ROMA 7:7 - PERJANJIAN BARU NALCA YUBA

⁷ Anaso dara, wenera nunda hek henemab do? Dara, ban Yahudi nim emba unuwanalum an yub ara, malyaʾ de? Anaso gom, hyak orok nong! Alda ban oruksin yuba pik uboka, nara malya unaʾ anyaʾ senenaʾ ara, okoka beknaʾ ella ulumsa. Anasa an oruknaʾ yub adya, ”Nim adyaʾ ara, dobsinya senenggom mem,” wenyanggulumnamso dara, nababya nim adyaʾ ak dobsinya ganya era, hekaʾ ak do senewoka ella danggunusinya.

ROMA 7:7 ပူးပေါင်းရင်းမြစ်များ

MATIUS 5:28

Bok wenyek dara, nadya ugunuk banyek dib lebnesin, Nimi ben hnon yok gel salaweisinya senen ganya lomok bolomla dara, bera gel genyek seleb ganya lomok salalamla.

LUKAS 12:15

Dara onoʾ Yesus ara nimi nauba ulumek nim ek an, ”Nim ara bonaʾ dubnya ulumnaʾ anaba, embeng unaʾ ara anyagan anyek ganya kweboka unggulumakaʾ anasa, hmabaʾ ganya ab yokaʾ-yokaʾ sunulusilaʾ ak ab keeboka pe diri uldalalulum,” hyok.

LUKAS 20:16

Wa damnya yeiniboka, wa welenululum aboka oruga bilisuso nang era nidyaʾ obsusookanya, wa ara yok nang ek ugunja welemnenulum aboka lebnamso,” hyok. Ban wenyan yuba kemek dara, nimi nauba adya Yesus ak, ”Hyak mem o!” hyek.

RASUL 20:33

Ugunja nak rupiah gom, ongon akleng gom, hnon eleganenok senewoka ganya wenggulumsa.

ROMA 13:9

Anasa Imik Neyung yub ara anaso wenyalamla, Yok gel salanggom mem, nim onggom mem, hokaʾ donaʾ mem, yok nang edyaʾ amba ganya oka denggom mem. An wenyalamla yub edya yok yub nidyaʾ ara henga sangnewoka, neikaʾ hnonok ban yub enyek an ulumla, anda nimi yok nang ek ara an nonga an dam nang wanaʾ uldalalam sok, yok nang eneba unu wanaʾ ululom!

ROMA 3:20

Anasa wera, Yahudi nim emba unuwanalum an yub pik ab uboka, nimi nidyaʾ ara, Imik Neyung saramek ara, nimi hnonok sibin anaba, perobaʾ nenenaʾ orok. Oruksin yub era, malya unaʾ ak pe ella nonga danok aboka ok ulumla.

ROMA 3:5

Bok ban nunja meknenaʾ edya Imik Neyung adya peldisinaʾ enyek an e wenyaboka laga gebnamso dara, nunda hek henesibya do? Nara nim ak adya an wenyhenemna, Imik Neyung ara alja wema debnaʾ anyek laga danamso dara, alda pe sunuwoka ununggulusil wenyhenesibya de?

ROMA 4:1

Wera anasa, nunjaʾ neyung yabo sikjaʾ neyung Abraham be hyak youmaʾ ulumoknya bemba dara, hek henemab do?

ROMA 4:15

Wera nimek wema dabnaʾ ara, oruksin yub edya lanaldilimla. Bok, hanyegarek unuwanalum an yuba unggulumlaʾ ak ara, wera anyeganera, meknenaʾ anaba unggulumla.

ROMA 5:20

Bok meknenaʾ hwam ok dangalalul aboka, unuwanalum an yuba hnon makok. Dara, hanyagarek meknenaʾ hwam ok gong danggiga balamlaʾ ak ara, wera wanaʾ uboka eleksinaʾ ara, sounum-sounum abgiga balamla.

ROMA 6:15

Anasa har so do? Nunda wanaʾ uboka eleksinaʾ lomok ulumabakanya, unuwanalum an yuba lomok unggulumab anasa, nunda malya unaʾ ak unubgiga balamnamab de? Orok! Anaso ununggulumnemab, hyak mem nong!

ROMA 7:11

Anera ban oruknaʾ yuba lanawok dara, malya unaʾ ara, ban salek era, nak sonda leboka, an oruknaʾ yub pik uboka alda nak onyok.

ROMA 7:13

Wera anaso dara, yok perobaʾ digum adya nasamba hnon somoganaʾ danamso de? Hyak orok nong! Bok alda malya unaʾ ulumlaʾ ara, laga doulul aboka dara, malya unaʾ ara nak somokna damba, ban perobaʾ pik unulamla. Dara ban wenesin yub anedya malya unaʾ ara al beknaʾ malya unaʾ nong ulumlaʾ ara laga geblamla.

ROMA 7:5

Anasa nunda malya unaʾ ganya lomok anam ulumoub salek era, Yahudi nim emba unuwanalum an yub adya dara, malya unaʾ ganya ek onowoka, nunja ganya nong lomok welemok adya, somoknaʾ damok ak bo balasuk.

ROMA 7:8

Bok ban unuwanalum an yuba lanawok dara, malya unaʾ ara, nadyaʾ ganya lomok ara yokaʾ-yokaʾ ak unun ganya lanalenyok. Malya unaʾ ara, unuwanalum an yuba gonggom dara, debdobaʾ dangalamla.

1 KORINTUS 15:56

Somoknaʾ damok alja si yu hwamaʾ ara, malya unaʾ ulumla. Dara malya unaʾ ara, unuwanalum an yub adya laga dangoka migib ulumla.

EPESUS 5:3

Ugun nong ak dara, munaʾ Imik Neyung mab ululumaʾ anasa, nimi yok nim edya ugunuk sikba malya ulumak henesijaʾ damoka giliwoka beibdoumunuk anasa, hmabaʾ ganya hnon, yok-yok malya unaʾ emba youmburaʾ debnaʾ hnon, gela salyaʾ salawoka, anaso malya ura yabanaʾ hnon ara, ugun gangganek sam ara mekaʾ unggulumnamla.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

IBRANI 7:19

Yehudi nim edyaʾ unuwanalum an yub ulumokaʾ adya dara, nimi yokaʾ ak ara, perobaʾ nenewoka geisa nenesinaʾ ara hnon unggulumok. Wera nenesa leboka, wenyek dara, Imik Neyung adya yok perob ganya nebom anaʾ dibaʾ elegosuk adya, wera nunda an pik enyek anyeb uboka, Imik Neyung al berem ara or balamab.