ROMA 3:11 - PERJANJIAN BARU NALCA YUBA

¹¹ Dara, nimi hnonok sibin anaba geremseng ganya bonaʾ orok. Anya, Imik Neyung ak enaʾ anaba orok.

ROMA 3:11 ပူးပေါင်းရင်းမြစ်များ

MATIUS 13:19

Yinaʾ pikek sam yama yinggilimoknya nera, damok ara nim Imik Neyung adya wenelemnesil yub era kelemak bok, pe ella danganggulumak. Sikjaʾ ganya ak doklomak yub era malya unaʾ damoknya bisaʾ adya yeiniboka gwenelamla.

ROMA 1:22

Sikda geremseng uboka, pe ulumna nang enesoʾ seneldalamek bok, sikda hyak dongdang anaʾ hwam nang dangamek.

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

ROMA 3:10

an wenyaro momnya dobokaʾ ulumla sok, seleb lulum-lulum abmab ara, ”Nimi hnonok sibin anaba, hnon pelemak nim era orok.

ROMA 3:12

Nimi nidyaʾ ara, ben hnonok sibin anaba, perobnya nera hnon ununaʾ orok uboka, meknewoka malya ub menegoka, sikda salyaʾ hwam ok dangamek.

ROMA 8:7

Dara nim adya ganya seininaʾ era, alda Imik Neyung adya unuwanalum an yub ak ganya beildanggulumla anasa, Imik Neyung adya isaʾanya ulumla. Anasa aldib, ban yub enyek dara, alda hyak okna ak ulumla.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.