ROMA 12:16 - PERJANJIAN BARU NALCA YUBA

¹⁶ Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!

ROMA 12:16 ပူးပေါင်းရင်းမြစ်များ

1 PETRUS 3:8

Anasa damok ara, ugunda nidyaʾ pe neik ganya boboka, neik yuba saboka ulululum. Ugunja unaʾ era neik noungousa enesoʾ anyek wanaʾ uldalalulum. Ugun moumen wanaʾ uldalamunukanya, ganya sokok nenebdangoka ulululum.

IBRANI 13:5

Dara Imik Neyung yub ara banaso lelemla, ”Nara anak ara hyak mekaʾ dogom ab lobnenggununggenekanya, nara anak ara hyak mekaʾ gwab lobnenggununggen,” wenyalamlaʾ anasa, ugunda rupiah ak nauba dolonun ganya ek ab leiblelulum. Alda ugunuk an ulusilaʾ anyek, eiyasa gigibdangoka ulululum.

ROMA 15:5

Dara al Imik Neyung ganya goulunaʾ damok ab, ganya sangallinaʾ damok ab eleklesilnya bedya, ugunda Kristus Yesus senelamlaʾ sunuwoka balalum sok, pe ganya kwebdangoka ugunuk eleklesulul.

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

1 KORINTUS 3:18

Nimi ben hnon, al damnya bol neneldanggom. Onoʾ nimi ben hnon ugun gangganek ara, nara yokaʾ-yokaʾ nauba el nong seneldalamla dara, Imik Neyung adya alak yok geremseng hwamnya nenewonululaʾ aboka, wenera dongdang anaʾ anyaʾ dangoka ululul.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

LUKAS 14:13

Bok anda denaʾ masa youb lobnelam dara, denaʾ garan nimi hnon, henga lum nimi hnon, nonga heilimla nimi hnon, yana soruka mumdelemla nim enyek, denemab aboka e yanalam.

1 KORINTUS 8:2

Nimi ben hnon, nara yokaʾ-yokaʾ ara, nauba ella ulumna seneldalalanya bera, hyak dib nong ara, yokaʾ-yokaʾ ganya olowoka anam pe ella unggulumla.

1 KORINTUS 6:5

Ban wenyhesinya nera, ugunuk alya dabsululaʾ aboka lebsin. Ugun gangganek ara, gogobaʾ ganya bobdangaseng dara, ella uboka ugun moumen yana lelewanasusonya hnon unaʾ orok anasa ululum de?

PILIPI 4:2

Ugun penya gelewa Euodia, Sintike o! Ugun penya yuba dolomak nimi geknebaʾ neik ganya boboka pe ulurumaʾ aboka moloweisin.

1 KORINTUS 4:10

Kristus nong anasa leboka, ugunuk dara yuba donaʾ geremseng nim uboka, nuk dara dongdang anaʾ nim ulumab. Nuk hmeng ulumab bok, ugunuk dara migib ululum. Nuk dara derelesak bok, ugunuk dara, perob senewoka gigilesak.

LUKAS 6:20

Dara Yesus ara, alja yuba doro diriga ban nang ek keebdaboka lebokja, ”Ugunda bonaʾ garana ululum nang o, Imik Neyung wenesin heik ulumlaʾ ara, ugunjaʾ ak ulusilaʾ anasa, ugunda pe ululum.

MATIUS 26:11

Nimi bonaʾ garan nim era ugun gangganek ara sobaʾ ulumnamak bok, nak dara, ugunub sobaʾ neikaʾ goʾ ulwenenggulumnemab.

MATIUS 11:5

Henga luma yeilimna nang eillilemak, nonga yana heimna nim eikaʾ yabalamak, nong bokaʾ malya ulusil nimi hwebna dara, bokaʾ dolomak, o ounugamna nim o bakoka kelemak, seleb somogamna nim embengaʾ suboka bulumak, Imik Neyung ak ab perob lero yanggan yub era nimi bonaʾ garan ulumak nim ek lero yabalamlaʾ anyek eiyiboka unulamla aboka nekdo binilum.

1 PETRUS 5:3

Ugunja nim enera, bo ubnelum aboka elegeisik nim ek ara, ugunja dara, senenggom dub nang edya ununaʾ enyek ununggom, mem; alda sikja ugunuk diliwanesijenya nenyek unulululum.

PILIPI 3:16

Ban nong ara, ugunda pe beknelum: Nunja unaʾ nong era, youmaʾ unu ulumnemab amoubaʾ wen ulumabnya nenyek sunuwoka onoʾ pe ulumnemab.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

1 KORINTUS 1:10

Nadya hemyab o, nara nunjaʾ Wenelesilnya Yesus Kristus si sibuka, ugunda ganya bokoldanaʾ hyak loboka, hnonok ganya boboka, hnonok seininaʾ seiniwoka, hnonokaʾ ak hiboka ulululumaʾ aboka, neik so ganya ok yo aldalalulumaʾ aboka, nara ugunuk wenelesin.

RASUL 4:32

Nimi nidyaʾ men Imik Neyung ak dib senemek nim era, ganya hnonok hiboka, neik nong unaʾ ok ulumek. Nimi ben hnon bonaʾ yokaʾ-yokaʾ nidyaʾ bobna dara, nabeyok gelelenga borunun ganya bonggulumek. Yokaʾ-yokaʾ nidyaʾ, sikenek ulumokaʾ ara neikaʾ bokoka pe bolomek.

3 YOHANES 1:9

Nara yuba dolomak nim ek mek burum momnya donaʾ hnon weboka seleb dibsa bok, yuba don nimi dubnya ulunun senelelanya Diotrefes bedya danyek, nak alja yub era kebnyek senewoka ulumla.

ROMA 6:2

Anaso dara hyak mem nong! Nunda malya unaʾ amba seleb somoganggubub de? Anasa nunda malya unaʾ ak unuldibilloklemnemab dara, nera hyak okna so.

ROMA 11:20

dara perob! Sikda an unu bologokaʾ ara, sikja ganya dib senenaʾ orok anasa unuwok. Anya ugunda jongaʾ ikoka mel-mel eiyiwosuk ara, ugunja ganya dib senewolum adya unuwok. Anasa ugunda ganya habmereng henggunulum, bok hyak lok ganya bolomnelum!