ROMA 3:4 - PERJANJIAN BARU NALCA YUBA

⁴ Anaso gom, hyak orok! Alda ban momnya dobok sok, ”Yok-yok anja yub ek ara, anedya anda aldib lelemlaʾ ara, laga beknaʾ danamla. Dara, anak yana lelewananjak dara, oblamaganalam,” an wenhyokaʾ anasa, wera Imik Neyung ok dib nong ulumlakanya, nimi nidyaʾ ak dara, sondaʾ nang ok ulumak.

ROMA 3:4 ပူးပေါင်းရင်းမြစ်များ

MATIUS 11:19

Wenyek dara, nimi dibaʾ me nera, alda yeiniboka gwanenga deregoka, meka deregoka ulumla dara, nim adya dara, Ugunda benyek kendululum! Denaʾ hwamnya, malya meka salyaʾ denya, mok soko amba rupiah molowoka don nang eb, malya unaʾ nim eb dadya sikjaʾ hem benyaʾ, alamak. Ban wenyalamakaʾ anyek, perobaʾ uboka geremsengaʾ ara unulumakaʾ damokok onob laga geknel balamla,” hyok.

LUKAS 20:16

Wa damnya yeiniboka, wa welenululum aboka oruga bilisuso nang era nidyaʾ obsusookanya, wa ara yok nang ek ugunja welemnenulum aboka lebnamso,” hyok. Ban wenyan yuba kemek dara, nimi nauba adya Yesus ak, ”Hyak mem o!” hyek.

YOHANES 3:33

Bok, alja lelemla yuba dib dololanya bedya dara, alda dolomlaʾ adya, Imik Neyung ara alda dib nongnya ulumla aboka laga amalamla,” hyok.

ROMA 11:1

Dara nara heibnesin: Imik Neyung ara alja nim era seleb ugunda na lek hyok de? Hyak orok, wenyhenggubuk! Nababya Israeli nang, Abraham bek ab mengebgiga, Benyamin nang yilaʾ ak abnya.

ROMA 11:11

Dara nara heibnesin: Sikda ouluka dibek anasa malyingginimak de? Hyak orok nong! Bok sikja meknenaʾ enesa, sikda soloma dabsulul aboka, blebsinaʾ damok ara yok mok soko nim ek byuk.

ROMA 3:31

Wera an unuwanasil dara, nunda ban ganya dib senenaʾ anasa leboka, Yahudi nim emba unuwanalum an yub ara orok nenelemab de? Hyak mem! Alda anyek, hyak pe migibaʾ geboka unulumab.

ROMA 6:15

Anasa har so do? Nunda wanaʾ uboka eleksinaʾ lomok ulumabakanya, unuwanalum an yuba lomok unggulumab anasa, nunda malya unaʾ ak unubgiga balamnamab de? Orok! Anaso ununggulumnemab, hyak mem nong!

ROMA 6:2

Anaso dara hyak mem nong! Nunda malya unaʾ amba seleb somoganggubub de? Anasa nunda malya unaʾ ak unuldibilloklemnemab dara, nera hyak okna so.

ROMA 7:13

Wera anaso dara, yok perobaʾ digum adya nasamba hnon somoganaʾ danamso de? Hyak orok nong! Bok alda malya unaʾ ulumlaʾ ara, laga doulul aboka dara, malya unaʾ ara nak somokna damba, ban perobaʾ pik unulamla. Dara ban wenesin yub anedya malya unaʾ ara al beknaʾ malya unaʾ nong ulumlaʾ ara laga geblamla.

ROMA 7:7

Anaso dara, wenera nunda hek henemab do? Dara, ban Yahudi nim emba unuwanalum an yub ara, malyaʾ de? Anaso gom, hyak orok nong! Alda ban oruksin yuba pik uboka, nara malya unaʾ anyaʾ senenaʾ ara, okoka beknaʾ ella ulumsa. Anasa an oruknaʾ yub adya, ”Nim adyaʾ ara, dobsinya senenggom mem,” wenyanggulumnamso dara, nababya nim adyaʾ ak dobsinya ganya era, hekaʾ ak do senewoka ella danggunusinya.

ROMA 9:14

Wera anaso dara, nunda hek henemab do? Dara Imik Neyung ara pe sunuwoka unuwanggubuk de? Hyak unuwanggunumso, orok!

1 KORINTUS 6:15

Ugunja nonga yok-yok ara, hiboka Kristus nong ululumaʾ ara, ugunda elgom de? Dara, Kristus adya nong ululumaʾ anyek, nadya doboka gela salanaʾ ak neikaʾ hil binisinya de? Hyak unuwanggunusinya, mem.

2 KORINTUS 1:18

Imik Neyung ara hyak dib nong ok lelelanya bek si sibuka wenyalasin. Nadya ugunuk lesisaʾ ara, ”Or”, ”Orok” ara, sene bobnenewoka lebnenggusisa.

GALATIA 2:17

Nunda Kristus pik uboka, perobaʾ nenesinaʾ elemabakanya, nera malya unaʾ nim ek bok anaso eildalamab dara, ban adya Kristus ara, malya unaʾ perob aboka liginanya gebnesibya de? Nenera hyak unuwanggunusibya!

GALATIA 2:21

Nim ara unuwanalum an yub edya Imik Neyung hogung ak perobaʾ nenenaʾ dobnesibya bok dara, Kristus ara malya unaʾ amba somogomokaʾ ara, salyaʾ lelem danamso. Anasa, nara Imik Neyung adya wanaʾ uboka eleksinaʾ ak, lek aboka longgulumna.

GALATIA 6:14

Nak dara, yokaʾ-yokaʾ anyek pelemla aboka nonggo anaʾ ara, unuwanggunusinya bok, nunjaʾ Wenelesilnya Yesus Kristus gal dubuk somogosukaʾ amba danyek ok unuwanasinya. Wera Kristus anyek gal dubuk somogokaʾ adya danyek, sokok an ululanya nedya nak benewoka glinggulunelekanya, nara soko amba seleb somogamnaʾ anaso ulumna.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

TITUS 1:2

Ban nunja dolomab yuba damok enyek sunuwoka, dib embengaʾ ulmoubnaʾ ara or dobnemab senewoka ella ulumab. Imik Neyung ara hyak sondaʾ lenggululanya bek adya, men youmaʾ enyek moruwoka, embeng unaʾ damoka nuk eleganesin, wenyasuk.

IBRANI 6:18

Wera ban penya damok era saawoka yok danganggulumla ara, Imik Neyung alja laga lenaʾ ab, unuwanasin amnaʾ ak ara, hyak mekaʾ sondaʾ lenggulumla. Ban nenesa leboka, nunda Imik Neyung ak perobaʾ leboka muruklumab nim era, nunjaʾ hogung ak an ulumlaʾ ganya nebom anaʾ ara dib dobnemabaʾ anyaʾ senen ganya era migib eleklesil.

1 YOHANES 5:10

Anasa ban nenesa leboka, Imik Neyung alja me nek dib senelemak nim era, ban laga lelemla yub enera, seleb ganya lomok ulusil. Bok Imik Neyung ak dib senenaʾ orok nim era, Imik Neyung ara sondaʾ lelelanya nenelemak. Ban unulumaknya nera, Imik Neyung adya alja me nemba lelemlaʾ anyek dib senenggulumakaʾ adya sondaʾ lelelanya nenelemak.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

WAHYU 3:7

Filadelfia heikek yuba donaʾ nimi lero ek ban unu momnya dobnelamaʾ ara: ”Ban yub enera, hyak geisa uboka, hyak dib nong ululanya bedya yub era ban. Dara, Daud bedya pik baknaʾ era alja bo ulumla. Alja pika baknamso dara, nimi yok nang edya seregamenggom, anya onoʾ alja sereganamso dara, yok nang edya anaba baknamenggom.