ROMA 8:30 - PERJANJIAN BARU NALCA YUBA

³⁰ Dara sik ban men danyek alja sunuwoka bokosuk nang enyek, alja al sikinek yoululum aboka lebok. Anya al sik alja yoululum aboka lemok nang enyek, alja al sikenek perobaʾ nenewousuk. Wera sikenek alja perobaʾ nenewousuk nang enyek, alja al sikenek imik senenggomaʾ nenewosuk.

ROMA 8:30 ပူးပေါင်းရင်းမြစ်များ

YOHANES 17:22

Neyung o, numba hnonok hiboka ulunam sok, sikbabya hnonok hiboka ulunokaʾ aboka, wera anja si imik danganaʾ nak elegenulumaʾ ara, onoʾ nadya sikenek seleb elegesisa.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

YOHANES 5:24

Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.

ROMA 1:6

Ugumbabya sik gangganek ululumukanya, ugunda Yesus Kristus adya seleb bii aboka yoululum hyok nim ululum.

ROMA 11:29

Wera anasa Imik Neyung ara, alda perob eleksinaʾ ab, alja yoululum hyokaʾ amba dara, angoo hekaʾ amba lelemsa senewoka ganya oka denggulumla.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

ROMA 8:21

Bok ban ganya wenaʾ adyok, sikba embengaʾ ulumakaʾ ara eimik era, somokna wa wenaʾ ak ab ara blebnesil anasa, Imik Neyung mab adya blebeldanaʾ senenggomaʾ perobaʾ ak weknemak.

ROMA 8:28

Nunda wenera ella ulumabaʾ ara, Imik Neyung ara alak wanaʾ ulumak nang ek, alja adya ganya seinimokaʾ sunuwoka weboka dobsuk nang ek, siksamba perob damok lanalalulaʾ aboka dara, yokaʾ-yokaʾ nidyaʾ ara, Imik Neyung adya arawoka welesil.

1 KORINTUS 1:9

Imik Neyung ara alja me nunja Wenelesilnya Yesus Kristus ab ganya kwebdangoka ulululumaʾ aboka, ugunuk youbosuknya bera, sob-soba bojam ulmorulelanya bek ulumla.

1 KORINTUS 2:7

Geremseng unaʾ ugunuk neklesinaʾ ara, Imik Neyung adya soko uyiwanggom salek anyek, nuk si imik danokaʾ aboka, ban geremseng unaʾ era, nuk ara gunuwoka doknowok ulumlaʾ anyek, orowek seiniwoka beiyisuk.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

2 KORINTUS 4:17

An wen mekaʾ igin ulusilaʾ anadya, nera wene salek seʾ ok ulusil bok anasa, eimik era hyak senenggom sobaʾ ulmoublemnamla imik nenesinaʾ danesil. Wen an ol neblesilnya nera or mek bok, eimik eleganesilaʾ ara, hyak senenggomaʾ perobaʾ ak eleganesil.

GALATIA 1:15

Bok Imik Neyung alja wanaʾ uboka eleksinaʾ adya, alda men na beilinaʾ oroka wenyek weboka donyookanya, alsamba welelulaʾ aboka youbonyok.

GALATIA 1:6

Kristus adyaʾ perob eleknaʾ pik uboka youbsuknya, Imik Neyung bek ara onoʾ loboka, alja dib perob lero yanggan yub era weilik geboka, yok lero yanggan yub alamaknya nenyek doboka ululumnya nera, nara lok anasa ngoluklesin.

GALATIA 5:8

Pe keboka unuwomunuk aboka pika garawousukaʾ ara, Imik Neyung ugun youbsuknya bek ab lananggulumla.

EPESUS 1:11

Imik Neyung ara yok-yok wa nidyaʾ welemlaʾ ara, unuwanamna wenyananya nok sunuwoka unulamla. Dara wera, Imik Neyung adya, hyak youmaʾ nong enyek nuk orowek weboka dobsuk. Anadya, Kristus pik uboka nunda Imik Neyung misaʾ seleb domouba.

EPESUS 1:5

anadya nu nong anyek, Yesus Kristus pik uboka hyak men youmaʾ enyek orowek weboka doboka, alja mabo yokaʾ gebsuk. Wera alja men danyek perob senewoka unuwanamna senemokaʾ ara an unuwousuk.

EPESUS 2:6

Dara, Imik Neyung adya, nub Kristus anya, somoknaʾ ak ab embengaʾ nenewoka suboka bukiyiwousuukanya, Kristus Yesus lomok imik heikek sam neikaʾ beibsuk.

EPESUS 3:11

Ban unumoknya nera, men orowek unuwanamnaʾ senemokaʾ sunuwoka, nunjaʾ Wenelesilnya Kristus Yesus pik uboka unusuk.

EPESUS 4:4

Imik Neyung adyaʾ perobaʾ ak ganya welenokaʾ aboka youbsukaʾ ara hnonok ulumla sok, nong ara hnonok ok ulumla, Geisinya bera hnonok ok ulumla.

KOLOSE 3:4

Dara, nunja embengaʾ ulumabaʾ Kristus ara, eimik laga nenebdalya dara, ugumbabya alablaboka alja senenggomaʾ unaʾ ak sam neikaʾ laga nenewanesil.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

2 TIMOTIUS 2:11

Dara, ban lelemak yub era dib nong: ”Nunda alablaboka somogomouba dara, onoʾ eimik era suboka alab neikaʾ embengaʾ ulumnemab.

IBRANI 9:15

Wera anasa, men youmaʾ unuwanalum an yub ulumoka wenyek, nimi nauba malya dangoka igina kwelesuknya nek ab blebsununaʾ aboka, Kristus ara somogok. Dara wera, nimi nidyaʾ Imik Neyung adya youboka dolosil nim era, Imik Neyung adyaʾ denghenggunumla bonaʾ eleganesin amokaʾ anyek dobnokaʾ aboka, Kristus ara, wenyok unubdanamab yub ek nu an ulumab nim eb danasa hnoumunga wiknenanya ulumla.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

1 PETRUS 3:9

Ugunda naba malya ubnelaʾ anasa, alba malya ubnun senewoka malya unaʾ moumen dirigeldanaʾ ara mem. Bok saawoka, alda Imik Neyung perobaʾ nenelesilom aboka mololdalalulum. Imik Neyung adya ugunuk yoululum aboka youbsukaʾ ara, anaso perob unaʾ enyek unuwoka onoʾ perobaʾ dobnokaʾ aboka ubsuk.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 19:9

Dara onoʾ lero adya nak hnon, ”Banyek momnya dobnelamaʾ ara, Sik domba me gela dobnamlaʾ ak an masa del yanalum henesil nim era pe ulumnamak, momnya dobnelam,” henyok. Dara onoʾ hnon lebokja, ”Ban lebna yub dara, Imik Neyung bek ab uboka, hyak aldib nongaʾ ak lebna yub era an,” wenyhenyok.