ROMA 2:12 - PERJANJIAN BARU NALCA YUBA

¹² Wera anasa, nimi nidyaʾ Yahudi nim emba unuwanalum an yuba orokaʾ anyek, malya unulumak nim era, Yahudi nim emba unuwanalum an yuba gonggom somoganamak. Bok nimi nidyaʾ Yahudi nim emba oruksin yub eb malya unulumak nim era, wera ban Yahudi nim emba unuwanalum an yub edya yana lelewanasil.

ROMA 2:12 ပူးပေါင်းရင်းမြစ်များ

MATIUS 11:22

Ugunda banyek pe seiniwoka beknelum! Soko sidyaʾ daknamla sum era, Tirus mok nim eb, Sidon nim eb dara, or sikenek mek so obnesil bok, ugunuk dara, hyak nauba obnesil!

MATIUS 11:24

Ugunda banyek seiniwanalum, soko sidyaʾ daknamla sum era, Sodom nim ek dara, Imik Neyung adya sikja malya unaʾ amba mek so obnesil bok, ugunuk dara, nauba so obnesil!” hyok.

YOHANES 19:11

Dara, Yesus adya Pilatus bek, ”Imik Neyung adya unun migibaʾ, neyung anak elekgenaʾ orok dara, wera, neyung anda yokaʾ-yokaʾ salyaʾ ganya doboka unuwanggunusom. Anasa, neyung o, anak gom, alda nak oblulum aboka yuba diyinelnya benyek, alja malya unaʾ era hyak senenggomaʾ ulumla,” hyok.

RASUL 2:23

Imik Neyung adya al orowek ella unuboka unuwonun senewoka seinimok sok, alja me Yesus ara ugunuk seleb elek losuk. Dara, ugunda malya nang ak elegoka, sikda alak doboka galak glabekaʾ adya, ugunda alak olum.

ROMA 1:32

Sikda Imik Neyung yub ara, ban nenesoʾ anyek unulumeija nang era, somoganeseng hyok yub era seleb ella ulumakjok, ban ununaʾ era unulmorulumeekanya, onoʾ sikda yok nang edya anaso unuwanya neneba perob senewoka pelum alamak.

ROMA 4:15

Wera nimek wema dabnaʾ ara, oruksin yub edya lanaldilimla. Bok, hanyegarek unuwanalum an yuba unggulumlaʾ ak ara, wera anyeganera, meknenaʾ anaba unggulumla.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

1 KORINTUS 9:21

Dara onoʾ Yahudi gom nim ek anaba, sikenek nara Yahudi gom nim eneso uro yabalamna. Al ban unulamnaʾ anaba, sik nong anyek Musa bedya unuwanalum an yub era, loboka salyaʾ beiyik ulumak bok, sikenek hnon Kristus ak diriga ban nimi danok senewoka, uro yabalamna. Ban unulunanya nera nak momnya dobok yub ek dib senenaʾ orok adya ulumna gomaʾ. Alda nara Kristus yub ak dara, anam ganya goluwoka unulamna.

GALATIA 3:10

Nimi nidyaʾ unuwanalum an yub ek sunuwoka unulumak nim era, seleb weil malyaʾ gloksukaʾ ak ulumak. Imik Neyung yuba bukuk ara, ”Wera hyak nidyaʾ unuwanalum an yub ek momnya dobokaʾ ununggulumak nimi nidyaʾ ara, Imik Neyung adya seleb weil malyaʾ gloksuk,” alamla.

GALATIA 3:22

Bok, Imik Neyung yuba momnya dobokaʾ adya eleganesin amokaʾ ara, sikja Yesus Kristus ak dib senelemak nim ek elegosululaʾ aboka, Imik Neyung yub adya, nimi nidyaʾ ara, malya unaʾ lomok gobdo ulumak aboka, deneblebsuk.

YAKOBUS 2:10

Nimi hnon Imik Neyung adya unuwanalum an yub nidyaʾ ak pe keboka unulamla bok, sirik hnonok bleklamla dara, wera bera Imik Neyung adya nidyaʾ momnya dobok yub ek bleklamla.