ROMA 8:9 - PERJANJIAN BARU NALCA YUBA

⁹ Bok Imik Neyung Geisinya ugun nong lomok seleb ulusil dara, ugunda nimi ganya adya bo unggulusil, bok Geisinya adya bo ulusil. Bok onoʾ nimi be hnon Kristus adyaʾ Geisinya unggulumla dara, alda Kristus bedyinya unggulumla.

ROMA 8:9 ပူးပေါင်းရင်းမြစ်များ

LUKAS 11:13

Anasa wera, ugun malya unaʾ nang enyek babya, ugunja mab ek ara perobaʾ anyek eleklelum. Wera ugunja Imik Neyung imik heikek ululanya bera, wanok! Alda Geisinya elegeisilom aboka molowanamak nim ek ara eleganesil,” hyok.

YOHANES 14:17

Soko adya, alak eilinggulumlakanya, elgom ulumlaʾ anasa, alak dobnenggunumso. Bok, alda ugunublaboka ululumukanya, onoʾ ugunja ganya lomok ulumnesilaʾ anasa, ugunja alak ella ululum.

YOHANES 14:23

Yesus adya dara, ”Ben hnon nak wanaʾ ulunelya dara, alda nadya neklesin yuba sunuwoka ulumnamla. Dara, nadyaʾ neyung bedya alak wanaʾ ulumnamlakanya, Neyung beb, nab alak yeinima dara, alab neikaʾ ulumnamab.

YOHANES 3:34

”Dara, Imik Neyung adya bokol yeilimoknya bedya, Imik Neyung bedya lelemla yub enyek lelemla. Alak ara Imik Neyung Geisinya elegelmorulamla.

YOHANES 3:6

Nimi nong ak dara, nim adya beillilimak bok, ganya ak dara, Imik Neyung Geisinya adya beillilisil.

RASUL 16:7

Dara Paulus Silas ara, Misia soko berem birik dara, wera onoʾ Bitinia moka bininam senen ubdek bok, Yesus ab Geisinya adya, ”Mok enyegara banaʾ lobdurum mem,” asuk.

ROMA 7:5

Anasa nunda malya unaʾ ganya lomok anam ulumoub salek era, Yahudi nim emba unuwanalum an yub adya dara, malya unaʾ ganya ek onowoka, nunja ganya nong lomok welemok adya, somoknaʾ damok ak bo balasuk.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

ROMA 8:2

Dara Kristus Yesus pik uboka, unuwanalum an yub edya embengaʾ unaʾ eleklesil Geisinya damok migib adya, ugunda malya unaʾ damok ab, somoknaʾ damok ab, seleb lob lobsuk.

1 KORINTUS 15:23

Bok, nimi nidyaʾ munaʾ gobdo yok-yok elaʾ gigiro embengaʾ suboka bukiyiwanasil. Kristus ak men embengaʾ suboka bukiyibok. Dara, onoʾ eimik al Kristus yanggalya sum era, alja ak ulumak nim era, embengaʾ suboka bukiyiwanasil.

1 KORINTUS 3:16

Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

1 KORINTUS 6:17

Bok, Wenelesilnya Imik Neyung beblaboka neikaʾ denewoka ululanya bera, Wenelesilnya beb alab, ganya ak dara, hnonok dangalarak.

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

2 KORINTUS 10:7

Ugunja hogung ak laga ululanya nenyek kemelelulum. Nimi ben hnon, nara Kristus adyaʾ ak ulumna senebdalya dara, al damnya nara benyek Kristus aljinya ulumna senelamla sok, numbabya Kristus adya nim ek ulumak senewosulul.

2 KORINTUS 6:16

Imik Neyung e ab bisaʾ gibnaʾ e neb dara, neikaʾ ara hek soʾ ak ulumnamso do? Ugunda embengaʾ ululanya Imik Neyung bedya e ululum. Imik Neyung adya lebokaʾ ara, ”Nara sik hnoum ulumnesinikanya, sik gangganek yabalamnamna. Nara sikjaʾ Imik Neyung ulumnamna dara, sikda nadya mabo silibaʾ ulumnemak.

GALATIA 4:6

Dara, ugunda alja mab ululumaʾ anasa leboka, Imik Neyung adya alja me nedya Geisinya bera, ugunja ganya ek bokol yeilisuk. Dara alda, ”Neyung o, nadyaʾ neyung o,” wenyalamla.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

EPESUS 1:13

Imik Neyung adyaʾ perob lero yanggan yub ugunuk blebsululaʾ aboka leb elegeisik yuba kel yabalum sum enyek, ugumbabya Kristus ab neikaʾ kwebdangoka un nimi dangalum. Dara, seleb dib senelum dara, Imik Neyung adya anasa leboka, alja eleganesin amok Geisinya era, alja mabo dangalamak beknaʾ dibaʾ ugunuk seleb elegousuk.

EPESUS 2:22

Ugunda Kristus ab seleb neikaʾ kwebdangalumaʾ adya, ugunuk onoʾ nimi yok nim eb, Imik Neyung alja un e nenewoka, Imik Neyung ara aljaʾ Geisinya pik uboka, ugun lomok seleb ulusil.

PILIPI 1:19

Ugunja nasamba heng uboka mololenulumaʾ ab, Yesus Kristus Geisinya adya aralenelaʾ ab dadya, henga gouboka beibnyekaʾ anaba lobnenyakaʾ ella ulumnaʾ anasa, eiya dablemnenel.

2 TIMOTIUS 1:14

Nuk ulusil Imik Neyung Geisinya adya anak arawoka, perobaʾ anak elegenjoknya nera, pe beiyiwoka bo diri ululom.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

1 YOHANES 3:24

Nimi nidyaʾ Imik Neyung yub ak dib senewoka ganya ologoka dolomak nim era, Imik Neyung al lomok ulumaakanya, albabya sik lomok ulusil. Hnonda alja Geisinya era seleb nuk elegesukaʾ adya, wera Imik Neyung ara nu lomok ulusil senewoka ella ulumab.

1 YOHANES 4:13

Imik Neyung adya alja Geisinya benyek, seleb nuk elegesuk dara, wera nunda Imik Neyung lomok ulumabakanya, onoʾ Imik Neyung ara nu lomok ulusilaʾ ara, ella ulumab.

1 YOHANES 4:4

Bok najabo yab, ugunuk dara, Imik Neyung alja mab ululum. Sokok an ululanya nera mek so bok, ugunuk ulusil Geisinya bera, senenggomaʾ migibaʾ ulusilaʾ anasa, wera ugunda sondaʾ anasa ununumnaʾ lelemab alamak nang ek, ugunja seleb oblamagelum.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 20:15

Dara, nimi nidyaʾ sikja si, nimi embengaʾ un buku lomok sam momnya donaʾ orok nim era, ban sobaʾ singilamlaʾ uk mek gwanek sam doboka doronggousukaʾ ak eibsa.