ROMA 6:2 - PERJANJIAN BARU NALCA YUBA

² Anaso dara hyak mem nong! Nunda malya unaʾ amba seleb somoganggubub de? Anasa nunda malya unaʾ ak unuldibilloklemnemab dara, nera hyak okna so.

ROMA 6:2 ပူးပေါင်းရင်းမြစ်များ

LUKAS 20:16

Wa damnya yeiniboka, wa welenululum aboka oruga bilisuso nang era nidyaʾ obsusookanya, wa ara yok nang ek ugunja welemnenulum aboka lebnamso,” hyok. Ban wenyan yuba kemek dara, nimi nauba adya Yesus ak, ”Hyak mem o!” hyek.

ROMA 5:11

Anya onoʾ nenyek ok gom! Hnonda onoʾ, nunja Wenelesilnya Yesus Kristus al pik uboka, nunda ban neikaʾ hinaʾ dobubaʾ anasa, wera nunda Imik Neyung lomok uboka bolboloklemab.

ROMA 6:15

Anasa har so do? Nunda wanaʾ uboka eleksinaʾ lomok ulumabakanya, unuwanalum an yuba lomok unggulumab anasa, nunda malya unaʾ ak unubgiga balamnamab de? Orok! Anaso ununggulumnemab, hyak mem nong!

ROMA 7:4

Anasa, nadyaʾ hemyabo nim o, ugunda yoknya, nimi be hnon somoknaʾ nim gangganek ab embengaʾ subuka bukuknya Kristus aljinya dangoka, Imik Neyung amba doka moulunok aboka, ugunda Kristus nong pik uboka, unuwanalum an yub ak seleb somok irigoulum.

ROMA 7:6

Bok wenera nuk ganagosuknya bemba, nunda alsamba seleb somogokaʾ anasa, nunda unuwanalum an yub ak seleb blebsuk. Wera anasa, nunda wenera wenyoknya nera Geisinya bek sunuwoka welemabakanya, youmaʾanya oruknaʾ yuba momnya domoknya nek sunuwoka wenggulumab.

GALATIA 2:19

Unuwanalum an yub edya, ban unuwanalum an yub ek ara, seleb somogamsa. Wenyek dara, nara Imik Neyung amba embengaʾ ulumna. Nara Kristus ab neikaʾ seleb gal ak oboka glabsik.

GALATIA 6:14

Nak dara, yokaʾ-yokaʾ anyek pelemla aboka nonggo anaʾ ara, unuwanggunusinya bok, nunjaʾ Wenelesilnya Yesus Kristus gal dubuk somogosukaʾ amba danyek ok unuwanasinya. Wera Kristus anyek gal dubuk somogokaʾ adya danyek, sokok an ululanya nedya nak benewoka glinggulunelekanya, nara soko amba seleb somogamnaʾ anaso ulumna.

KOLOSE 2:20

Ugunda Kristus ab seleb neikaʾ somogoulum adya, wera sokok an nimi sirikaʾ ganya ek ab seleb blebdolum dara, hekasa ugunda sokok an anam ulumnaʾ anaso anyek, yokaʾ-yokaʾ memewoka unulumaknya nek an keboka unululum do?

1 PETRUS 1:14

Imik Neyung ak pe keboka unulululum. Ugunda Imik Neyung ak elgom ululuma wenyek, ululum nong unaʾ enyek ugunja ganya edya ok diligaʾ en doboka unggom.

1 PETRUS 2:24

Nu nong anyek malya unaʾ adya gobuka ulusukaʾ anyek bleboka perobaʾ nenewosununaʾ aboka, anadya Imik Neyung adya unu ubseng senelelanya sunuwoka ubnokaʾ aboka, nunja malya unaʾ gong dara, Kristus adya huka boboka gal ak somogok, Kristus adya eneng menengaʾ edya ugunuk ara bleboka hwebsuk.

1 YOHANES 3:9

Seleb Imik Neyung mabo dangamek nim era, Imik Neyung alja unulamla diligaʾ yinaʾ anaso seleb sikenek ulusilaʾ anasa, sobaʾ malya unubmoruwamenggom. Dara onoʾ, sikda Imik Neyung adya mengesuk nim anasa, wera sob-sobaʾ malya unubmoruwamenggom.