ROMA 14:1 - PERJANJIAN BARU NALCA YUBA

¹ Ganya dib senenaʾ hmengnya bek ara, aljinya leblenya nera keb loboka doblom.

ROMA 14:1 ပူးပေါင်းရင်းမြစ်များ

MATIUS 12:20

Gokoka eleklamla leiya eneba leboka dobnenggunumla, dara saranggonunaʾ aboka delemlya uk eneba sarangganggunumla. Bok, jong uboka pe ununaʾ anyek oblamaganggunumla salek era, alda anaso ulumnamla.

MATIUS 14:31

Dara Yesus adya men soruka dorogoka Petrus bek dobsalawoka, lebokja, ”Petrus o, anda mek dib senelelamnya bek ululam. Anda hekasa dib senenaʾ loboka ganya daldom-daldom alam do?” hyok.

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MARKUS 7:19

Anasa nimi lomok weklesilnya nera, ganya seininaʾ pik weknenggululabok, alda mon lom pik weknekanya, onoʾ goblamla,” hyok. Yesus adya ban wenyaboka lebokaʾ ara, denaʾ nidyaʾ ara or denaʾ ok hyookanya lebok.

LUKAS 17:2

Yokaʾ gwablemak girik edya ngang ak geregoka mek ek al nonga boboganeseng dara perob. Hnon yok me nenyek benedya malya unaʾ ub elegalyaʾ anyek, omom nonga dalyek.

YOHANES 13:20

Ugunuk wenyhesinya nera dib nongaʾ lebsin, heknedya nadya boklenanya bek doboka dililamla dara, alda nak doro dililenel. Heknedya nak doro dililenel dara, alda nak bokol yeilinyoknya bek doro dililamla,” hyok.

RASUL 28:2

Malta sokok an ulumek nim era, nuk hyak perob senewoka pe arawoka ulusik. Wera moka nauba bliboka onoʾ saragenaʾ ul yabasuk anasa, anyagan heik yokaʾ nim edya uka lolowoka ul yabasik.

ROMA 11:15

Anasa sikja nunda lek hyek adya, yok mok soko nim enyek, Imik Neyung ab neikaʾ hibek. Dara ganya or perob senewoka dobneseng dara, wera somoknaʾ nang ek ab embengaʾ ulumak bok, yok damok hnon lanawanamso de?

ROMA 14:2

Dara hnon nang ara, ganya dib senelamlakanya, yok-yok denaʾ nidyaʾ ara or delemnesinya senewanalabok, alja ganya hmengnya bera, or meklaʾ masa ok delemla.

ROMA 14:21

Anasa pam soub gom, anggur mek gom, or yokaʾ anyek, anjaʾ hem bek ouluk diknaʾ girik danemlya ara anda denaʾ lobnesom dara, hyak perob.

ROMA 14:3

Imik Neyung ara ban benyek seleb dolomla anasa, denelanya bedya, denggubija nang ek derenaʾ mem. Anya onoʾ denggubija nang edya, dija nang ek yana lelenaʾ ara mem.

ROMA 15:1

Nunda migib ulumab nim era sik hmeng ulumak nim ek sikja hmeng enyek nunja dob salalemnemabakanya, nunja perob senelemabnya nok ganya dobom-dobom yok-yok enaʾ mem.

ROMA 15:7

Anasa Kristus ara nuk Imik Neyung ak perob giginaʾ amba leboka seleb dobsuk sok, ugumbabya yok nang anaba pe keboka unuldalalulum.

ROMA 4:19

Dara, al ulumok salek era gibnaʾ ara denga dombadya berem lemokaʾ anasa, nong migib unaʾ ak sam ara, hmeng dangoka, alaʾ gel Sara gera me wolaʾ lebemokaʾ ara, nenera alda ella ulumok, bok alja ganya aldib senenaʾ ara, hmeng danggumok.

1 KORINTUS 9:22

Dara, onoʾ yuba doboka ganya kanaʾ orok nimi sik gangganek anaba, na ulumna dara, nara yuba doboka ganya kabnenggunanya benesoʾ ak ulumna. Nera sik nong anyek, Kristus ak sam doboka bo younunaʾ aboka, sene uro yabalamna. Anasa al ban nadya nidyaʾ unulunanya dara, yokaʾ-yokaʾ nidyaʾ unulamnya pik anyeb uboka, sik nong anyek, Kristus ak hnon bleboka bo yousununaʾ aboka, nidyaʾ ara uro yabalamna.

PILIPI 2:29

Anasa, ugunja dara, alak neik Imik Neyung mabo dangalamak nimi geknebaʾ uboka yanggeija dara, perobaʾ leboka doro dibsululum. Onoʾ hnonda anaso ganya bolomak nimi nidyaʾ ak wanaʾ ulululum.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

IBRANI 5:14

Bok gasa denaʾ ak dara, nimi ganya karob nim edya, sobaʾ sunuwoka eillilimakaʾ adya, nenera perobaʾ, nenera malyaʾ senewoka, ella dangalamak nim emba ulumla.

2 YOHANES 1:10

Anasa wera, nimi hnon Kristus adya neknenggusuk yub enyek, ugunuk lero yanggeisija dara, sikenek giboka ugunja ek doro beilinaʾ ara mem.