TITUS 3:3 - PERJANJIAN BARU NALCA YUBA

³ Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

TITUS 3:3 ပူးပေါင်းရင်းမြစ်များ

MATIUS 21:29

Bok me nera, Neyung, na lek, hyok. Bok onoʾ eimik era, angoo senewoka ganya dangawoka or wel byuk.

LUKAS 21:8

Anasa Yesus adya dara, ”Ugunuk bobnenewoka sondaʾ amba nauba malya ubsijek anasa, keeboka ulululum. Nimi nauba eimik era, nadya si sibuka yeijikanya, Alda nara an yan! anya, Wera soko dengan salek era seleb oka dal, henesak bok, ugunda dib senewoka dilinaʾ ara hyak mem.

YOHANES 8:34

Anasa Yesus adya lebokaʾ ara, ”Nara ugunuk hyak dib lebnesin, Heknedya malya ululanya bera, alda malya unaʾ amba wa wenya ulumla.

ROMA 11:30

Anasa dara neikik, ugunda youmaʾ dara Imik Neyung pe kenggululum, bok wenera sikjaʾ pe kenggom enesa, ugunda angoo yadyek senewoka arasina ganya era dololum.

ROMA 6:12

Anasa ugunda malya unaʾ ganya anyek diliwoka unuwoumunuk aboka, ugunda malya unaʾ ara, an somoganamla nong enyek an or welenulul senenaʾ ara mem.

ROMA 6:17

Ugunda youmaʾ dara, malya unaʾ adya wa wen nang ululum bok, wera ugunda ugunuk neklesikaʾ ak ganya gouluwoka pe keboka unululumaʾ anasa, Imik Neyung ak pe giblenob.

ROMA 6:22

Bok wenera, ugunda malya unaʾ ak ab seleb lob lobsuukanya, ugunda Imik Neyung bedya wa wen nang doulum. Dara, banedya perobaʾ dolumnya nedya pe munaʾ gobdo unaʾ ak bo balasilikanya, hyak sidyaʾ nong ara embengaʾ ulmoubnaʾ dangalamla.

ROMA 6:6

Nunda ella ulumabaʾ ara, nunja malya unaʾ nong migib era denghelyekanya, nunda malya unaʾ ak kebijek aboka dara, nunja youmaʾ ulumoub ganya nong era, seleb alab neikaʾ gal dubuk glaboka bo somogosuk.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

GALATIA 6:3

Anasa nimi ben hnon alda perob gomnya bokaʾ anyek, nara perobnya seneldalamla dara, al dam nang sondaʾ leldalamla.

KOLOSE 1:21

Youmaʾ dara, ugun nong ara, Imik Neyung ak ab mok gebdangoka ululum; ugunja ganya seininaʾ adya alak isaʾ nang gebelumaʾ ara, lagaʾ dok ara, ugunja yu hwam unaʾ adya beknaʾ laga ella ulumok.

KOLOSE 3:7

Dara, youmaʾ era, ugumbabya ban nenera unuru balalum.

2 TIMOTIUS 3:13

Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

2 TIMOTIUS 3:6

Ban nang danara nim edya e pik gelelenga wekel balamak. Dara onoʾ hyak malya unaʾ hwam ok uboka, yok-yok unuweisinya ganya adya gouluwoka ulumak gelewa ek sene malya unuwanokaʾ aboka benellilisak.

TITUS 1:16

Sikda sondaʾ anasa nunda Imik Neyung ak ella ulumab alamak bok, sikja unulumakaʾ adya, ella ulumab anaʾ ak sonda nenelemak. Sikda omoma dablesil nim ulumak. Sikda yub ak ganya dib oloknaʾ ara lek senelemak nim ulumak. Sikda perobnya nemba dara, pe ununaʾ ara unuwanggunuseng nim ek anara ulumak.

TITUS 2:12

Ban Imik Neyung adya wanaʾ uboka eleksinaʾ adya, nunda sokok an ganya oka denaʾ ulumlaʾ digum unaʾ hnon, yokaʾ-yokaʾ Imik Neyung adya perob gom senelelanya nek hnon, hyak loblulum aboka nuk neklesil. Nunda sokok an ulumeibya danyek, pe ganya siklewoka, geisa uboka, Imik Neyung ak pe bojam ulunobaʾ aboka, alja wanaʾ unaʾ era neklesil.

YAKOBUS 1:26

Nimi ben hnon yuba dolomna ak pe unulamna senebdangoka ululabok, alda yuba sibamaʾ silyum pe bo diri uldanaʾ orok dara, alja yuba dib senelamlaʾ ara salyaʾ lelem dangoka, al damnya sondaʾ leldalamla.

1 PETRUS 1:14

Imik Neyung ak pe keboka unulululum. Ugunda Imik Neyung ak elgom ululuma wenyek, ululum nong unaʾ enyek ugunja ganya edya ok diligaʾ en doboka unggom.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 13:14

Dara, ban eimik yu nongaʾ enedya, lok so beknaʾ dibaʾ alak elegok adya, men yu nongaʾ amba leboka, loka dabsinaʾ unuru yabalamok adya, ban sokok an ulumeija nimi nidyaʾ ara, bobnenewoka ubsuk. Hnonda, ban men yu nongaʾ era, oldan gab edya menengaʾ diligaʾ hwam bok, or ulumlyaʾ anyek, alja nonga sunuwoka memenaʾ ara, galak girikek gom meewoka sekiyiwolulum aboka orugosuk.

WAHYU 18:2

Dara alda yuba migibaʾ nauba bii aboka, ”Seleb malyinggil! Ban Babel nauba heik era seleb malyinggil! Anya, wenera bisaʾ gong danyeb, yu hwam ganya adya un oulyanga dal. Anya ane lomok an nidyaʾ ab, hyak malya anasa lek senelemak wining gong eb danyek, ulumak.