ROMA 15:3 - PERJANJIAN BARU NALCA YUBA

³ Kristus anaba alda alak eiya dabnanya nenyek enggulumok anasa, bok alda an momnya dobokaʾ ulumla sok, ”Sikja yuba saboka derenaʾ, anak unu derelenjakaʾ ara, nasamba seleb wenyaboka unuwanyek.”

ROMA 15:3 ပူးပေါင်းရင်းမြစ်များ

MATIUS 10:25

Neklamna me nera, eilibe neklenanya beneso dan dara, anya arawoka wa welenanya bera, alja wa welenanya beneso dan dara, nera al seleb perob dangalamla. Sikjaʾ neyung benyek babya si Beelzebul aboka sibuk dara, wera nidyaʾ aljaʾ ek an ulumak nim era wanok,” hyok.

MATIUS 26:39

Dara alda mek mok so gogonggoka byuukanya, dunuwoka lero molowokaʾ ara, ”Wei, neyung Imik Neyung o, or senemen bok dara, igina kweboka gweknaʾ damok ara nak ab mok sam gebnelam. Bok neyung, nadya senenanya nek gom, alda anja senelamnya nenyek ok, or unuwolul,” hyok.

MATIUS 26:42

Dara onoʾ Yesus ara saaboka hnon molol byuukanya lebokaʾ ara, ”Wei neyung, ban igin yakaʾ enyek mok nenenaʾ loboka, or kwebnenel bok dara, wera neyung, or anja senemenya nok or unuwolul,” hyok.

MATIUS 27:44

Hnonda Yesus ab neikaʾ oboka glasik nang edyaʾ anaba, neik so unu derewoka walarek.

YOHANES 15:10

Nadyaʾ neyung bedya orugenyok yub keboka unulamsakanya, alja wanaʾ unaʾ ak ulumna sok, ugumbabya nadya oruklesin yuba keboka unulumun dara, ugunda nadya wanaʾ un ak ulumnulum.

YOHANES 15:24

Yok nim edya hyak ununggulusengnya nek, sik gangganek ununggulusinya dara, sikja malya unaʾ unggulususo bok, wenera, nadya unulamnaʾ eillilimak bok, nak lek senelenyaakanya, neyung beneba lek senelemak.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

YOHANES 5:30

”Nara yokaʾ-yokaʾ nidyaʾ ara, nadya ok salyaʾ ganya doboka ununggulumna. Nadyaʾ neyung bedya anyek unuwalom alamlaʾ anyek, sunuwoka yana lelelesin. Nabeyok ganya doboka ununggulumnaʾ anasa, wera neyung be na bokol yeilinyoknya bedya unuwolul senelamla anyek unulamna anasa, nadya anyek yana lelewan alamna ara, munaʾ dib unulamla.

YOHANES 6:38

Anasa, nara Imik Neyung heik ab yinggilimsaʾ ara, nadya ganya doboka yokaʾ-yokaʾ unulununaʾ aboka yanggumsa bok, na bokol yeilinyoknya unuwosulul senelamlaʾ anyek, unulununaʾ aboka yeilimsa.

YOHANES 8:29

Neyung be sokok sam bokol yeilinyoknya bera, nablaboka sobaʾ neikik ulunam. Nara alja ganya perob senelamnaʾ anyek, sobaʾ unulamnaʾ anasa, alda nak lo banggulunel,” hyok.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

PILIPI 2:5

Ugunda Yesus Kristus adya bobok ganya enyek boboka ulumnulumaʾ ara,

PILIPI 2:8

Alda ganya sokok nenebdangoka ulumokaʾ moruwoka, Imik Neyung senemoknya nok unuwoka somogok. Somogokaʾ ara, gal dubuk somogok.