ROMA 3:19 - PERJANJIAN BARU NALCA YUBA

¹⁹ Bok nunda banyek ella ulumab ara, yokaʾ-yokaʾ Yahudi nim emba unuwanalum an yuba lomok ulumlaʾ ara, nimi sik ban Yahudi nim emba oruksin yub damumduk ulumek nang ek senewoka beibuk, anedya nidyaʾ sibamaʾ leboka, sokok me nidyaʾ ara Imik Neyung adyaʾ igina kwesinaʾ lomok ulunok aboka unuwok.

ROMA 3:19 ပူးပေါင်းရင်းမြစ်များ

YOHANES 15:25

Bok, unuwanalum an yuba sikja bukuk momnya dobokaʾ ara, dib gigiwolulaʾ aboka umokaʾ damok ara, anyaʾ senewal henggonggom bok, nak lek senelenyek.

YOHANES 8:9

Yesus adya ban wenhyok yuba kemek dara, Yahudi nang era, nauba nang sok ab ara, mek nang ek moruwoka, hnonok-hnonok sen-senem aboka balameekanya, dengaboka, gel ab Yesus ab ok, anyagan lobsik.

ROMA 1:20

Alak ab laga danganggulumlaʾ ara, aljaʾ migibaʾ ulmorulamlaʾ ab, aljaʾ Imik Neyung unaʾ dibaʾ an hnon, bok alja soko uyiwok salek ab mouruwoka, an penya damok era, seleb eillilimak anasa, eilinggulumaknya nera, anyeganyeb ella dangalamak anasa, sikda sene bobnenewoka anasa-anasa henggunuseng.

ROMA 3:2

Wera, sikja naubaʾ perob soʾ ara, yokaʾ-yokaʾ amba hyak gong ulumla. Dara men nong ara, Imik Neyung yub ara sikenek men lobonggosuk.

ROMA 3:23

Anasa, nimi nidyaʾ ara seleb malya umeekanya, Imik Neyung adya aljaʾ senenggomaʾ si imik nenenaʾ ara, seleb sokol lonaʾ dangalamla,

ROMA 3:4

Anaso gom, hyak orok! Alda ban momnya dobok sok, ”Yok-yok anja yub ek ara, anedya anda aldib lelemlaʾ ara, laga beknaʾ danamla. Dara, anak yana lelewananjak dara, oblamaganalam,” an wenhyokaʾ anasa, wera Imik Neyung ok dib nong ulumlakanya, nimi nidyaʾ ak dara, sondaʾ nang ok ulumak.

ROMA 3:9

Anasa har so do? Wera yok nang eb dara, nuk perobaʾ ak ulumab de? Hyak gobdo orok nong! Wera men dara lebmabja, or Yahudi nang gom, Yunani nang gom, sikda nidyaʾ seleb malya unaʾ migibaʾ damumduk ulumak,

GALATIA 3:10

Nimi nidyaʾ unuwanalum an yub ek sunuwoka unulumak nim era, seleb weil malyaʾ gloksukaʾ ak ulumak. Imik Neyung yuba bukuk ara, ”Wera hyak nidyaʾ unuwanalum an yub ek momnya dobokaʾ ununggulumak nimi nidyaʾ ara, Imik Neyung adya seleb weil malyaʾ gloksuk,” alamla.

GALATIA 4:21

Hemyabo nang o, ugun unuwanalum an yub ek ganya beiliwoka ulumnamab senelelum nang era, ban unuwanalum an yuba lelemlaʾ ara ugunda ella ululum gom, orok gom, wera neknenulum!

GALATIA 4:5

Numbabya Imik Neyung bedya mabo yokaʾ danokaʾ aboka, me nera unuwanalum an yub ulumokaʾ gangganek ulumek nim ek dekoka blebsuk.

GALATIA 5:18

Bok ugunuk dara, Imik Neyung Geisinya adya bo ulumnesil dara, wera unuwanalum an yub ek ara, ganya dib beiliwoka unggulumnelum.