ROMA 2:10 - PERJANJIAN BARU NALCA YUBA

¹⁰ Bok perobaʾ senenggomaʾ ab, si imik nenenaʾ ab, pewoka namenaʾ unaʾ ab dara, nimi nidyaʾ pe unulumak nang edya dobnemakaʾ ara, men youboka dara Yahudi nang hnon, anya dara, onoʾ Yunani nang eneba, sikenek yameb goluwanesil.

ROMA 2:10 ပူးပေါင်းရင်းမြစ်များ

MATIUS 10:13

Ugunuk neikaʾ ulumnemab aboka, dobnesak nim ek ara, ugunja gibemunaʾ damok ara, sob e nenyek an ulumnamla. Bok neikaʾ ulumnemab henggunusak ek nim edyaʾ ek ara, gibemun gibnaʾ damok era, ugun damnya saaboka dobnelum.

LUKAS 1:79

Nera sik lok ganya hwam uboka, gunaʾ hnoum ulumak nimi gong enyek yeblesilyekanya, nunja yan era hyak perob pik, ganya pe namenaʾ un heklesil pik eboka bo binisil amba,” wenyaboka lebok.

LUKAS 12:37

Wa wen nang enyek, sikjaʾ neyung be ek yanamnaʾ amba diri ulunabok, wera yalamla dara berra eillilemak nim era, hyak pelemakaʾ nong ara an. Ban lebnesinaʾ ara, wera ban wa dubnya bera meebgogowoka, alja wa wen nim ek buklulum aboka oruganasil dara, alda sikenek denaʾ youboka beiyiboka deb eleganesil.

LUKAS 19:42

Yesus adya, ”Angoo, anda sumen enyek, hekaʾ adya anak namenaʾ eleganenggesoʾ ara, orowek ella ubnesom dara, wera pewanasom! Bok, anda hyak mekaʾ eibnenggublam.

LUKAS 22:14

Wera den salek oka dok dara, Yesus ara alja yuba doro diriga ban nang eb neikaʾ denobaʾ aboka, ekla ek buk ganagek.

LUKAS 9:48

Anya onoʾ sikenek, ”Heknedya nadya si, nasamba leboka banaso me nenyek dolomla dara, alda nak dolonel. Wera nak dolonelnya bera, alda na bokol yeilinyoknya bek dolomla. Anasa wera, ugun gangganek anyek hyak mek sonya ululanya benyek alda senenggom so ulumla,” hyok.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

YOHANES 14:27

Ganya daboka unaʾ ara ugunuk lobonggo binisin. Narinya nenyek ugunuk elegoka lo binisin. Sokok anyeb eleklesilnya nenesoʾ ak eleganggunusin. Anasa, ugunda mounduk-mounduk aboka lok ganya bonggom,” hyok.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

RASUL 10:35

Nimi ben hnon Imik Neyung ak lok uboka, alja unulamla nidyaʾ ara perob ok unulanya bera, Imik Neyung ara bera mok enyeganyebnya aboka webnaʾ loboka perobaʾ leboka doro dililamla,” hyok.

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

ROMA 2:9

Malya unaʾ unuru ulumak nang era, nimi yok-yok malya damok gweknaʾ ab, okna dabsinaʾ ab dara, men youboka dara, Yahudi nim ek, anya dara, onoʾ Yunani nim ek hnon, sikinek yameb goluwanesil.

ROMA 5:1

Wera anasa, nunda ganya aldib senenaʾ adya perobaʾ nenelesil nang era, nunjaʾ Wenelesilnya Yesus Kristus pik uboka, nunda Imik Neyung ab neikaʾ hiboka ganya namenaʾ ulumab.

ROMA 8:6

Anasa nimi ganya adya seinililanya nera somoknaʾ damok ak ulumla. Bok Geisinya adya seinililanya nera embengaʾ unaʾ ak hnon, ganya pe namenaʾ unaʾ damok ak hnon, ulumla.

ROMA 9:21

Dara go soko adya yok-yok bonaʾ memelanya bera, ban neik go soko winirobaʾ enedya perobaʾ ak senesonya nera nen memewoka, ono yoknya nera or sobnya memewanamna senesonya nera nen memelamla dara, anadya alda meknelemla heneseng de?

ROMA 9:23

Onoʾ saawoka ban yokaʾ-yokaʾ ak alja angoo yadyek senenaʾ elegousununaʾ ulumla ara aljaʾ perob senenggom bonaʾ enyek alja perobaʾ senenggomaʾ amba orowek memewoka ulumla.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

PILIPI 4:7

Ban unulumun dara, Imik Neyung alja nim adya mekaʾ ella unggulumak unaʾ adya, Kristus Yesus pik uboka, ugunja ganya seininaʾ nidyaʾ diri bo ulumnesil.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

IBRANI 2:7

Bok anda nim ek ara, lero ara imik nenewoka, nim ak dara, sokok nenewolum. Nim ek ara, alja si imik nenewoka, alja si nera gigiwoka,

YAKOBUS 2:22

Nunda pe ulumnemab aboka dara, nunja dib senelemabaʾ anyek beknaʾ dolulaʾ aboka dara, wera nunja perob nong un unaʾ enyek, pe laga unulunob.

YAKOBUS 3:13

Nimi ben hnon ugun gangganek ara, heknya ek geremseng uboka pe ella ulumla do? Wera unululanya geknebaʾ alda geremseng uboka, ganya sokok nenebdangoka, perob nong unaʾ adya laga amalelul.

1 PETRUS 1:7

Ban yokaʾ-yokaʾ ak geregoka sunulusilaʾ damok ara, ugunda aldib Wenelesilnya bek okoka dib senelum gom, orokaʾ anyek, laga dolulaʾ aboka ulusil. Dangmana perobaʾ anaba jobok orokaʾ ara, uk ak dalyamalemak. Anasa Imik Neyung ak dib senenaʾ ara hyak perobaʾ ak uboka, eimik denghenemla dangman era or malya so anasa, ugunuk hnon sunulusil. Dara Yesus Kristus laga danamla sum era, ugunja dib senenaʾ ara seleb laga dokaʾ adya, ugunuk dara, perobaʾ leboka gibnesilikanya, ugun nong ara imik nenewanasil.

1 PETRUS 5:4

Anya senenggomaʾ imiknya nimi bo ulusilnya yanamla sum era, ugunuk ara senedyaʾ mekaʾ habnenggunumla bonaʾ enyek, senedyaʾ yakaʾ anyek eleganesil.