ROMA 4:11 - PERJANJIAN BARU NALCA YUBA

¹¹ Dara, alda anam bolaʾ garawanggumek bok, alja ganya dib senenaʾ adya alak perobaʾ nenemokaʾ ara, seleb ulumokaʾ anasa, ban bolaʾ garanaʾ ara, beknaʾ dibaʾ momnya donaʾ ak dib denenaʾ anasoʾ ak ara, dobok. Wera anasa, alda nimi nidyaʾ bolaʾ garasinaʾ orok dib senelemak nang edya sikjaʾ neyung be dok, anedya ban perobaʾ nenesinaʾ ara sikbabya dobnok aboka unuwok.

ROMA 4:11 ပူးပေါင်းရင်းမြစ်များ

MATIUS 16:16

Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.

MATIUS 8:11

Hyak dib nongaʾ ara ban! Nimi nidyaʾ yali sam ab hnon, kemban sam ab hnon, Abraham beb, Ishak beb, Yakub beb, neikaʾ hiboka Imik Neyung bedya wenesin heikek sam dero weknemab aboka yanamak.

LUKAS 19:9

Dara onoʾ Yesus adya alak, ”Beneba Abraham nang yilaʾ ak anasa, sumen nong ak, e nenyek an Imik Neyung adya blebsilikanya, wenyek dib embengaʾ unaʾ elegeisil.

YOHANES 3:33

Bok, alja lelemla yuba dib dololanya bedya dara, alda dolomlaʾ adya, Imik Neyung ara alda dib nongnya ulumla aboka laga amalamla,” hyok.

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

YOHANES 6:35

Yesus adya sikenek, ”Na nong anyek nim embengaʾ ul eleksin gwaneng era alan. Heknedya nak yanamla dara, alda gwaneng oka sobaʾ unggulumnamla. Onoʾ heknedya nak dib senewanenel dara, alda mek ok unggulumnamla.

YOHANES 6:40

Anasa wera, nadyaʾ neyung bedya alja orowek senelamlaʾ ara, nak heng eiyiboka dib senelemak nimi nidyaʾ ara, dib ulmoubnaʾ ganya dobnamak senelamla. Dara, sidyaʾ daknamla sum era, nara sikenek embengaʾ bukoka sekiyiwanesin,” hyok.

YOHANES 6:47

Nara ugunuk dib lebsin, dib senewoka dololenya bera, seleb dib ulmoubnaʾ ganya, alja ganya lomok ulumla,” hyok.

YOHANES 8:33

Sikda alak, ”Nunda Abraham nang yilaʾ ulumabakanya, nunda yok nimi wa wen nimi danganaʾ orok anasa, anda hekasa ugunda yok blebdangoka seknelum alasilim do?” hyek.

ROMA 10:11

Anasa geisa Imik Neyung yuba momnya dobokaʾ ara an wenyalamla, ”Heknedya alak ganya aldib senewanamla dara, eimik alya dabnenggunumla,” alamla.

ROMA 10:4

Unuwanalum an yub pik peldisinaʾ damok elemekaʾ ara, Kristus yeilimok adya alak peldisinaʾ damok dok. Wera anedya nimi nidyaʾ ganya alak aldib senelemak nang era, peldisinaʾ en dolomak.

ROMA 10:6

Bok ganya aldib senenaʾ adya dara, an wenyalamla, ”Ugunja ganya lomok ara anaso wenyanaʾ mem: Heknyek Kristus doboka bo gouluganamla anasa, imik heik welewanamla do?

ROMA 3:22

An laga gebokaʾ ara, Yesus Kristus ak nimi nidyaʾ dib senelemak nim emba, Imik Neyung adya peldisinaʾ ara, laga dok. Wera anasa, nera yok nang enyaʾ senen ganya era, hnon unggulumla.

ROMA 3:26

Ban unuwok ganya era, wen ulumab salek enebabya, alja pe unusinaʾ ara laga dolulaʾ aboka unuwok. Anedya alda dib nongnya ulumlakanya, nimi Yesus ak dib senelemak nang era perobaʾ nenesinaʾ ara laga dolul aboka ubuk.

ROMA 3:30

Wera an lebnaʾ ara, an nenyek lebna. Dara, al neik Imik Neyung edya sik seleb bolaʾ garaweisik nang era, ganya dib senenaʾ adyok perobaʾ nenewanasilikanya, bolaʾ garawanggom nang eneba, al ganya dib senenaʾ adyok, perobaʾ nenewanasil.

ROMA 4:10

Nera har sam ak ban nera perobaʾ gebok do? Alda anam bolaʾ garawanggumek bok gom, seleb danyek gom? Seleb garawek danyek unuwanggubuk, bok men anam danyek perob senewoka perobaʾ nenewok.

ROMA 9:30

Wera anaso dara, nunda hekaʾ hnon henesibya do? Henesibnya nera ban: yok-yok mok soko nim era perob nenesinaʾ ak we dobnenggulumek bok, ganya aldib senenaʾ adyok, ban perob nenesinaʾ ara seleb dorob.

ROMA 9:33

nera an momnya dobok sok, ”Hyak aldib, nara Sion meinik sam ara soruka beleknaʾ girik ab, yana ouluka diknaʾ girik ab beiyimnamna, dara heknedya alak an ganya aldib senewanamla dara, eimik era alya dabnenggunumla,” wenhyokaʾ ak momnya dobokaʾ ak ulumla.

ROMA 9:6

Anyek bok Imik Neyung yub ulumlaʾ ara gigiwanggubok senewanggunusibya! Anasa nim ulumak Israeli nim era, nidyaʾ Israeli nang unggulumak.

2 KORINTUS 1:22

Onoʾ Imik Neyung adya, nuk ouma debsuukanya, alja Geisinya bera aljaʾ nunja ganya lomok eleganesin amokaʾ anyek dib eleganesin an beknaʾ elegosuk.

GALATIA 3:22

Bok, Imik Neyung yuba momnya dobokaʾ adya eleganesin amokaʾ ara, sikja Yesus Kristus ak dib senelemak nim ek elegosululaʾ aboka, Imik Neyung yub adya, nimi nidyaʾ ara, malya unaʾ lomok gobdo ulumak aboka, deneblebsuk.

GALATIA 3:29

Dara, ugunda Kristus alja mab ulumun dara, Abraham nang yilaʾ dangoka ululum. Anasa, ugunda Imik Neyung adya Abraham bek eleganesin amokaʾ ak dobnelum nang ek ululum.

GALATIA 3:7

Anasa ugunda ella uboka pe beknelumaʾ ara, nimi Kristus ak dib senewoka ulumak nim era, sikda nidyaʾ ara Abraham bedya mab ulumak.

GALATIA 5:5

Pewolum anaʾ dibaʾ elegosukaʾ anasa, nunda dib senelemabakanya, Geisinya aralesilaʾ adya, ganya wenaʾ dobnobaʾ aboka diri ulumab.

GALATIA 6:16

Wera anaso ganya boboka ulumak nim eb, onoʾ nidyaʾ Imik Neyung alja Israeli nang dibaʾ ara, Kristus yuba dib dolomak nim enyek, Imik Neyung adya namen unaʾ ab, angoo yadyek senewoka arasinaʾ ab, ugunuk ulusulul senelamna.

EPESUS 1:13

Imik Neyung adyaʾ perob lero yanggan yub ugunuk blebsululaʾ aboka leb elegeisik yuba kel yabalum sum enyek, ugumbabya Kristus ab neikaʾ kwebdangoka un nimi dangalum. Dara, seleb dib senelum dara, Imik Neyung adya anasa leboka, alja eleganesin amok Geisinya era, alja mabo dangalamak beknaʾ dibaʾ ugunuk seleb elegousuk.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

PILIPI 3:9

Anya aldib nara Kristus lomok ulunun senewoka unumsa. Nara Imik Neyung ak ganya kwebdonumaʾ ara, nadya ganya doboka nim adya unuwanalum an yub eboka dobnenggubsa. Wera nara Imik Neyung ab perobaʾ lebdangoka ulunamaʾ ara, nara Kristus ak dib senemsaʾ adya ulumna. Anasa ban unu Imik Neyung ab kwebdangoka jong ulumak unaʾ era, Yesus Kristus ak dib senelemakaʾ nong adya ok dangalamla.

IBRANI 11:7

Dara ganya dib senenaʾ adya, wera Nuh bera anam laga danggumoknya nenyek Imik Neyung adya alak nekemokaʾ sunuwoka, pe ganya gouluwoka alja ek nimi bleblulaʾ aboka, alda senenggom mek ekla bunaʾ meemok. Anya ban ganya dib senenaʾ adya, alda sokok an igin elegookanya, dara alja ganya dib senelemokaʾ sunuwoka, alak perobaʾ donya dok.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

WAHYU 9:4

Dara onoʾ kweng gong danyek ara, holaʾ ak denggunulum, gal meklaʾ gom, embengaʾ ulumla digum gom ara, denggunulum. Alda sik asok ak Imik Neyung beknaʾ denesinaʾ orok nim enyek ok, delemnelum aboka orugosuk.