ROMA 12:5 - PERJANJIAN BARU NALCA YUBA

⁵ Dara numbabya neikik, hyak gong bok, Kristus lomok ara hnonok nong ok ulumab, bok nunda yok-yok si silisak ara be hnonja bedya nong era onoʾ yoknya bedyaʾ amba ulumab.

ROMA 12:5 ပူးပေါင်းရင်းမြစ်များ

YOHANES 17:11

Nara sokok an loboka anak yanamnaʾ anasa, anyagan unggulumnamna bok, sikenek dara, sokok an or ulumnamak. Anasa, Neyung geisa ululamnya o, anab nab neikaʾ denewoka ulunam sok, sikbabya hnonok nong ulunokaʾ aboka, anja nak elegenulum si migib edya, sikenek bleboka bo ulumnesilim.

ROMA 12:4

Dara, nunja ban hnonok nongok ara si yok-yok silimak, bok an si yok-yok silimakaʾ ara neik wa nek wenggulumak.

1 KORINTUS 10:17

Gwaneng ara hnonok bok, numbabya al hnonok gwanenga soboka delemabaʾ anasa, wera nun nong ara, nauba ulumab bok, hnonok nonga dangoka ulumab.

1 KORINTUS 10:33

Ugunda naba ulumna sok, ugumba unu ulululum. Nara nak pewonululaʾ aboka ununggulumna. Alda yok nim enyek, yokaʾ-yokaʾ nidyaʾ ak ganya sangillilisununaʾ aboka ulumna. Ban nadya nidyaʾ unulunanya nera, nimi nidyaʾ blebsululaʾ aboka ulumna.

1 KORINTUS 12:20

Anasa yana soruk ara gong ululabok, nong ara hnonok ok ulumla.

1 KORINTUS 6:15

Ugunja nonga yok-yok ara, hiboka Kristus nong ululumaʾ ara, ugunda elgom de? Dara, Kristus adya nong ululumaʾ anyek, nadya doboka gela salanaʾ ak neikaʾ hil binisinya de? Hyak unuwanggunusinya, mem.

EPESUS 1:23

Yok-yok mok soko nidyaʾ yokaʾ-yokaʾ ulumlaʾ ak deknewoka ululanya Yesus Kristus alja nong dibaʾ ara, yuba don nimi hiboka ulumaakanya, sikba alja deknelesil nang ulumak.

EPESUS 4:12

Ban unura elegousukaʾ ara, munaʾ Imik Neyung mab era, welenok aboka elegousuk. Pe welemeijaʾ adya, Kristus adya nonga perobaʾ nenewoka nauba danggiga balalulaʾ aboka elegousuk.

EPESUS 4:25

Anasa ugunda nidyaʾ ara sonda leldanaʾ ara hyak mem. Nunda nidyaʾ ara Kristus alja hnonok nong ak ulumab bok anasa, gunun ganya bonaʾ loboka, dib yub ok saldalamnelum.

EPESUS 5:23

Kristus ara yuba donaʾ nim edya sikjaʾ dubnya uboka, onoʾ sik yuba doboka alja nonga dangalamak nim emba blebsinaʾ dubnya ulusil sok, nenya ara alja gel emba dubnya ulumla.

EPESUS 5:30

Nunda Kristus adya nong ulumabaʾ anasa, unu diri bo ulusil.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

KOLOSE 2:19

Dara, sikda hukuk ara, pe salalmoubnenggulumak. Bok hukuk ab ara, nonga nidyaʾ hiboka, mel-mel ab nolong gwerenaʾ ab dadya, neikaʾ pero welemakaʾ adya, Imik Neyung bedya ak nelemla.