ROMA 8:16 - PERJANJIAN BARU NALCA YUBA

¹⁶ Dara ban Geisinya adya, nunja ganya ek, nunda Imik Neyung bedya mab ulumab aboka, laga neklesil.

ROMA 8:16 ပူးပေါင်းရင်းမြစ်များ

MATIUS 5:9

Nimi yuba sekoka hillilisak nim era, Imik Neyung adya ban ununanya nemba leboka pe laga nadya mabo henesilaʾ anasa, pe ulumak!

LUKAS 20:36

Sikja nong somoknaʾ ara orokaʾ anyek, lero anaso ulumnemak. Sikda somoknaʾ ak ab sam seleb suboka embengaʾ bukiyiwanasilaʾ anasa, sikda Imik Neyung alja yokaʾ mab ek ulumnemak.

YOHANES 1:12

Bok, alak dib domek nanga nidyaʾ ara, alja si nek dib senemek nim era, Imik Neyung mabo dangalamak migiba elegosuk.

RASUL 5:32

Anasa nu hnon, Imik Neyung adya alja yuba pe keboka unulumak nang ak, Geisinya eleklesil Geisinya anyek hnon, ban unumok ak eillilimoub anyek, damok nang ulumab,” hyek.

ROMA 8:14

Dara, nimi nidyaʾ Imik Neyung Geisinya adya arawoka bo ulusil nang era, wera Imik Neyung bedya mab era al an.

ROMA 8:19

Wera anasa, embengaʾ ulumakaʾ nidyaʾ ara, Imik Neyung mabo laga nenewanamla sum amba hyak ganya weboka diri ulumak.

ROMA 8:23

Nera sikinok gom, bok numba Geisinya men perob eleknaʾ seleb dowub nang eneba, me anasoʾ anyek somowanasil salek, nunja nonga blebnesil sum emba, numbabya nunja nong era ganya obdangdo diri ulumab.

ROMA 8:26

Dara neikik, nunda heng uboka molonaʾ ara, okoka pe elgom ulumab anasa, Geisinya bera ban nunja hmeng ulumabaʾ ak an, nuk arasil. Anya onoʾ Geisinya bera albeyokaʾ ganya doboka nunsamba Imik Neyung ak hyak lebnamenggomnya neneba, nekoka mololosil.

ROMA 9:26

Anya sikenek hanyagarab, ”Ugunda nadya nim gom,” amnyaʾ ak ara, anyeganyeb sikenek, ”Embengaʾ ulumla Imik Neyung bedya mab aboka henemak,” hyok.

ROMA 9:8

An wenhyoknya nera, nim ulumaakanya beillilimak mab enyek Imik Neyung mab unggulumak. Alda me eleganenggen amok me al nang yilaʾ aboka si silemnamak aboka wenyasuk nang yilaʾ enyek, Imik Neyung bedya mab ulumak.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

2 KORINTUS 1:22

Onoʾ Imik Neyung adya, nuk ouma debsuukanya, alja Geisinya bera aljaʾ nunja ganya lomok eleganesin amokaʾ anyek dib eleganesin an beknaʾ elegosuk.

2 KORINTUS 5:5

Wera ban imik nong ongowanamak aboka meewoka beillilesilnya be Imik Neyung adya ok unulusil. Onoʾ alja dara, Geisinya anyek aldib unuwanesin an beknaʾ elegousuk.

2 KORINTUS 6:18

Dara onoʾ, Imik Neyung hyak senenggomaʾ imik ululanya bedya dara, ”Nara ugunjaʾ neyung danasin dara, ugunda nadya memabo gelmabo dangoka ulumnelum,” alamla.

GALATIA 3:26

Ugunda Kristus Yesus ak dib senelumaʾ adya, wera ugunda nidyaʾ Imik Neyung mabo dibaʾ ululum.

GALATIA 4:6

Dara, ugunda alja mab ululumaʾ anasa leboka, Imik Neyung adya alja me nedya Geisinya bera, ugunja ganya ek bokol yeilisuk. Dara alda, ”Neyung o, nadyaʾ neyung o,” wenyalamla.

EPESUS 1:13

Imik Neyung adyaʾ perob lero yanggan yub ugunuk blebsululaʾ aboka leb elegeisik yuba kel yabalum sum enyek, ugumbabya Kristus ab neikaʾ kwebdangoka un nimi dangalum. Dara, seleb dib senelum dara, Imik Neyung adya anasa leboka, alja eleganesin amok Geisinya era, alja mabo dangalamak beknaʾ dibaʾ ugunuk seleb elegousuk.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

1 YOHANES 3:1

Imik Neyung adya nuk hyak nauba yadyek ulusilaʾ anyek, ugunda kendululum. Anadya wera, nuk nadya mab aboka si silisil. Dara aldib, nunda Imik Neyung alja mab ulumabaʾ aja. Anasa wera, soko nim era Imik Neyung ak mekaʾ elgom ulumakaʾ adya, nuk anaba elgom ulusak.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

1 YOHANES 4:13

Imik Neyung adya alja Geisinya benyek, seleb nuk elegesuk dara, wera nunda Imik Neyung lomok ulumabakanya, onoʾ Imik Neyung ara nu lomok ulusilaʾ ara, ella ulumab.

1 YOHANES 5:10

Anasa ban nenesa leboka, Imik Neyung alja me nek dib senelemak nim era, ban laga lelemla yub enera, seleb ganya lomok ulusil. Bok Imik Neyung ak dib senenaʾ orok nim era, Imik Neyung ara sondaʾ lelelanya nenelemak. Ban unulumaknya nera, Imik Neyung adya alja me nemba lelemlaʾ anyek dib senenggulumakaʾ adya sondaʾ lelelanya nenelemak.

WAHYU 21:7

”Nimi malya unaʾ ak ab oblamaganalanya bera, ban lebnaʾ nidyaʾ eleganesinaʾ ara, dobnamla. Nara alja Imik Neyung danamna dara, alda nadya me danamla.