ROMA 13:12 - PERJANJIAN BARU NALCA YUBA

¹² Mok soko ara seleb inibdouluwoka, wera bereganamla salek. Wera anasa nunda wera gunaʾ hnoum ab ununanya nera lobibyekanya, dilinaʾ adya mal yin enyek enegoka ulumnemab!

ROMA 13:12 ပူးပေါင်းရင်းမြစ်များ

ROMA 13:14

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

1 KORINTUS 10:11

Israeli nim ek, nidyaʾ unulumokaʾ ara, nun yok nim enyek, anaso unuweibyek aboka, beknaʾ dibaʾ ulusil. Ban Imik Neyung adya unumoknya nidyaʾ momnya dobokaʾ ara, nuk wenesinaʾ dibaʾ ubsuk. Nunda sidyaʾ daknamla salek ulumab nim emba ubsuk.

1 KORINTUS 7:29

Hemyab o, nadya lelenanya nera, damok ara banasa lelemna. Nu ulumab salek enera wera mekaʾ me ubla. Anasa wenyek danyek moruwoka, gela yak nang era, gela dobnenggomnya beneso ak ulumnamso.

2 KORINTUS 10:4

Nunja sokok an oldalamabakanya, bolomab yina mal era, sokok abnya nek bonggulumab bok, nunja yina mal era, Imik Neyung migibaʾ goululamlaʾ ak bolomab. Wera an yina mal enedya, gasa mouboka welemak oulyang ek dolul meneklemab.

2 KORINTUS 6:7

Dib yuba lenaʾ adya hnon, Imik Neyung migib adya hnon, Imik Neyung adya perobaʾ nenenaʾ era, hnonda yin dibaʾ oldan danasa hnon, blebeldan danasa hnon, nunda Imik Neyung adya perob wa wen nang ulumab beknaʾ era amalamab.

EPESUS 4:22

Wera youmaʾ nong unaʾ eb, youmaʾ ganya eb dara, wen alja malya unaʾ hwam ok unulunun ganya adya seleb malya dangalamlaʾ anasa, gwiriwoka lobnobaʾ aboka doblum.

EPESUS 5:11

Nimi gunaʾ lomok sam anam ulumak nim edya ulumak sok, perob gomaʾ dib gomnya salyaʾ neikso unura yabanaʾ ara mem. Alda ugunja dara, sikja meknewoka unulumaknya nenyek, nim eibnokaʾ aboka laga nenelelulum.

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

IBRANI 10:25

Imik Neyung yuba longolomabaʾ ara longgom mem. Nimi hnon lolomak sok neik so ununggom. Nunda ganya gwelelek aboka yokaʾ-yokaʾ unuldalamnamab. Wenelesilnya bera mek anam yanalabok anasa, nunda sobaʾ nauba so wenebdangoka uldalamnamab.

IBRANI 12:1

Wera nuk kemelesak nim era nuk goulub ganagok debaʾ anasoʾ anyek ulumakaʾ anasa, wera nuk igina ul eleklesilaʾ nidyaʾ ab, men meknewaneseng malya unaʾ eb dara loboka, ugunsamba yeiriwoka bik-bik aboka unulululum hyokaʾ ak ara, ganya gouluwoka bik-bik alamnamab.

YAKOBUS 1:21

Anasa wera, sob sembejaʾanya neb, yu ganya hwamnya neb dara, bobogolulum. Imik Neyung adya alja yub era ugunuk blebsin danasa migib ulumlaʾ anasa, ugunja ganya lomok sam melesilaʾ anyek, ugunja ganya sokok nenebdangoka doblulum.

YAKOBUS 5:8

Imik Neyung yanggan salek era, oka dalaʾ anasa, ugunda hnon ugunja ganya hwiboka ganya siklewoka pe diri ulululum.

1 PETRUS 2:1

Anasa wera ban nenesa leboka, ugunuk ab nidyaʾ yu hwamaʾ ara gwiriwoka loblulum. Sondaʾ lenaʾ ab, sene or-or unaʾ ab, hman ganya boldanaʾ ab, yok nimi geklewoka derewoka wanaʾ nidyaʾ ara hyak loblulum.

1 PETRUS 4:7

Yokaʾ-yokaʾ sidyaʾ daknamla sum era, wera seleb oka yalamlaʾ anasa, ugunda pe heng uboka molowoka ulululumaʾ aboka, ugunda keebdangoka pe diri uldalalulum.

2 PETRUS 3:11

Anasa, yokaʾ-yokaʾ nidyaʾ anyek anaso ura denghenemla anasa, ugunuk dara, hekaʾ huboka goʾ ubnemab senelelum do? Ugun nong ara, Imik Neyung amba ok munaʾ gobdo geisa ganya boboka ulululum.

2 PETRUS 3:9

Nim adya dara, Imik Neyung adya unu eleganesin hyokaʾ hnon mandelemla senen ganya bolomak bok, alda anaso ununggulumla. Bok Imik Neyung ara, ugunuk hnon somogeijek senelamlaʾ anasa, or anam siklewoka ulumla. Imik Neyung adya dara, nimi nidyaʾ malya unaʾ loboka, eibkweboka ganya dangawanok senelesil.

1 YOHANES 2:18

Najabo yab o! Yokaʾ-yokaʾ nidyaʾ sidyaʾ daknamla sum era, seleb oka dal! Hnonda eimik era Kristus ak isaʾ nenewanelanya hnon lanawanamlaʾ kelumaʾ ara, wera seleb lanawoka, nimi nauba Kristus ak isaʾ nenelemak. Wera anadya nunda sidyaʾ dakna salek era oka dal, senewoka ella ulumab.

WAHYU 1:3

Ban nidyaʾ ununumnaʾ lebokaʾ ara, mandenaʾ loboka unuwanalabok anasa, alda ban buku enyek an momnya dobokaʾ ak laga einililanya hnon, sikda ban unuwanamlaʾ hyok yub pe keboka al lomok ulumla yuba nidyaʾ salabmouboka unulumak nimi hnon, pe ulumnamak.

WAHYU 22:10

Dara onoʾ alda hnon lebokja, ”Ban nidyaʾ ununumnaʾ lebnaʾ danera, mandebnaʾ loboka, berra unuwanalabok anasa, ban buku ek an momnya dobokaʾ ara, anja hnon gunuwoka, mem an beknaʾ beilinaʾ ara mem.