရင်းမြစ်များ

MATIUS 14:27

Bok Yesus adya danyek, ”Nara Yesus ak anasa, ugunda ganya gwelelek hululum. Ugunda lok ganya bonenggom, mem!” hyok.

MATIUS 28:4

Dara anyagan Yesus beʾ dakijek aboka diri welemek nang era lok anasa, ber-beranaʾ beiyiboka, anya sik nong ara somogamna nong eneso ubsuk.

MATIUS 28:5

Dara lero enedya gelewa danyek an, ”Ugunda lok ganya bonaʾ ara mem! Ugunda Yesus gal ak oboka glarobnya benyek elelumaʾ ara nara ella usin.

YOHANES 13:23

Yuba domoknya Yesus adya wanaʾ nauba ulumoknya hnon, Yesus berem buklingnemok.

YOHANES 21:20

Wera, Petrus bera kemel samalemok dara, Yesus adya wanaʾ nauba ulumokaʾ yuba doro diriga bannya bera, eimik dobol balasukaʾ eiyimok. Yesus obnemekaʾ anasa, neikaʾ sidyaʾ deldaklemek sum enyek, Yesus berem bukoka delemoknya bedya, Yesus ak, ”Wenelesilimnya o, anak heknedya oblulum aboka yuba dil bilinggel do?” aboka heimoknya benyek okoka eiyimok.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.

WAHYU 1:4

Nadyaʾ hemyabo nim, sekbadya Asia sokok sam yuba don heikek yuba donaʾ nim ek gibsin! Ugunuk wanaʾ uboka eleksinaʾ ab, namen ganya unaʾ ab dara, al wen ululanya, youmaʾ ulumokaʾ ara, onoʾ eimik sobaʾ ulmorulumnelanya bedyaʾ ara ugunuk elegoka ulusulul, anya aljaʾ saramek sam sekbadya ganya edyaʾ anaba ugunuk elegoka ulusulul.

WAHYU 1:8

Wenelesilnya Imik Neyung wen ulumlaʾ, youmaʾ men ulumokaʾ ara, onoʾ eimik yanalanya bera, onoʾ hyak senenggomaʾ migib ululanya bedya dara, ”Nak danyek, men ub einiwasenya bera onoʾ eimik sidyaʾ dakoka ubdaknanya ulumna,” alamla.

WAHYU 2:8

Smirna heikek yuba donaʾ nimi lero ek ban unu: ”Ban yub enera men youmaʾ ulumokaʾ ara, onoʾ eimik sobaʾ ulmorulumnelanya bedya yuba, alda seleb somogoka onoʾ embengaʾ dangamoknya bedya yub era an.

WAHYU 22:13

Nak men youmaʾanya uboka, onoʾ eimik sidyaʾ daknanya ulumnakanya, al nak danyek, men eininaʾ ak abaʾ ara, onoʾ sidyaʾ einil daknaʾ amba Wenesinya ulumna,” hyok.