ROMA 15:12 - PERJANJIAN BARU NALCA YUBA

¹² Dara Yesaya beneba wenyalamokaʾ ara, ”Isai bedya damok ab be hnon lanawanamla, alda yok mok soko nim ek wenewousunun aboka lanawanamla, dara yok-yok mok soko nim era alak ok ganya dib beiliwanamak,” wenyaboka lelemok.

ROMA 15:12 ပူးပေါင်းရင်းမြစ်များ

MATIUS 12:21

Dara, mok soko me nidyaʾ ara, alja si nek perob amba leboka ganya welemnemak,” ara momnya dobok.

WAHYU 22:16

”Dara, nara Yesus adya, nadya yuba donaʾ nim enyek kebnokaʾ aboka, ban nidyaʾ unuwanamlaʾ yub era, wenyaro bijebok aboka, nadya lero bek orugamsa. Na benyek Daud nang yilaʾ uboka, onoʾ yali sam yeblamla eleb-alab arob ololaʾ ulumna,” hyok.

WAHYU 5:5

Dara ban nonga kaboka wa borob nang danyek, anyaganyeb be hnonja nak lebokja, ”Anda engenaʾ ara mem! Keblom, Yehuda nang yilaʾ bei gam singa adya, Daud bek ab mengebdangdobnya bedya seleb oblamagal. Anedya alak danyek, ban buku kerobaʾ eb, alja sekbadyaʾ beknaʾ denenaʾ eb dara, alja baknamla,” hyok.

1 KORINTUS 15:19

Kristus ak ganya wenaʾ dibaʾ ara, seleb gobdo sokok anyek ok unuro daknamla dara, nimi nidyaʾ sokok an ulumak nimi danara loboka, nuk danyek malya nim ak ulumak senewanesiseng.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.