TITUS 2:3 - PERJANJIAN BARU NALCA YUBA

³ Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

TITUS 2:3 ပူးပေါင်းရင်းမြစ်များ

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

ROMA 16:2

An lebnanya nera, anedya ugunda alak Wenelesilnya pik ganya gwelelek aboka, neikso yok munaʾ Imik Neyung mab emba arawoka ulumak sok, alda yokaʾ hnon doroweisinya senewanamla dara, arawoka ubnelum. Wera alda yok nang ek hnon, na nong ak hnon, hyak nauba seleb arawousuk anasa.

EPESUS 5:3

Ugun nong ak dara, munaʾ Imik Neyung mab ululumaʾ anasa, nimi yok nim edya ugunuk sikba malya ulumak henesijaʾ damoka giliwoka beibdoumunuk anasa, hmabaʾ ganya hnon, yok-yok malya unaʾ emba youmburaʾ debnaʾ hnon, gela salyaʾ salawoka, anaso malya ura yabanaʾ hnon ara, ugun gangganek sam ara mekaʾ unggulumnamla.

1 TIMOTIUS 3:11

Anasonya neikek, gelewa anaba, yok nim ek malya yuba lenaʾ ab, gelewa danara ganya siklewoka diri ubdangoka, yok nim edya anaba pe ulumak aboka dib senewanemeija gelewa enyek ulunok.

1 TIMOTIUS 3:8

Neikso, Imik Neyung ek arasinaʾ nang eneba, eirigal ganya bonggulumak nang, sibamaʾ penya-penya lenggulumak nang, yu mek denggulumak nang, rupiah nauba dobsibya ganya bonggulumak nang enyek, yok nim edya sikenek perob senewanemeija nang ek, ulunok.

1 TIMOTIUS 5:23

Anda mek dem ok sobaʾ denggom. Alda anja mona malya ulunggelekanya, sobaʾ neiklelamnya nenesa, nonga pewogululaʾ aboka, anggur meka hnon sum era mekaʾ delelom.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

TITUS 2:4

Sikda ban unulumeijaʾ adya, wera onoʾ sikja goubenya gelewa ek, sikja nenyab eb, memab ab, wanaʾ ulunokaʾ aboka neklesinok.

IBRANI 5:12

Wen era, ugunda yuba len nanga dangamnesom bok, nera ununaʾ orokaʾ anyek, alda Imik Neyung yuba doboka ganya kalamakaʾ damok ara, yok nim edya anam pe neknesiseng hogung ek ululum. Anya, ugunda gasa denaʾ lowoka, anam moum soub denaʾ ok delelum.

WAHYU 2:20

”Bok nara anak igin ganya bolenggenaʾ ara, Imik Neyung adya lelemla aboka laga sondaʾ amba lelemla gel Izebel gek, eil lololamaʾ ak, banyek hnonok ulumla. Nimi nadya wa wen nang ek sondaʾ leboka, gela salanaʾ nauba unuwoka, bisaʾ ak beil balamak denaʾ bukoka dero yabalemakaʾ ak, bobnenewoka malya pik bo ablesil.