TITUS 2:2 - PERJANJIAN BARU NALCA YUBA

² Nengmabo nauba nang ek dara, sikda ganya siklewoka kaboka ulunokaʾ aboka, perobaʾ ok seiniwoka ulunokaʾ aboka, hnonda yok nim edya perob senelesak nang geknebaʾ ulunokaʾ aboka, onoʾ yuba dib senebmoubuka, hyak wanaʾ ubdangoka, pe siklewoka welenokaʾ aboka pe neklesilom.

TITUS 2:2 ပူးပေါင်းရင်းမြစ်များ

MARKUS 5:15

Dara sikda, Yesus ak yeiniboka kemelemek enyek, bisaʾ gologomoknya bera, anyagan bulumokaʾ ak eibek. Bera alda hyak ganya kaboka, boksom ongowoka perobaʾ nong anyek bulumokaʾ ak eibik dara, sikda loka dabsuk.

LUKAS 8:35

Dara nimi nidyaʾ heikek ab unumokaʾ nidyaʾ eibnobaʾ aboka gobek. Dara sikda Yesus ulumokaʾ ak sam yeiniboka kemelemek enyek, bisaʾ gologomokaʾ anyek alja hwemoknya bera, Yesus adyaʾ yan berem bulumokaʾ anyek eibek. Dara bera alda ganya sirikaʾ beiyiboka, aklenga seleb ongowoka bulumok. Wenyek eiyimek nim era, hyak lok ganya bobek.

RASUL 24:25

Bok Paulus bedya jong unaʾ yub ab, ganya siklewoka unaʾ yub ab, eimik Imik Neyung adya nidyaʾ yana lelewanasil yuba lel yabok dara, Feliks dubnya bera hyak loka daboka Paulus bek, ”Wera nera anda seleb leblam anasa, anda or bimenekanya, onoʾ yok sum lebnesilim senewanamna salek enyek, el bululum henya dara, anak el yananjak,” hyok.

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

1 KORINTUS 15:34

Ugunda wen eibkweblulum. Hnon sounuwoka malya ul soununaʾ ara hyak mem. Ugun gangganek sam ara, Imik Neyung yuba elgom nimi hnon ulumakaʾ anasa, ugunda alya ganya bobnesom.

1 KORINTUS 9:25

Nimi nidyaʾ bik-bik henemab bar aboka, sunulsinilimakaʾ ak sam ara, yokaʾ nidyaʾ ara ganya siklebdaboka ulumak. Ban siklewoka pe sunuwoka ulumaknya nera, pewanya dara, yalaklamla esaʾ kweb ganagameijaʾ ak dobnamna senewoka, anara unulumak. Bok nuk dara, yalawanggunumla esaʾ enyek kweb ganaganesilaʾ anasa, yokaʾ-yokaʾ nidyaʾ ara, pe yeiriwoka siklewoka unulumab.

2 KORINTUS 5:13

Dara, nunda serema salasinaʾ anaso ulumak senewanesiseng bok, Imik Neyung amba leboka unulumab. Onoʾ nuk pe seinilimak seneweisisengaʾ anaba, anara ugunsamba pesin danasa unulumab.

GALATIA 5:23

ganya sokok neneldanaʾ ganya hnon, pe keeboka diri uldan ganya hnon, ulumla. Yok-yok unuwanalum an yub edya dara, ban ganya danyek boboka unaʾ ara, hnon mem anggulumla.

PILIPI 4:8

Wera, nadyaʾ hemyabo nim o, ugunja ganya ek ara, nim unaʾ perob dangalalanya nenyek, pelemak aboka gigiwanasijenya nenyek, nera pe unaʾ ab, gibildanaʾ ganya ab, perob ok ununaʾ ab, geisa ululanya neb, pelelanya neb, perobnya nedyok ugunja ganya ek deknewoka ulusulul.

1 TESALONIKA 5:6

Anasa, nimi salyaʾ hogunga malamak sok unuwanggunumab. Bok pe keebmoubuka pe diri uldalamnamab.

1 TESALONIKA 5:8

Bok, nunda dilinaʾ mab silibaʾ ulumabaʾ anasa, nunda pe diri ubdangoka, dib senen ganya ab, wanaʾ un ganya ab, seng anasoʾ enegoka, dib blebnesil senen ganya adya huk golubdangoka ulumnemab.

1 TIMOTIUS 1:10

Onoʾ yok gela salanaʾ hwam ok ulumak nang amba hnon, gel ganya ok boboka nauba meknelemak nang amba hnon, nimi nengmabo moumen dekeldalamak nim emba hnon, sondaʾ hwam ok wekdeknewoka ulumak nim emba hnon, sondaʾ anasa bobnenewoka lelemak nim emba hnon, nidyaʾ dib nong yuba elegousukaʾ ak bleklemak nim emba hnon, oruknaʾ yub ara elegousukaʾ ara, ella ulumab.

1 TIMOTIUS 1:14

Wera nunjaʾ Wenelesilnya bedya alja wanaʾ uboka eleksinaʾ ara nak gobdo nauba elekmorunyok. Dib senenaʾ ab, nim ak wanaʾ unaʾ amba migiba, Yesus Kristus lomok abaʾ ara nak elegenyok.

1 TIMOTIUS 1:2

ganya dib senenaʾ ak ara, nadya me yokaʾ Timotius ansamba ban momnya en momnya doboka beibgen. Anya wera nunja neyung Imik Neyung adya, hnon nunjaʾ Wenelesilnya Yesus Kristus adya, wanaʾ uboka eleksinaʾ hnon, angoo yadyek senewoka arasinaʾ hnon, ganya hekoka unaʾ hnon anak ulunggulul.

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

1 TIMOTIUS 3:11

Anasonya neikek, gelewa anaba, yok nim ek malya yuba lenaʾ ab, gelewa danara ganya siklewoka diri ubdangoka, yok nim edya anaba pe ulumak aboka dib senewanemeija gelewa enyek ulunok.

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 TIMOTIUS 3:4

Bera onoʾ alja mabo silibaʾ ak pe bo uboka, alja mab era alak nunja neyung senewoka lok ganya boboka, alja yuba keboka, ulumnesengnya benyek, ulumnamso dara, wera nimi bo usinnya ulumnamso.

1 TIMOTIUS 3:8

Neikso, Imik Neyung ek arasinaʾ nang eneba, eirigal ganya bonggulumak nang, sibamaʾ penya-penya lenggulumak nang, yu mek denggulumak nang, rupiah nauba dobsibya ganya bonggulumak nang enyek, yok nim edya sikenek perob senewanemeija nang ek, ulunok.

1 TIMOTIUS 5:1

Yamen so nim ek, hogunga gorogoka gasaʾ anyek ooma lenggom, mem. Nadya neyung yabe denga leboka lelesilom. Goubenya nim ek dara, nadya hemyab ulumak senen ganya boboka unululom.

TITUS 1:13

Ban ununumnaʾ lelemoknya benedya lemoknya nera hyak aldib nong. Anasa, sikda dib yuba dolomakaʾ nong anyek, pe salalmoublenokaʾ aboka, anda hyak pe oma leboka wenelesilom.

TITUS 1:8

Dara onoʾ, alja ek sam nimi yalamak dara, perobaʾ leboka doro diyiwoka, alda perob unaʾ anyek perob senelelanya benyek, ganya siklewoka diri ubdangoka, pelelanya benyek, geisa ganya boboka, yamal longgululanya bek ululul.

TITUS 2:7

Anda yokaʾ-yokaʾ nidyaʾ unulumenaʾ ak ara, yok nang edya diliwagenokaʾ aboka, perob ok unululom. Anda yuba neklesimenaʾ ak ara dib nong ok anyek, laga angawoka neklesilom.

PILEMON 1:9

nunda wanaʾ uldalanamnya nenesa, unuwanalam aboka molowagenaʾ ok. Nara seleb yamen danakanya, wera Yesus Kristus amba leboka gasa ek seleb henga geregoka beinyek.

1 PETRUS 1:13

Ban nenesa leboka, ugunja ganya seininaʾ pe meewoka ublulum. Yesus Kristus yanamla sum enyek eleganesilaʾ anyek dib dobnemab senewoka, ugunja ganya welelulumaʾ ara, pe keeboka unulululum.

1 PETRUS 4:7

Yokaʾ-yokaʾ sidyaʾ daknamla sum era, wera seleb oka yalamlaʾ anasa, ugunda pe heng uboka molowoka ulululumaʾ aboka, ugunda keebdangoka pe diri uldalalulum.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

2 PETRUS 1:6

Dara, ugunda geremseng nang uboka, hnonda ugun nong anyek pe diri uldalalulum. Dara onoʾ pe diri uldalamunuk ab dara, yokaʾ-yokaʾ lanawanamlya sum enesa leboka, ugun nong ara ganya migibaʾ gebdangoka pe ubmoruwanob senen ulululum. Onoʾ ganya migibaʾ gebdangoka pe ulmorulumunuk ab dara, Imik Neyung adya anaso ubseng senelamlaʾ sunuwoka ulululum.