ROMA 12:8 - PERJANJIAN BARU NALCA YUBA

⁸ Wenewoka pe memenaʾ amba elegesilya dara, wera nunda or pe weneldalamnemab. Anasa heknedya yok-yok bonaʾ pe bogoka elekdo yabalamnesil dara, wera alda hyak perob ganya bomlyekanya unululul. Heknedya ban wa nen bo uboka webnelam henemla dara, alda yeng ganya boboka unululul. Heknedya angoo yadyek senewoka men arawounun uruma bobnelanya bera, alda ganya eiya daboka unululul.

ROMA 12:8 ပူးပေါင်းရင်းမြစ်များ

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

RASUL 11:23

Wera, Barnabas bera seleb Antiokhia heikek yeiniboka, Imik Neyung adya nimi ganya lomok yokaʾ-yokaʾ nidyaʾ pe arawoka unulumokaʾ eiyimok dara, alda hyak eiya damok. Dara, Barnabas bedya Antiokhia nim ek, ugunda hyak Wenelesilnya bek pe ganya dib ologoka kweboka ululum aboka wenewoka lesuk.

RASUL 13:12

Wera, Siprus mok soko damnya bera an unuwok anyek eiyiwoka, alda Wenelesilnya bedya yub ek loka daboka kelemok bok adya, Elimas bek unuwokaʾ eibuk dara, Yesus ak dib senewoka domok.

RASUL 13:15

Dara, Imik Neyung e nenyek an yuba donaʾ dub nang edya, Musa bedya unuwanalum an yub eb, ununumnaʾ lelemek nang edya lemek yub eb, einimekaʾ seleb dara, anyagan Imik Neyung e dam nang edya Paulus bek alja hemyab eb dak, ”Wera ugunda ganya gwelelek an yuba hnon ulumlya dara, or an longowak nang ek an wenewanasurum,” aboka molomek.

RASUL 15:32

Wera Yudas beb Silas beb dara, Antiokhia heik ubdaboka, al sik nong ara ununumnaʾ len nang ulurek adya wera, Antiokhia heik sikja hemyab ek ganya migib geboka, onoʾ pe wenewoka pe ululum aboka ganya kayiwoka lelesirik.

RASUL 20:2

Paulus bera alda Makedonia moka nidyaʾ yibiniboka, wera anyagan ulumek nim ek pe ululum aboka wenyaboka wenero yabalesuk. Bok nen unubgogowokaʾ seleb dara, Paulus bera Yunani moka byuk.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 4:36

Dara, Yusuf beneba neikso unulumok. Alda alja yokok soko era, yok nang ek rupiah deklulum aboka, rupiah seleb dobna dara, rupiah era Imik Neyung yuba lenaʾ gak nang ek bo elegel bilisuk. Ban unumoknya Yusuf bera Lewi nang yilaʾ Siprus mok ebnya. Men Imik Neyung yuba lenaʾ gak nang edya alak Barnabas aboka si silimek. Nunja yub edya dara, ganya heksinaʾanya alamab.

ROMA 12:13

Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

ROMA 13:6

Dara an ganya en bololum adya ugunda sikja mok soko yok-yok amba deklemnelum alamaknya nera keboka deklelum. Wera anera sikda ban wa nen memewoka welemak nang era, Imik Neyung ak welemak adya unululum.

1 KORINTUS 12:28

Anasonya neikik, Imik Neyung yuba donaʾ nim emba dara, Imik Neyung adya orowek men ellaʾ gigiro gegewoka sekiyimok. Men Imik Neyung yuba lenaʾ gak nang, penenya nera ununumnaʾ len nang, winilinya nera neksin nang, dara sikda yokaʾ-yokaʾ migibaʾ unuro yabalemek nang, dara nimi merellisin damba hnon, yok aran damba hnon, yok nanga bo usin danasa hnon, onoʾ dagalongnaʾ ara, yok-yok yuba san damba hnon, sekiyisuk.

1 KORINTUS 14:3

Alda saawoka, Imik Neyung yuba lelemak nang ek dara, nim ak ganya migiba nenewanobaʾ aboka, Imik Neyung ak ab yuba lel eleklesak. Nera migiba nenewoka, ganya sangiyiwoka, ganya hekiyiwanobaʾ aboka, yuba lel eleklesak.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

2 KORINTUS 11:3

Hawa gek bagaʾ geremseng adya bob geregemok sok, Kristus ak ganya gekman bojam ululumaʾ anyek, bob neneweisilyek senewoka lok ganya bolomna.

2 KORINTUS 8:12

Imik Neyung adya dara, unaʾ orok digumaʾ ak sununggulumla, alda seleb ululanya nok sunulamlaʾ anasa, ben hnon ara ganya doboka hyak arawonun senewoka eleklamlya dara, Imik Neyung ara perobaʾ leboka dolomla.

2 KORINTUS 9:11

Wera anadya ugunda yokaʾ-yokaʾ ara, denaʾ bonaʾ yak nim domunukanya, onoʾ ugunja dara, yokaʾ-yokaʾ nidyaʾ ak heknaʾ ganya boboka nauba eleklemnelum. Dara, ugunja wen bolowoka beillilelumaʾ anyek hnon, nunja bokdo yibinimab aranaʾ enedya, yok nim era Imik Neyung ak nauba perob aboka giblimnemak.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

2 KORINTUS 9:7

Imik Neyung ara, eiya ganya boboka eleklemak nim enyek hyak perob senelesilaʾ anasa, lobnesinya bok elegan senenaʾ ab, dukaʾ lolom-lolom alamak enyek eleganaʾ senenaʾ ab dara, mem. Nimi nidyaʾ pe seiniwoka, anyek nara eleganamna senewalyaʾ ok ganya doboka eleganamak.

EPESUS 6:5

Hemyab ugun nim edya wa welelum nang ek lebnesin. Ugunjaʾ neyung yabo dangalamla nang edya yuba pe kelelulum. Ugunda yuba keboka wa webnemun dara, Kristus amba welemna senen ganya boboka, ganya hyak dib goluwoka, lok ganya boboka bleknyek senewoka pe welelulum.

KOLOSE 3:22

Wei, wa arawoka wenaʾ nang o, ugunja sokok an neyung yab edya yok-yok yuba nidyaʾ pe keboka unulululum. Sik hogung ak ganya pel dilinun senewoka nenyek ok ununggom, alda Imik Neyung ak lok ganya boboka, ganya goulubmouboka pe unulululum.

1 TESALONIKA 2:3

Dara, nunja ugunuk unuwanalum alamabaʾ ara sondaʾ amba leboka, ugunja ganya bob leregeisinobaʾ aboka lenggulusab.

1 TESALONIKA 2:8

Nunda ugunuk hyak wanaʾ ulusubnya nenesa leboka, Imik Neyung adya perob lero yanggan yub ok leb eleganggusuba, alda nunja nong unaʾ enyek babya elegesuba. Ban nenera nunja ugunuk wanaʾ nauba ulusubnya nenesa usuba.

1 TIMOTIUS 4:13

Dara onoʾ anam yanggumnya salek era, Imik Neyung yub ara nimi yok nim ek hnon laga einib elegoka, pe wenewoka sikenek nekelmorulesilom.

1 TIMOTIUS 5:17

Ugun yuba dololumaʾ ak pe weboka bo usin nang ek ara, ugunja li penya so sikenek ganya hek elegoka gigilelulum. Nauba so ara, Imik Neyung yuba yeiriwoka nekoka, lel eleklesak nang enyek anaso pe unulululum.

1 TIMOTIUS 6:18

Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

IBRANI 10:25

Imik Neyung yuba longolomabaʾ ara longgom mem. Nimi hnon lolomak sok neik so ununggom. Nunda ganya gwelelek aboka yokaʾ-yokaʾ unuldalamnamab. Wenelesilnya bera mek anam yanalabok anasa, nunda sobaʾ nauba so wenebdangoka uldalamnamab.

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

IBRANI 13:22

Dara ban nadya ugunuk wenewoka beibsin yub era, or burum anasa, hemyabo nim o, nara ugunuk wenewoka wenyhenesinaʾ ara ban yub era hyak ugunja ganya siklewoka kelululum.

IBRANI 13:24

Dara nunja perob aboka gibsabaʾ ara ugunja dub nanga nidyaʾ ak hnon, munaʾ perob nimi nidyaʾ ak hnon wenyhenelum. Anya ban nunjaʾ hemyab Italia sam ab gibsakaʾ ara pe dobnelum.

IBRANI 13:7

Dara ugunjaʾ dub nang, ugunuk Imik Neyung yuba seleb lel eleklesak nang ek ara beklelulum. Anya sikja unulumakaʾ ak ab lanelamla anyek pe kemelemunukanya, ugunda sikja unulumakaʾ anyek dililda doblelulum.