ROMA 7:5 - PERJANJIAN BARU NALCA YUBA

⁵ Anasa nunda malya unaʾ ganya lomok anam ulumoub salek era, Yahudi nim emba unuwanalum an yub adya dara, malya unaʾ ganya ek onowoka, nunja ganya nong lomok welemok adya, somoknaʾ damok ak bo balasuk.

ROMA 7:5 ပူးပေါင်းရင်းမြစ်များ

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

YOHANES 3:6

Nimi nong ak dara, nim adya beillilimak bok, ganya ak dara, Imik Neyung Geisinya adya beillilisil.

ROMA 1:26

Wera ban unulumek anasa, sikja gelewa era, pe salaldanya nera, unuwamenggomnya nenyek lunuwoka unulumek anasa, Imik Neyung ara sikja ban unulusibya senen ganya ek, alya nenesinaʾ ak gwab losuk.

ROMA 3:20

Anasa wera, Yahudi nim emba unuwanalum an yub pik ab uboka, nimi nidyaʾ ara, Imik Neyung saramek ara, nimi hnonok sibin anaba, perobaʾ nenenaʾ orok. Oruksin yub era, malya unaʾ ak pe ella nonga danok aboka ok ulumla.

ROMA 4:15

Wera nimek wema dabnaʾ ara, oruksin yub edya lanaldilimla. Bok, hanyegarek unuwanalum an yuba unggulumlaʾ ak ara, wera anyeganera, meknenaʾ anaba unggulumla.

ROMA 5:20

Bok meknenaʾ hwam ok dangalalul aboka, unuwanalum an yuba hnon makok. Dara, hanyagarek meknenaʾ hwam ok gong danggiga balamlaʾ ak ara, wera wanaʾ uboka eleksinaʾ ara, sounum-sounum abgiga balamla.

ROMA 6:13

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

ROMA 6:19

Nara ban nim adyaʾ lelong sok wenyhenya nera, ugunja hmeng enesa lebna. Anasa ugunja nonga, soruka, yan era, youmaʾ dara, sembejaʾanya beb, wonaʾ unaʾ nauba danggiga balamlaʾ ak, sikja wa wen nang aboka bo elekdangalum sok, neikso wenebabya ugunda ugunja nonga, soruka, yan era, penaʾ adya ban pe munaʾ gobdo unaʾ ak bo balanggelaʾ anyek, alja wa wenya aboka bo elekdanalum.

ROMA 6:21

Anasa an youmaʾ unululumnya nera, wen banyek bekoka, dara alya ulusilaʾ amba dara, anasemba perob soʾ digum ara, hekaʾ ak dololum do? Ban anaso unaʾ nidyaʾ ara, sidyaʾ nong ara, somoknaʾ ak dangalamla.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

ROMA 7:23

Bok nara eillilamnaʾ ara, nadya nong lomok ara, yok unuwanalum an yuba damok edya nadyaʾ perob ganya damok enyek olgoklamlakanya, nara nadyaʾ nong pik nidyaʾ ulumla malya unaʾ damok edya henga geregoka beiyimnaʾ geblenel.

1 KORINTUS 15:56

Somoknaʾ damok alja si yu hwamaʾ ara, malya unaʾ ulumla. Dara malya unaʾ ara, unuwanalum an yub adya laga dangoka migib ulumla.

2 KORINTUS 10:3

Nunda sokok an anam ulumab bok, sokok nim oldalamaknya nenesoʾ ak, oldanggulumab.

GALATIA 3:10

Nimi nidyaʾ unuwanalum an yub ek sunuwoka unulumak nim era, seleb weil malyaʾ gloksukaʾ ak ulumak. Imik Neyung yuba bukuk ara, ”Wera hyak nidyaʾ unuwanalum an yub ek momnya dobokaʾ ununggulumak nimi nidyaʾ ara, Imik Neyung adya seleb weil malyaʾ gloksuk,” alamla.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

EPESUS 2:11

Ugun Yahudi gom nim era, ugun nong ara, ”bolaʾ garawanggom nang” anaʾ ara, nim adya bolaʾ garalesikaʾ Yahudi nang edya dara, ugunuk wenyalasak. Dara, Yahudi gom nim o, anyek seiniwanalum. Nera nim adya ganya doboka nang era an wenyan beknaʾ beillilesik.

EPESUS 2:3

Nunda nidyaʾ anaba, youmaʾ dara, bleklemak nimi gangganek uboka, malya unaʾ hwam ok uboka, nunja ganya adya hnon, nong adya unuwonun senemnaʾ ok perob daso senewoka nenyek ok unulumouba. Dara, ban unulumoubaʾ adya, nunda yok nim ulumek sok, Imik Neyung adya yu ganya boboka obnesusoʾ ak sam ulumouba.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

YAKOBUS 1:15

Wera onoʾ malya ubsinya senewoka seinin ganya era seleb gigiwoka unuwan dara, wera malya unaʾ mengelamla, dara onoʾ anyek seleb doka moubna dara, wera eimik dara nimi somoknaʾ bo lanalamla.

YAKOBUS 4:1

Ugun gangganek an wabdangoka oldanaʾ lanalamlaʾ ara hanyagar ab do? Ugunja sokok anyeb anyek-anyek dobsibya ganya bololumaʾ adya, doluwoka oldalamlakanya, wera damoka beknaʾ dibaʾ ara an anara ulumla do?

1 YOHANES 3:4

Malya ulumak nim era, malya unulumak dara, Imik Neyung adya unuwanalum an yub ek blekoka unulumak. Wera malya unaʾ damok ara, Imik Neyung adya unuwanalum an yub ek bleklemakaʾ damok ara al an.