ROMA 8:23 - PERJANJIAN BARU NALCA YUBA

²³ Nera sikinok gom, bok numba Geisinya men perob eleknaʾ seleb dowub nang eneba, me anasoʾ anyek somowanasil salek, nunja nonga blebnesil sum emba, numbabya nunja nong era ganya obdangdo diri ulumab.

ROMA 8:23 ပူးပေါင်းရင်းမြစ်များ

LUKAS 20:36

Sikja nong somoknaʾ ara orokaʾ anyek, lero anaso ulumnemak. Sikda somoknaʾ ak ab sam seleb suboka embengaʾ bukiyiwanasilaʾ anasa, sikda Imik Neyung alja yokaʾ mab ek ulumnemak.

LUKAS 21:28

Ban nenyek nidyaʾ unul yabalyaʾ eibmun dara, ugunda mek anam blebnesil ak anasa, ugunda sekoka hogunga eiriyiwanalum,” hyok.

ROMA 5:11

Anya onoʾ nenyek ok gom! Hnonda onoʾ, nunja Wenelesilnya Yesus Kristus al pik uboka, nunda ban neikaʾ hinaʾ dobubaʾ anasa, wera nunda Imik Neyung lomok uboka bolboloklemab.

ROMA 5:3

Anya nenyek ok gom. Alda nunda ganya igina daboka unaʾ ara, ganya gouluwoka unaʾ damoka bo lanalamlaʾ ara, seleb ella ulumabaʾ anasa, nunda nunja ganya okna dablesilaʾ anaba bolboloklemab.

ROMA 5:5

Anya, Imik Neyung adya wanaʾ usinaʾ dibaʾ ara, Geisinya ara, nunja ganya lomok seleb elegousukaʾ anasa, ban ganya we unaʾ adya dara, soloma nenenggulusil.

ROMA 7:24

Na anara, nimi si lebnenanya hyak omom nong ak ulumna! Anasa heknedya na an somoganamna nong, somoknaʾ ak ab dara, blebnenel do?

ROMA 8:19

Wera anasa, embengaʾ ulumakaʾ nidyaʾ ara, Imik Neyung mabo laga nenewanamla sum amba hyak ganya weboka diri ulumak.

1 KORINTUS 1:7

Anasa, nunja Wenelesilnya Yesus Kristus yanamla senewoka diri ululum salek era, ugunda yokaʾ-yokaʾ ganya eleknaʾ ak dara, garan unggululum.

2 KORINTUS 1:22

Onoʾ Imik Neyung adya, nuk ouma debsuukanya, alja Geisinya bera aljaʾ nunja ganya lomok eleganesin amokaʾ anyek dib eleganesin an beknaʾ elegosuk.

2 KORINTUS 7:5

Nunda Makedonia moka byuba sum eneba, goʾ pe bukoka dek-deka sobnenggububa. Nunda yok-yok pik ab uboka igina nenewoka ol neblesikaʾ ara, eilibek ara oldalamoubakanya, onoʾ meneng ganya lomok ab dara, lok ganya bolomouba.

GALATIA 5:5

Pewolum anaʾ dibaʾ elegosukaʾ anasa, nunda dib senelemabakanya, Geisinya aralesilaʾ adya, ganya wenaʾ dobnobaʾ aboka diri ulumab.

EPESUS 1:14

Imik Neyung adya alja mab ek eleganasin amokaʾ dib dobnemak senen beknaʾ dibaʾ ara ban Geisinya lomok ulusilaʾ adya ulusil. Alda beknaʾ ulmorulusilaʾ ara, eimik Imik Neyung adya munaʾ dekoka dobsuk. Ban nenesa, Imik Neyung bek giblenob.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

EPESUS 5:9

Anasa Imik Neyung dilinaʾ ak ab lanalamlaʾ ara, perob ganya bonaʾ ab nimi yok nim ek pe ununaʾ ab, yok-yok dib yub era lanalamla.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

1 PETRUS 1:7

Ban yokaʾ-yokaʾ ak geregoka sunulusilaʾ damok ara, ugunda aldib Wenelesilnya bek okoka dib senelum gom, orokaʾ anyek, laga dolulaʾ aboka ulusil. Dangmana perobaʾ anaba jobok orokaʾ ara, uk ak dalyamalemak. Anasa Imik Neyung ak dib senenaʾ ara hyak perobaʾ ak uboka, eimik denghenemla dangman era or malya so anasa, ugunuk hnon sunulusil. Dara Yesus Kristus laga danamla sum era, ugunja dib senenaʾ ara seleb laga dokaʾ adya, ugunuk dara, perobaʾ leboka gibnesilikanya, ugun nong ara imik nenewanasil.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.