ROMA 4:18 - PERJANJIAN BARU NALCA YUBA

¹⁸ Dara Abraham bera ganya gologoka dib senewanamsoʾ damok ara orok bok, Imik Neyung adya alak, ”An nang yilaʾ ara hyak gong danamak,” wenyamok yub enyek ganya dib beiliwoka aldib senemok. Anedya alda yok-yok mok soko nimi gong amba, sikja neyung be dok.

ROMA 4:18 ပူးပေါင်းရင်းမြစ်များ

LUKAS 1:18

Wenyek Zakharia bera lero ak, ”Ban leblam yub era, nara aldib dib danamlaʾ anyaʾ aboka dara, hekaʾ huboka ella danamna do? Nera nara seleb yamen dasakanya, onoʾ nadya gel geneba nonga kaboka, seleb yamen anasa lebna,” hyok.

RASUL 27:25

Anasa, hemyab o, ugunda hyak ganya siklewoka ulululum. Nara Imik Neyung adya nak seleb unuwanamna aboka wenyanel sok aldib unuwanamla senelamna.

ROMA 4:17

Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

ROMA 4:19

Dara, al ulumok salek era gibnaʾ ara denga dombadya berem lemokaʾ anasa, nong migib unaʾ ak sam ara, hmeng dangoka, alaʾ gel Sara gera me wolaʾ lebemokaʾ ara, nenera alda ella ulumok, bok alja ganya aldib senenaʾ ara, hmeng danggumok.

ROMA 5:5

Anya, Imik Neyung adya wanaʾ usinaʾ dibaʾ ara, Geisinya ara, nunja ganya lomok seleb elegousukaʾ anasa, ban ganya we unaʾ adya dara, soloma nenenggulusil.

ROMA 8:24

Anasa nunda ban ganya wenaʾ lomok uboka blebsuk. Bok eillilimaknya nera, ganya hnon wenaʾ anggulumak. Anasa nim ara alja seleb eillilisonya nek ara, ganya webnamso dara, har so do?

IBRANI 6:19

Nunja dobnemab senewoka ganya nebom alamabaʾ ara, girik ak henga geregoka, mek lomok sam doublenggamnaʾ anaso ulumla. Ban unu ganya nebom alamabaʾ ara, Yesus ara nunsamba aboka mengewosuukanya, lomok wiknenaʾ aklenga poboka wekel byuk adya, hyak gasa ulusil. Dara Melkisedek benesoʾ anyek, Yesus ara imik heikek wekoka, yuba wa gakaʾ dubnya nunsamba hyak dibaʾ amba ulusil.