ROMA 5:12 - PERJANJIAN BARU NALCA YUBA

¹² Wera anasa, neikik malya unaʾ ara sokok anara hnonoknya pik ab lanawookanya, an malya unaʾ enedya somoknaʾ damok lanawok. Wera an unuwoka nidyaʾ nang ara seleb malya umek anasa, ban somoknaʾ damok era nimi nidyaʾ ak ob lelewok.

ROMA 5:12 ပူးပေါင်းရင်းမြစ်များ

ROMA 3:23

Anasa, nimi nidyaʾ ara seleb malya umeekanya, Imik Neyung adya aljaʾ senenggomaʾ si imik nenenaʾ ara, seleb sokol lonaʾ dangalamla,

ROMA 5:18

Anasa neikso, be hnonoknya bedya meknenaʾ enesa, nimi nidyaʾ ara igina dobek sok, be hnonoknya bedya pe unuwoknya nedya, nimi nidyaʾ ara embengaʾ ulunob aboka perobaʾ nenenaʾ ara, dolomak.

ROMA 5:19

Anasa, be hnonoknya bedya bleknaʾ edya, nimi gong ara malya unaʾ nang dangamek sok, onoʾ be hnonoknya bedya pe keboka unuwokaʾ adya, neik so nimi gong ara perobaʾ nenelesil.

ROMA 5:21

Anedya, malya unaʾ ara soko me nidyaʾ ob lelewok sok, nunjaʾ Wenelesilnya Yesus Kristus pik uboka, wanaʾ uboka eleksinaʾ anaba, perob nenesin pik uboka, embengaʾ ulmoubnaʾ amba ob lelewanamla.

ROMA 6:21

Anasa an youmaʾ unululumnya nera, wen banyek bekoka, dara alya ulusilaʾ amba dara, anasemba perob soʾ digum ara, hekaʾ ak dololum do? Ban anaso unaʾ nidyaʾ ara, sidyaʾ nong ara, somoknaʾ ak dangalamla.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

1 KORINTUS 15:56

Somoknaʾ damok alja si yu hwamaʾ ara, malya unaʾ ulumla. Dara malya unaʾ ara, unuwanalum an yub adya laga dangoka migib ulumla.

EPESUS 2:3

Nunda nidyaʾ anaba, youmaʾ dara, bleklemak nimi gangganek uboka, malya unaʾ hwam ok uboka, nunja ganya adya hnon, nong adya unuwonun senemnaʾ ok perob daso senewoka nenyek ok unulumouba. Dara, ban unulumoubaʾ adya, nunda yok nim ulumek sok, Imik Neyung adya yu ganya boboka obnesusoʾ ak sam ulumouba.

YAKOBUS 1:15

Wera onoʾ malya ubsinya senewoka seinin ganya era seleb gigiwoka unuwan dara, wera malya unaʾ mengelamla, dara onoʾ anyek seleb doka moubna dara, wera eimik dara nimi somoknaʾ bo lanalamla.

YAKOBUS 3:2

Nunda nidyaʾ, hnon sum era malya ulumab. Bok alda yuba sanaʾ adya malya unaʾ hnon unggululanya bera, alda pe ganya kaboka ulumlakanya, al nonga nidyaʾ pe diri uldalamnamso.