ROMA 12:3 - PERJANJIAN BARU NALCA YUBA

³ Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

ROMA 12:3 ပူးပေါင်းရင်းမြစ်များ

LUKAS 18:11

Dara Parisinya bera albeyok sekoka lero mololemokja, Wei Imik Neyung o, nara yok nang ulumak sokaʾ ak unggulumna, nara hokaʾ donggulunanya, nara gununggulunanya, nara gela salyaʾ salenggulunanya, anasa anak perob aboka gibgen. Nara ban rupiah mok soko amba mololanya benesoʾ ak unggulumnaʾ anasemba, perob aboka gibgen.

YOHANES 3:34

”Dara, Imik Neyung adya bokol yeilimoknya bedya, Imik Neyung bedya lelemla yub enyek lelemla. Alak ara Imik Neyung Geisinya elegelmorulamla.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 11:20

dara perob! Sikda an unu bologokaʾ ara, sikja ganya dib senenaʾ orok anasa unuwok. Anya ugunda jongaʾ ikoka mel-mel eiyiwosuk ara, ugunja ganya dib senewolum adya unuwok. Anasa ugunda ganya habmereng henggunulum, bok hyak lok ganya bolomnelum!

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

ROMA 12:16

Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

1 KORINTUS 3:10

Imik Neyung adya nak wanaʾ uboka eleksinaʾ edya wera, nara e sonya beneso uboka, nadya men e igimsaʾ ak ara, yok nanga makoka solomak. Bok, nimi nidyaʾ ara, nadya egomnaʾ igimsa ak, hekaʾ huboka sobnamna do senewoka pe kendenemso.

1 KORINTUS 7:17

Imik Neyung adya ugunuk youbsukaʾ ara, al adya migib elegoka ban unuwoka ulumnelum aboka, youbosuk sok, neik so unu ulumnalum. Dara, ban yub enyek, nimi nidyaʾ Imik Neyung yuba dolomak nim ek unulululum aboka, wenero yabalasin.

2 KORINTUS 10:13

Nunda anasoʾ ak ununggulumab. Nunda pelemab alamab dara, wera Imik Neyung adya unulumnulum aboka garasukaʾ ak ok sunuwoka pelemab alamab. Dara, ugun nong ara garamok mok ek an ululum.

2 KORINTUS 12:13

Anasa yok-yok mok soko yuba donaʾ nim ulumakaʾ ara, yok makoka ununaʾ orok, ugunuk neik so welesisa bok anasa, hekaʾ ak goʾ weilik gesisa do? Alda banyek hnonok lobsisaʾ ara ban: nak rupiah arawananulum aboka molowanggusisaʾ ak hnonok meknewasaʾ anasa, sugunaʾ ganya bonumun dara, wera laga lebnenulum.

2 KORINTUS 12:7

Imik Neyung adyaʾ senenggomaʾ unu laga eiro yabalenanya nenyek, eillilamnaʾ adya dengdang ganya bobnyek aboka, sabalaʾ hnon nadyaʾ nong lomok, meiyinyok. Nara dengdang ganya bobnyek aboka, ban sabalaʾ manyokaʾ ara, bisaʾ mal dibaʾ lebom alalulaʾ aboka elegenyok.

GALATIA 6:3

Anasa nimi ben hnon alda perob gomnya bokaʾ anyek, nara perobnya seneldalamla dara, al dam nang sondaʾ leldalamla.

EPESUS 3:2

Ugunuk perob dangasin danasa, Imik Neyung ara, alja yuba lero yaban wa nera nak eleganyokaʾ ara, ugunda seleb kelelumaʾ anyaʾ senelamna.

EPESUS 3:4

Kristus adya blebsinaʾ damoka nidyaʾ doknomokaʾ ara, nadya ganya olowoka ella dasaʾ ara, ugumbabya anyek einiwanalum dara, ella danalum.

EPESUS 4:16

Dara alak ab, nonga nidyaʾ ara, mel-mela mourumnaʾ gong adya hyak pe meewoka sunuwoka beiri byuk. Wera anedya, nonga digum yok-yok ara, pe wero balamlaʾ adya, wera nong ara wanaʾ unaʾ pik uboka migibaʾ danggiga nero balamla.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

KOLOSE 1:29

Wera anasa, nara ban nenyek unuwoulul aboka, nadya migib nidyaʾ yeiriwoka, onoʾ alja migib na lomok welenel anyek sunuwoka, an unuwaso senewoka welemna.

KOLOSE 2:13

Dara ugumbabya youmaʾ dara, ugunja meknenaʾ hnon ugunja sobaʾ malya ululumnya lomok uboka hnon, anedya ugunda seleb somogoka ululum bok, wera Imik Neyung adya Kristus ab neikaʾ seleb embengaʾ gebsuk. Anya, nunja meknenaʾ hwam malya unaʾ nidyaʾ doboka bobogosuukanya,

1 TIMOTIUS 1:14

Wera nunjaʾ Wenelesilnya bedya alja wanaʾ uboka eleksinaʾ ara nak gobdo nauba elekmorunyok. Dib senenaʾ ab, nim ak wanaʾ unaʾ amba migiba, Yesus Kristus lomok abaʾ ara nak elegenyok.

1 TIMOTIUS 2:15

Ban unuwokaʾ anaba, gelewa ak dara, Imik Neyung bek dib senewoka, wanaʾ uboka, pe geisa uboka, pe ulumnemak dara, memabo hnon beillilimnamak bok adya danyek sikenek bleblemnesil.

1 TIMOTIUS 2:9

Anasonya neikik gelewa anaba, gelewa ara pe ganya seiniwoka, domdigum boksom enyek ongolonokaʾ aboka lebsin. Nimi nak perob senewanenokaʾ aboka honga goboka boloknenggom, emas meilik selerobaʾ dangman jobdobaʾ arobaʾ geregoka, rupiah senenggomaʾ deklemeija akleng enyek, ongonggom mem.

TITUS 2:12

Ban Imik Neyung adya wanaʾ uboka eleksinaʾ adya, nunda sokok an ganya oka denaʾ ulumlaʾ digum unaʾ hnon, yokaʾ-yokaʾ Imik Neyung adya perob gom senelelanya nek hnon, hyak loblulum aboka nuk neklesil. Nunda sokok an ulumeibya danyek, pe ganya siklewoka, geisa uboka, Imik Neyung ak pe bojam ulunobaʾ aboka, alja wanaʾ unaʾ era neklesil.

TITUS 2:2

Nengmabo nauba nang ek dara, sikda ganya siklewoka kaboka ulunokaʾ aboka, perobaʾ ok seiniwoka ulunokaʾ aboka, hnonda yok nim edya perob senelesak nang geknebaʾ ulunokaʾ aboka, onoʾ yuba dib senebmoubuka, hyak wanaʾ ubdangoka, pe siklewoka welenokaʾ aboka pe neklesilom.

TITUS 2:4

Sikda ban unulumeijaʾ adya, wera onoʾ sikja goubenya gelewa ek, sikja nenyab eb, memab ab, wanaʾ ulunokaʾ aboka neklesinok.

TITUS 2:6

Anasonya neikek, onoʾ goubenya nang ek anaba, sikda pe seiniwoka diri ubdangoka pe ulunokaʾ aboka dukaʾ lolowoka wenelesilom.

YAKOBUS 4:6

Ban ununaʾ anaba, Imik Neyung adya nuk elegosuk wanaʾ uboka arasinaʾ enyek hyak senenggomaʾ ulumla. Ban nenesa leboka Imik Neyung yuba bukuk sam ara, ”Imik Neyung ara, ganya imik nenewoka ulumak nim ek lek senelesilikanya, ganya sokok nenebdangoka ulumak nim ek wanaʾ uboka aralesil,” aro momnya dobok.

1 PETRUS 1:13

Ban nenesa leboka, ugunja ganya seininaʾ pe meewoka ublulum. Yesus Kristus yanamla sum enyek eleganesilaʾ anyek dib dobnemab senewoka, ugunja ganya welelulumaʾ ara, pe keeboka unulululum.

1 PETRUS 4:11

Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.

1 PETRUS 4:7

Yokaʾ-yokaʾ sidyaʾ daknamla sum era, wera seleb oka yalamlaʾ anasa, ugunda pe heng uboka molowoka ulululumaʾ aboka, ugunda keebdangoka pe diri uldalalulum.

1 PETRUS 5:5

Dara onoʾ ugun anam goubenya ululum nang ek hnon lebnesin. Ugunjaʾ nauba so nim edya yuba pe kelelulum. Imik Neyung yub ek sam ara, ”Imik Neyung ara dengdang ganya bolomak nim ek lek senelesilikanya, sokok nenebdangoka ulumak nim ek wanaʾ ulusil,” aro momnya dobokaʾ anasa, ugunda nidyaʾ ara ganya sokok nenebdangoka pe kemeldalamnelum.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

3 YOHANES 1:9

Nara yuba dolomak nim ek mek burum momnya donaʾ hnon weboka seleb dibsa bok, yuba don nimi dubnya ulunun senelelanya Diotrefes bedya danyek, nak alja yub era kebnyek senewoka ulumla.