ROMA 2:17 - PERJANJIAN BARU NALCA YUBA

¹⁷ Bok anda Yahudi nang abdangoka, Yahudi nim emba unuwanalum an yub ak kwebmouboka, Imik Neyung amba leboka habmerenga nonggo aldalalam.

ROMA 2:17 ပူးပေါင်းရင်းမြစ်များ

MATIUS 3:9

Ugunda Abraham bera nu nang yilaʾ ak anasa, nunda obnesilaʾ ak ab blebdanamab senenggom, mem. Ban girik danyeb danyek, Imik Neyung adya Abraham nimi yilaʾ nenewanamso anyek, ugunda bekoka seiniwanalum!

LUKAS 10:28

Danyek Yesus adya, ”Anja leblamaʾ dara, dib leblam. Ban nenyek nidyaʾ unulumen dara, wera anda embeng unaʾ dib dobnelam,” hyok.

YOHANES 5:39

Ugunja dara, Imik Neyung yuba momnya dobokaʾ einiwoka ulumeibya adya embengaʾ unaʾ dobnemab senewoka nauba einililum. Wera, ban bukuk sam anaba nasamba geklewoka yuba lelelabok,

YOHANES 5:45

Ugunja dara, nadya neyung bedya saramek sam, aladya malya gebiyiwanesil senen ganya bonenggom mem. Ugunja dibnya senelelumnya Musa bedya malya gebiyiwanesil.

YOHANES 7:19

Musa bedya nim onggom, yokaʾ salyaʾ ununggom aboka, Imik Neyung adya unuwanalum an yub era seleb ugunuk elegosuk. Bok, ugunuk dara, be hnon ban yub en keboka ununggulumla. Dara, hekasa nak obnenobaʾ aboka ulunulum do?” hyok.

YOHANES 8:33

Sikda alak, ”Nunda Abraham nang yilaʾ ulumabakanya, nunda yok nimi wa wen nimi danganaʾ orok anasa, anda hekasa ugunda yok blebdangoka seknelum alasilim do?” hyek.

YOHANES 8:41

Ugunda ugunjaʾ neyung be yokaʾ-yokaʾ unulamlaʾ anyek unululum,” hyok. Dara, sikja alak, ”Nunda beiyik ab beiyisin nimi gomaʾ. Nunjaʾ neyung be nong dibaʾ ara al Imik Neyung hnonok ulumla,” hyek.

ROMA 2:23

Anda ban Yahudi nim emba unuwanalum an yub emba leboka, nonggo alalam bok, hekasa anda ban oruksin yub ek meknewoka, Imik Neyung ak derelelam do?

ROMA 3:27

Wera anaso dara, nunda nonggo abdanesibyaʾ damok ara, hekaʾ ak ulumla do? Hyak orok! Har damok ek nonggo abdanggunusibya do? Yokaʾ unuwanalum an yuba pe unun damok emba leboka de? Nene gom, alda nimi ganya dib senenaʾ nong amba leboka dara, nonggo abdanggunusibya.

ROMA 9:32

Hekaʾ adya doblamlobek do? Sik Israeli nang era ban ganya aldib senenaʾ anasa we dobnenggulumek, bok laga ununaʾ adya we doblemek anasa sok lobek. Sikda ouluk diknaʾ girik ak ouluka dibek,

2 KORINTUS 11:22

Sikda Ibrani nang ulumak de? Naba Ibrani nang ulumna! Sikda Israeli nang de? Naba Israeli nang ulumna! Sikda Abraham nang yilaʾ ulumak de? Naba Abraham nang yilaʾ ulumna anyaʾ!

GALATIA 2:15

Nimi beilinaʾ adya dara, nunda aldib Yahudi nim ulumabaʾ ara, yok mok soko nimi malya unaʾ nim enesoʾ ak unggulumab.

EPESUS 2:11

Ugun Yahudi gom nim era, ugun nong ara, ”bolaʾ garawanggom nang” anaʾ ara, nim adya bolaʾ garalesikaʾ Yahudi nang edya dara, ugunuk wenyalasak. Dara, Yahudi gom nim o, anyek seiniwanalum. Nera nim adya ganya doboka nang era an wenyan beknaʾ beillilesik.

WAHYU 2:9

Anak an yokaʾ-yokaʾ okna uboka ulunggelaʾ ara nara seleb ella ulumna. Anda bonaʾ garan ululamaʾ ara naba ella ulumna! (Bok saawoka anda aldib dubnya ululam.) Hnon nim era bisaʾ dubnya Satan alja bisaʾ mabo silibaʾ uboka, Yahudi nimi dibaʾ unaʾ orokjok, nunda Yahudi nim aldalamak nim edya anak an, geklewoka derewoka walasakaʾ ara nara seleb ella ulumna!

WAHYU 3:1

Sardis heikek yuba donaʾ nimi lero ek, ban unuwoka momnya dobnelamaʾ ara: ”Ban yub enera Imik Neyung aljaʾ sekbadya ganya eb, sekbadya guraʾ eb, danyek salalanya bedya yub era an. Anja unululamaʾ nidyaʾ ara nara seleb ella ulumna. Anak dara, hnon nim edya dara, anam embengaʾ ulumla alanjak bok, seleb somogolumaʾ ak ululam.

WAHYU 3:9

Dara nimi nidyaʾ bisaʾ dubnya Satan bedya bisaʾ mab silibaʾ ulumak nang era, Yahudi nang yokaʾ gom bok, sondaʾ anasa nunda Yahudi nang enyaʾ aldalamak nang era, nadya anjaʾ saramek sam yeiniboka gibgenokaʾ aboka unuwanok senen ganya enyek eleganesin. Anedya sikda, nara anak wanaʾ ulunggenaʾ ara gobdo ella danamak.