ROMA 16:7 - PERJANJIAN BARU NALCA YUBA

⁷ Na anam yuba dobnenggom enyek, Kristus lomok yub lenaʾ gak nang gangganek ara si sinaʾ nang uluraakanya, nadyaʾ hemyabo neik mok soko nang, nablaboka neika henga gouboka doronggosikaʾ Andronikus beb, Yunias beb, siksamba hnon gibsin.

ROMA 16:7 ပူးပေါင်းရင်းမြစ်များ

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

YOHANES 15:2

Nak doka mounggulumla soruka nidyaʾ diblamlakanya, nidyaʾ molulanya nera, nauba dangoka sobaʾ moubgiga balalulaʾ aboka, onoʾ gereboka lelekdeboka memelamla.

YOHANES 6:56

Heknedya nadya nong soub eb, nadya eneng eb, delemlya dara, alda nadyaʾ nong lomok sam ulumnamlakanya, nababya alja nong lomok ulumnamna,” hyok.

ROMA 16:10

Yokaʾ-yokaʾ ak ab dara, Kristus lomok hyak siklebdaboka ululanya, Apeles bek hnon gibna. Sik Aristobulus bedya ek nim dangoka ulumak nim ek perob aboka gibsin.

ROMA 16:11

Nadyaʾ hembe, neik mok ebnya, Herodion bek perob aboka gibna. Sik Narkisus bedya ek dangoka, Wenelesilnya lomok ulumak nim ek, perob aboka gibsin.

ROMA 16:21

Nadyaʾ hembe, neik wa welenamnya, Timotius bedya hnon, nadyaʾ hemyabo, neikmok nang, Lukius bedya hnon, Yason bedya hnon, Sosipater bedya hnon, ugunuk perob aboka gibisak.

ROMA 16:3

Nadya perob aboka, nadyaʾ hemyab Yesus Kristus pik neikaʾ welemab nim, Priskila, Akwila ak, an sikenek gibsin yub enyek, unu wenyaboka gibisil henelum.

ROMA 16:6

Ugunsamba yeiriwoka welemla gel, Maria gek hnon gibna.

ROMA 16:8

Wenelesilnya pik uboka hyak wanaʾ ulunanya, Ampliatus bek perob aboka gibna.

ROMA 16:9

Kristus wa wenya nunjaʾ hem be, Urbanus bek hnon gibna, nadyaʾ wanaʾ ulunanya, Stakhis bek hnon perob aboka gibna.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

ROMA 9:3

Anya nara nim unaʾ sam ak dara, nadya mok soko nimi nang yilaʾ amba leboka, nara malya nenebdanakanya, nadyaʾ hemyab amba, Kristus bek ab, yok gebdonun senelamna.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

2 KORINTUS 11:23

Sikda Kristus adya wa wen nang ulumak de? (Nara lobaʾ oronanya benesoʾ anyek lebnamna.) Nak danyek, Kristus adya wa wenaʾ nongnya ulumna! Nara Kristus wa yeiriwoka hyak nauba so welemna, anasemba leboka liga gong henga gouboka beillilenyek, hnonda sobaʾ saboka olonyek dara, liga gong somogeisinyaʾ ak elelloblonyok.

2 KORINTUS 12:2

Nimi yuba donya ben hnon, Kristus adya imik heikek hyak imik sam do welewok salek era, wera gibnaʾ meija dubukaʾ badya lemok danyekaʾ ak, ella ulumna. Alja nong gekman dobok gom, or lendara ak gom ara, dibaʾ orokaʾ ara Imik Neyung ok ella ulumla. Do welewoknya bera imik heikek denewaʾ winilyaʾ ak welewok.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

GALATIA 1:22

Bok na nong ak dara, yuba donaʾ nim Kristus lomok uboka Yudea sokok ulumek nim era, okoka benyekaʾ senewoka ella danganggulunyek.

GALATIA 2:2

Imik Neyung adya or Yerusalem heikek binilam aboka aawoka nekenyokaʾ anasa, bilimsa. Wera Yerusalem heikek ara, hnonda si sinaʾ nang eb neikaʾ longowouba dara, nadya Yahudi gom nim ek perob lero yanggan yuba lel eleklamsaʾ anyek, neksisa. Nera youmaʾ wesenya gom, eimik welemnenanya gom anyek, hnon nim era salyaʾ lelem welemla seneweneijek aboka, si sinaʾ nang ok gelelenga neksisa.

GALATIA 2:6

Si sinaʾ nang edya dara, nak ara anda anyek yokaʾ-yokaʾ mekaʾ hnon unuwanalam aboka lebnenggubnyek. (Imik Neyung ara nimi hogunga perobaʾ malyaʾ anyek kemenggulusilnya bek anasa, sikda perob nang gom, malya nang gom ara, weboka seininanya nera, nak dara, dib nong gom.)

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

GALATIA 6:15

Nimi bolaʾ garanaʾ gom, orok gom ara, hnon dib nong unggulumla. Alda nimi wenyek nong unaʾ dolomakaʾ ak, hnonok dib nong ulumla.

EPESUS 2:10

Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

KOLOSE 4:10

Nadya hembe neikaʾ henga gouboka doronggeisiknya Aristarkus bedya hnon, Barnabas, alja dong bedya me Markus bedya hnon, ugunuk gibisirik. Alsamba dara, ugunuk seleb wenyasikaʾ anasa, yanamla dara, ugunda perobaʾ leboka ubnelum.

PILEMON 1:23

Yesus Kristus amba leboka, neikaʾ henga goubuka beibsikaʾ ak anyagan ulunamnya Epafras bedya ugunuk perob aboka gibsil.

1 YOHANES 4:13

Imik Neyung adya alja Geisinya benyek, seleb nuk elegesuk dara, wera nunda Imik Neyung lomok ulumabakanya, onoʾ Imik Neyung ara nu lomok ulusilaʾ ara, ella ulumab.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.