ROMA 7:18 - PERJANJIAN BARU NALCA YUBA

¹⁸ Anasa nara ella ulumnaʾ ara, na nimi nonga ulumnaʾ ak ara, yokaʾ hnon perob soʾ digumaʾ ara unggulunel, orok. Na pe unuwanesinya beknaʾ era ulunel bok, perobaʾ amba ununanya nera, unggulumla.

ROMA 7:18 ပူးပေါင်းရင်းမြစ်များ

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

LUKAS 11:13

Anasa wera, ugun malya unaʾ nang enyek babya, ugunja mab ek ara perobaʾ anyek eleklelum. Wera ugunja Imik Neyung imik heikek ululanya bera, wanok! Alda Geisinya elegeisilom aboka molowanamak nim ek ara eleganesil,” hyok.

YOHANES 3:6

Nimi nong ak dara, nim adya beillilimak bok, ganya ak dara, Imik Neyung Geisinya adya beillilisil.

ROMA 13:14

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

ROMA 7:15

Anasa nadya unuwanamna senenanya nenyek dara, nara ununggulumna, bok nadya lek senenanya nenyek, nara unulamna. Dara, hekasa anaso unulamlaʾ ara, nab okoka elgom ulumna.

ROMA 7:19

Anedya nara perobnya unuwanamna senelenanya nenyek ununggulunabok, alda nadya lek senenanya malyinya yunya nenyek, unulamna.

ROMA 7:25

Bok Imik Neyung adya nunja Wenelesilnya Yesus Kristus pik uboka blebnyok anasa, alak ok giblenob! Anasa nara nadya geremseng ganya ak sam ara, Imik Neyung adya unuwanalum an yub amba welenabok, nadya nong unaʾ ak sam ganya era malya unaʾ damok wa amba welemna.

ROMA 7:5

Anasa nunda malya unaʾ ganya lomok anam ulumoub salek era, Yahudi nim emba unuwanalum an yub adya dara, malya unaʾ ganya ek onowoka, nunja ganya nong lomok welemok adya, somoknaʾ damok ak bo balasuk.

GALATIA 5:17

Nim adya ganya era, Geisinya ab dara, gangganaʾ gogoldalarak. Dara, Geisinya adya unuwonun senelelanya neb, nimi ganya adya unuwonun senelemaknya neb dara, yok-yok ulumla. Sikja ganya seininaʾ ara yok-yok seinilirakaʾ adya, ugunja unuwanamna senenanya nera ununggululum.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

PILIPI 3:12

Nara seleb hyak pelemna, hnonda seleb perobaʾ ak ulumna senenggulumna. Alda Kristus Yesus beilesil deknaʾ enyek dobnun senewoka yeiriwoka dulumna. Ban nenesa alja unulululaʾ aboka, nak alja bleboka dobnyookanya, aljinya nenewanyok.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

1 PETRUS 4:2

Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.