ROMA 8:32 - PERJANJIAN BARU NALCA YUBA

³² Alda, alja me yokaʾ ak wanaʾ ubok bok, alda nidyaʾ amba elegousukaʾ anasa, alda nuk yokaʾ-yokaʾ nidyaʾ ara ganya doboka eleganggunusil de?

ROMA 8:32 ပူးပေါင်းရင်းမြစ်များ

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

MATIUS 7:11

Ugun malya unaʾ nim enyek babya, ugunaʾ mab ak ara, hyak perobaʾ anyek keeboka eleklelum. Anasa ugunja neyung imik heikek ululanya bera wanok! Alak anyek elegeisilom aboka mololemak nim era alda perobaʾ anyek eleganesil.”

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

ROMA 11:21

Nera Imik Neyung ara men gal soruk yokaʾ enyek wanaʾ unggulumso dara, wera albabya ugunuk wanaʾ ubnenggunusil.

ROMA 4:25

Dara, Yesus ara nunja meknenaʾ enesa leboka, doboka elegok bok, nuk perob nenewosununaʾ aboka embengaʾ subuka bukiyiwok.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

ROMA 8:28

Nunda wenera ella ulumabaʾ ara, Imik Neyung ara alak wanaʾ ulumak nang ek, alja adya ganya seinimokaʾ sunuwoka weboka dobsuk nang ek, siksamba perob damok lanalalulaʾ aboka dara, yokaʾ-yokaʾ nidyaʾ ara, Imik Neyung adya arawoka welesil.

1 KORINTUS 2:12

Wera nuk ara, soko enyek anyeb ganya ek eleganggusuk bok, alda Imik Neyung adya, alja Geisa ganya ek elegousuk. Anadya wera, Imik Neyung adya nidyaʾ yokaʾ-yokaʾ nuk elegousuknya nera, ella danokaʾ aboka Geisinya elegosuk.

2 KORINTUS 4:15

Wera ban nidyaʾ unulusilaʾ ara, ugunuk perob dosululaʾ aboka ulusil. Anasa nimi nauba ara, Imik Neyung adya wanaʾ uboka eleksinaʾ eiyiwoka, wera sikja Imik Neyung ak perob aboka giblemnemaakanya, wera anadya Imik Neyung si ara imik beillilemnemak.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

1 YOHANES 4:10

Wanaʾ unaʾ ara ban: Nunja Imik Neyung ak men wanaʾ ulumouba gomaʾ, bok alda Imik Neyung adya nuk wanaʾ ulusuukanya, nunja malya unaʾ amba doboka bobogosululaʾ aboka, alja yando me hnonok bok nunsamba bokol yeilisuk.

WAHYU 21:7

”Nimi malya unaʾ ak ab oblamaganalanya bera, ban lebnaʾ nidyaʾ eleganesinaʾ ara, dobnamla. Nara alja Imik Neyung danamna dara, alda nadya me danamla.