ROMA 3:9 - PERJANJIAN BARU NALCA YUBA

⁹ Anasa har so do? Wera yok nang eb dara, nuk perobaʾ ak ulumab de? Hyak gobdo orok nong! Wera men dara lebmabja, or Yahudi nang gom, Yunani nang gom, sikda nidyaʾ seleb malya unaʾ migibaʾ damumduk ulumak,

ROMA 3:9 ပူးပေါင်းရင်းမြစ်များ

LUKAS 7:39

Wenyek Parisinya bera Yesus ak nadya ek sam denenam aboka e bilimoknya bedya an unuwokaʾ anyek eibuk dara, alja ganya lomok seiniwokja, ”Alda ununumnaʾ lenya bek dara, ban unulamla gel genera alda heknya, alda genyaʾ senewoka ella danamso,” senemok.

ROMA 1:18

Dara nim ara malya ganya boboka malya ulumaknya nera, ban dib yub enyek siklilimak, anasa Imik Neyung adya yu ganya bonaʾ ara imik ab nimi malya ulumak nang ek laga dangalamla.

ROMA 11:32

Anasa Imik Neyung ara, nimi nidyaʾ ara ban pe kenggoma lomok doronggoka lekaʾ wiblebsuk, wera anedya alda ban angoo yadyek anasa men arawounun senen ganya enyek, sikenek nidyaʾ ban aboka arawosununaʾ aboka an unuwok.

ROMA 11:7

Anasa dara har so do? Israeli nang edya we doblemoknya nera dobnenggubuk, bok nang enedya dobnamak aboka webok nang edya dobek. Dara yok nang era gasa ganya bobek,

ROMA 2:1

Wera anasa nim o, or anda heknyeneba, anda yok nang ek yana lelelelam bok, ambabya meknenaʾ ak ab goʾ unggululam. Anda yok nim ek yana lelelesilimnya beneba, al neiknya nenyek ambabya unululamaʾ anasa, anda yok nim ek yana lelelesilim salek era, wera an dam nang ak yana leleldalalam.

ROMA 3:1

Wera anaso dara, Yahudi nang edya naubaʾ perob soʾ ara hekaʾ do? Anya bolaʾ garasinaʾ ara hekamba ulusak do?

ROMA 3:19

Bok nunda banyek ella ulumab ara, yokaʾ-yokaʾ Yahudi nim emba unuwanalum an yuba lomok ulumlaʾ ara, nimi sik ban Yahudi nim emba oruksin yub damumduk ulumek nang ek senewoka beibuk, anedya nidyaʾ sibamaʾ leboka, sokok me nidyaʾ ara Imik Neyung adyaʾ igina kwesinaʾ lomok ulunok aboka unuwok.

ROMA 3:5

Bok ban nunja meknenaʾ edya Imik Neyung adya peldisinaʾ enyek an e wenyaboka laga gebnamso dara, nunda hek henesibya do? Nara nim ak adya an wenyhenemna, Imik Neyung ara alja wema debnaʾ anyek laga danamso dara, alda pe sunuwoka ununggulusil wenyhenesibya de?

ROMA 6:15

Anasa har so do? Nunda wanaʾ uboka eleksinaʾ lomok ulumabakanya, unuwanalum an yuba lomok unggulumab anasa, nunda malya unaʾ ak unubgiga balamnamab de? Orok! Anaso ununggulumnemab, hyak mem nong!

ROMA 7:14

Anasa, nunda seleb ella ulumab ara, ban Yahudi nim emba unuwanalum an yub era, ganya ak ulumla. Bok nara nimi nong ak ulumnakanya, malya unaʾ migib lomok beilinel.

1 KORINTUS 10:19

Ban wenyhenya nera damok ara, har nesa lebna do? Giblemakaʾ ak beil balamak denaʾ gom, giblemakaʾ nong ak gom, nidyaʾ ara dib nongaʾ hnon ulumlaʾ anasa, lelemna de? Orok e!

1 KORINTUS 14:15

Anasa wera, nara hekaʾ hubnesinya do? Dara nara ban nenyek eimik unuwananya nera, nadya ganya edya mololemnenabok, onoʾ pe seinin ganya anaba neikaʾ mololemnamna. Dara ganya adya bera ara seblemnamna bok, pe seinin ganya edyaʾ anaba, seblemnamna.

1 KORINTUS 4:7

Anasa wera anak dara, heknedya men perob so uyinyok senelelam do? Anda yokaʾ-yokaʾ bololamaʾ ara, hnon eleganggunjoknya nek hnon bololam de? Wera dara, yokaʾ-yokaʾ nidyaʾ anak elegenjok bok dara, hekasa nabeyok dolomna senewoka, nonggo alalam do?

GALATIA 3:10

Nimi nidyaʾ unuwanalum an yub ek sunuwoka unulumak nim era, seleb weil malyaʾ gloksukaʾ ak ulumak. Imik Neyung yuba bukuk ara, ”Wera hyak nidyaʾ unuwanalum an yub ek momnya dobokaʾ ununggulumak nimi nidyaʾ ara, Imik Neyung adya seleb weil malyaʾ gloksuk,” alamla.

GALATIA 3:22

Bok, Imik Neyung yuba momnya dobokaʾ adya eleganesin amokaʾ ara, sikja Yesus Kristus ak dib senelemak nim ek elegosululaʾ aboka, Imik Neyung yub adya, nimi nidyaʾ ara, malya unaʾ lomok gobdo ulumak aboka, deneblebsuk.

PILIPI 1:18

Bok anaba or maly! Wera dib damok emba gom, sondaʾ amba bobnenewoka Imik Neyung yuba lero yabalamakaʾ anaba, Kristus si ak lero yabalamakaʾ anasa, nara eiya dablenel. Anya eimik eneba sobaʾ eiya dablemnenel.