ROMA 5:9 - PERJANJIAN BARU NALCA YUBA

⁹ Anya, nunda wera alja eneng edya seleb perobaʾ nenewosukaʾ anasa, hyak nauba so ara, nunda Imik Neyung bedya wema daboka osinaʾ ak ab dara, blebnesil ok.

ROMA 5:9 ပူးပေါင်းရင်းမြစ်များ

YOHANES 5:24

Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.

ROMA 1:18

Dara nim ara malya ganya boboka malya ulumaknya nera, ban dib yub enyek siklilimak, anasa Imik Neyung adya yu ganya bonaʾ ara imik ab nimi malya ulumak nang ek laga dangalamla.

ROMA 5:1

Wera anasa, nunda ganya aldib senenaʾ adya perobaʾ nenelesil nang era, nunjaʾ Wenelesilnya Yesus Kristus pik uboka, nunda Imik Neyung ab neikaʾ hiboka ganya namenaʾ ulumab.

ROMA 5:10

Wera, nunda anam isaʾ gebdangoka ulumoub salek eneba, Imik Neyung bera alja me somogok pik uboka neikaʾ hiyiwosukaʾ anasa, dara wen nunda neikaʾ hiyiwosuk nang era, nauba so ara, wera alja embengaʾ unaʾ edya blebnesil ok.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

ROMA 8:30

Dara sik ban men danyek alja sunuwoka bokosuk nang enyek, alja al sikinek yoululum aboka lebok. Anya al sik alja yoululum aboka lemok nang enyek, alja al sikenek perobaʾ nenewousuk. Wera sikenek alja perobaʾ nenewousuk nang enyek, alja al sikenek imik senenggomaʾ nenewosuk.

EPESUS 2:13

”Ugunda youmaʾ dara, mok ululum bok, wenyek dara, Kristus Yesus ab neikaʾ kwebdangoka ululumaʾ ara, Kristus eneng adya oka doro dil yousuk.”

EPESUS 2:3

Nunda nidyaʾ anaba, youmaʾ dara, bleklemak nimi gangganek uboka, malya unaʾ hwam ok uboka, nunja ganya adya hnon, nong adya unuwonun senemnaʾ ok perob daso senewoka nenyek ok unulumouba. Dara, ban unulumoubaʾ adya, nunda yok nim ulumek sok, Imik Neyung adya yu ganya boboka obnesusoʾ ak sam ulumouba.

1 TESALONIKA 1:10

Dara onoʾ al ugunsamba yok nim edya dara, imik ululanya Imik Neyung bedya, nera Yesus anyek, Imik Neyung adya nimi somoknaʾ ak ab embengaʾ suboka bukiyiwoknya benyek, al yanamlaʾ amba leboka, ugunja ganya nebom aboka diri ululumnya nenesa unulumak aboka neklesak. Dara ban Yesus anedya, Imik Neyung adya yu ganya boboka obnesilaʾ ak ab nunda blebnesil.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

IBRANI 9:22

Yahudi nim edyaʾ unuwanalum an yub edya dara, yokaʾ-yokaʾ nidyaʾ ara eneng adya ok malya umnaʾ ara geisa nenelemok. Dara, malya unaʾ anaba al eneng nong anyek yeknaʾ orok dara, malya unaʾ ara memenggulusuk.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.