ROMA 4:17 - PERJANJIAN BARU NALCA YUBA

¹⁷ Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

ROMA 4:17 ပူးပေါင်းရင်းမြစ်များ

MATIUS 3:9

Ugunda Abraham bera nu nang yilaʾ ak anasa, nunda obnesilaʾ ak ab blebdanamab senenggom, mem. Ban girik danyeb danyek, Imik Neyung adya Abraham nimi yilaʾ nenewanamso anyek, ugunda bekoka seiniwanalum!

YOHANES 5:21

Anasa wera, neyung beneba somogamna nim embengaʾ bukiyiboka sikenek embengaʾ unaʾ eleklesil sok, alja me neneba neikso, nadya embengaʾ elegonun senewan nim ek embengaʾ eleklesil.

YOHANES 5:25

Ugunda ban nadya lebsinaʾ anyek dib senewanalum, seleb somogorob nim era, Imik Neyung bedya alja me nedya yuba keboka embengaʾ buknemak salek era, eimik yanamlaʾ hnon, weneba seleb yeiniboka ulumla amna ara, ugunda dib senewanalum.

YOHANES 6:63

Embengaʾ ulmoubnaʾ dibaʾ ara Imik Neyung Geisinya adya eleklesil. Nimi nonga migib ara nera salyaʾ nong anasa, nadya ugunuk lelesin yub era, ganya ak anasa, sikda embengaʾ ulumak.

RASUL 15:18

Imik Neyung adya, men youmaʾ enyek, ban orowek lemoknya bedya ban wenyalamla,” hyok.

ROMA 3:29

Goma, Imik Neyung ara hnon Yahudi nang emba Imik Neyung ok ulumla de? Alda yok mok nim amba Imik Neyung ulumla do? Wera al an, aldib. Alda yok mok nim amba hnon, sikja Imik Neyung ulumla!

ROMA 4:18

Dara Abraham bera ganya gologoka dib senewanamsoʾ damok ara orok bok, Imik Neyung adya alak, ”An nang yilaʾ ara hyak gong danamak,” wenyamok yub enyek ganya dib beiliwoka aldib senemok. Anedya alda yok-yok mok soko nimi gong amba, sikja neyung be dok.

ROMA 4:2

Abraham bera alja perobnya unulumokaʾ amba leboka perob nenemso dara, alda ban damok enesa leboka, nimek ak dara, or hamaʾ dakdo merewanasobok, Imik Neyung saramek ak ara, unuwanggunumso.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

ROMA 9:11

Bok ban mab era anam beibnenggusuukanya, perobaʾ malyaʾ gom anam unuwanggurek bok, Ribka gek an wenhyok, ”Men karob so me nera goubenya so me nedya wa wenya danamla.” Anedya Imik Neyung ara alja weboka dobsuk yub era migibaʾ kablul aboka, bok ununaʾ adya gom, alda Imik Neyung alja yoululum hyoknya nedya unuwok.

ROMA 9:26

Anya sikenek hanyagarab, ”Ugunda nadya nim gom,” amnyaʾ ak ara, anyeganyeb sikenek, ”Embengaʾ ulumla Imik Neyung bedya mab aboka henemak,” hyok.

1 KORINTUS 1:28

Wera nimi nidyaʾ ara, Imik Neyung hogung ak nonggo heijek aboka, Imik Neyung adya, wen sokok an ululanya nenyek orok nenewolulaʾ aboka, nera sokok so, melinya, onoʾ hyak malya nong senelemaknya nenyek, gaboka dobsuk.

1 KORINTUS 15:45

Nenesa Imik Neyung yub ek momnya dobokaʾ ara, ”Men uyimoknya bera, nera Adam benyek, embengaʾ ul eininaʾ men youbuka dangamok.” Bok sidyaʾ nong Adam bera, nim embengaʾ ganya eleklesilnya bek an ulumla.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.

IBRANI 11:12

Wera ban nenesa, nimi hnonoknya bek ab, alda seleb somogomoknya bek ab bok, alak pik ab danyek nimi nauba likekaʾ ara, imik sam eini guraʾ ololaʾ anaso ab, mek gwan gemek egenyaʾ enesoʾ hyak einibdaknamenggomaʾ anyek likek.

IBRANI 11:3

Anasa nunja ganya dib senenaʾ adya, ban nidyaʾ im soko ara Imik Neyung yub adya uyiwok senewoka ella ulumab. Wera anedya ban eillilimabaʾ nidyaʾ ara nunda eibnenggunusibyaʾ ak ab uyiwokaʾ ak eillilimab.

IBRANI 11:7

Dara ganya dib senenaʾ adya, wera Nuh bera anam laga danggumoknya nenyek Imik Neyung adya alak nekemokaʾ sunuwoka, pe ganya gouluwoka alja ek nimi bleblulaʾ aboka, alda senenggom mek ekla bunaʾ meemok. Anya ban ganya dib senenaʾ adya, alda sokok an igin elegookanya, dara alja ganya dib senelemokaʾ sunuwoka, alak perobaʾ donya dok.

1 PETRUS 2:10

”Ugunda youmaʾ dara, Imik Neyung mabo silibaʾ unggululum bok, wenyek dara, Imik Neyung alja mabo silibaʾ ululum. Youmaʾ era, angoo yadyek senewoka arasinaʾ orok nim ek ululum bok, wenyek dara, angoo yadyek senewoka arasinaʾ seleb dolum nim ek ululum,” hyok.

2 PETRUS 3:8

Bok nadyaʾ hemyabo nim o, ban nadya lebnesinaʾ banyek hyak mekaʾ hibiganggunulumaʾ ara ban: Imik Neyung adya senelamla dara, li hnonok ara gibnaʾ denga salyaʾ anaso uboka, gibnaʾ denga salyaʾ ara, li hnonok anaso ulumla. Alak dara, nidyaʾ ara hnonok ok ulumla.