ROMA 15:8 - PERJANJIAN BARU NALCA YUBA

⁸ Ban nadya lebnanya nera ban nenyek lebna, Imik Neyung adya perob nenesinaʾ amba, Kristus ara nunja youmaʾ nang ek wenyalasukaʾ anyek sunuwoka unuwoununaʾ aboka, alda bolaʾ garan nang edya wa wenya seleb dok.

ROMA 15:8 ပူးပေါင်းရင်းမြစ်များ

MATIUS 15:24

Yesus adya sikenek lebsukaʾ ara, ”Nara Israeli nim enyek, malya dangoka weiningdangamek nim emba ok bokol yeilinyok,” hyok.

YOHANES 1:11

Aljinya nek yeilimok bok, alja meneng mok nim edya dara, alak perobaʾ leboka dobnenggumek.

YOHANES 10:16

Dara onoʾ nadya domba pam gong dara, yok lekaʾ ak sam hnon ulumak. Sikbabya hnon anyagan bo yanasin. Dara, sikda hnon nadya yuba pe keboka, anyagan orowek men ulumak pam eb neikaʾ ak hibnya dara, nadya yokaʾ pama hnonok, nak pama beilinanya hnonok danamla.

RASUL 13:46

Bok Barnabas beb, Paulus beb dara, danyek nauba so asaʾ ganya boboka yeiriwoka lelerek. Dara sikja lelerek ara, ”Imik Neyung adya yub enera ugunuk men seleb leb eleganesiseng senelelabok, ugunda lek senewoka wekdo doroklolumukanya ugumba yok nunda dib embengaʾ ulmoubnaʾ era dobnenggunusibya senen ululum anasa, wera nunda ugun Yahudi nim ek loboka, yok sokok nim ek Imik Neyung yuba lebnom aboka balanam.

ROMA 11:22

Wera anasa, ugunda ban Imik Neyung alja pe yongon ganya eb, alja ganya gasa geboka unuwokaʾ ara, sik seleb malyinggek nang ek ara gasa so unubok, bok sikja ugunda ganya pe yongon uboka elegousukaʾ anyek pe seinilimnelum. Anera banaso, ugunda alja pe ganya yongonaʾ ak ubmoubnelum dara, anera ugunuk ulumnesil, bok orok dara, ugumbabya soruka diboka boboganasil.

ROMA 11:30

Anasa dara neikik, ugunda youmaʾ dara Imik Neyung pe kenggululum, bok wenera sikjaʾ pe kenggom enesa, ugunda angoo yadyek senewoka arasina ganya era dololum.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

ROMA 3:26

Ban unuwok ganya era, wen ulumab salek enebabya, alja pe unusinaʾ ara laga dolulaʾ aboka unuwok. Anedya alda dib nongnya ulumlakanya, nimi Yesus ak dib senelemak nang era perobaʾ nenesinaʾ ara laga dolul aboka ubuk.

ROMA 3:3

Anasa, har so do? Wera sik gangganek hnon dib senenaʾ orok adya, wera ban ganya enedya Imik Neyung adya bojam usinaʾ era, orokaʾ gebneseng de?

ROMA 4:16

Wera anasa, unuwanesin aboka lebokaʾ damok ara, ban ganya aldib senenaʾ anyek sunuwoka unuwok. Anedya, ban unuwok ganya era, wanaʾ uboka eleksinaʾ anyek laga dangalalul aboka ubok. Anedya ban Imik Neyung adya unuwanalum an yub era, sik Yahudi nim ok gom, alda sik nim Abraham bedya dib senemok ganya enyek sunuwoka unulumak nang anaba, sikda nidyaʾ ara, unuwanesin aboka lebokaʾ dobnok aboka unuwok. Wera, anera Abraham bera nunda nidyaʾ hiboka amba, nunjaʾ neyung be ulusil.

1 KORINTUS 1:12

Nadya wenyhenya nera damok ara, ugun gangganek ara hnon ara lelelumja, ”Nara Paulus bek diriga balamna,” hnon nang edya dara, ”Nara Apolos bek diriga balamna,” onoʾ yok hnon nang edya dara, ”Nara Kristus ak diriga balamna,” alalumaʾ anasa lebsin.

1 KORINTUS 10:19

Ban wenyhenya nera damok ara, har nesa lebna do? Giblemakaʾ ak beil balamak denaʾ gom, giblemakaʾ nong ak gom, nidyaʾ ara dib nongaʾ hnon ulumlaʾ anasa, lelemna de? Orok e!

1 KORINTUS 10:29

Ban nadya lebnanya nera, ugunja mek ganya ek lebnenggubna. Alda lelelanya bedya mek ganya ek lebna. Bok, nadya ganya yakdewoka ulunanya nera, hekasa yok nim adya mek ganya edya sikliling sok ubnenyak do?

1 KORINTUS 15:50

Hemyab o, nadya ban wenyhenya nera damok ara banasa lebna. Nunja nong eneng ab ara, Imik Neyung wenesin heikek wekel binggunumab. Dara onoʾ, nunja somoknaʾ nonga ulumabaʾ anara, pe ulmoubnaʾ damok nonga danggunumla.

2 KORINTUS 1:20

Anasa Yesus pik anyeb uboka, Imik Neyung ara, alja unuwanamna aboka lemoknya nera, nidyaʾ ”Or” anaʾ ok ulumla. Wera anadya Kristus pik uboka, nunda Imik Neyung si imik nenewanobaʾ aboka, ”Aldib e,” alamab.

EPESUS 2:12

Youmaʾ dara, ugunda Kristus ab neikaʾ ganya kweldanaʾ orok nim, ugunda Imik Neyung adya weboka dobnenggusuk nim, beiyik nim ululum. Ugun Imik Neyung adya wanaʾ uboka perobaʾ eleganesin henggusuk nim ek ululum. Ugunda Israeli soko enyek anara, perobaʾ anyek dobnemab nimi senenaʾ orokaʾ ak uboka, Imik Neyung ugunjaʾ ganya lomok unaʾ orok nim ek ululumaʾ anyek seiniwanalum.