ROMA 1:30 - PERJANJIAN BARU NALCA YUBA

³⁰ Anasa ban sik nong ara, sondaʾ minin nang, nimi deresin nang, Imik Neyung ak lek senenaʾ nang, malya unun nang, ganya imik neneldan nang, kebom-keboma meren nang, yu ununaʾ ak ganya hwibmouboka unun nang, nauba nim ek blekna nang,

ROMA 1:30 ပူးပေါင်းရင်းမြစ်များ

MATIUS 15:4

Imik Neyung adya dara, Ugunjaʾ genong neyung ak pe gibel dololulum, anya, Alda heknedya aljaʾ genong neyung ak malya leboka walamla dara, bera hyakaʾ obnelum, hyok bok anasa, ugunda hekasa bleklelum do?

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

LUKAS 21:16

Ugunuk ara, ugunjaʾ genonga neyung adya hnon, ugunja weisab edya hnon, ugunjaʾ meneng ek nim edya hnon, ugunjaʾ hem yab edya hnon, obsululum aboka yuba dil binisak. Ugun nong ara hnonda sikja obnesak.

YOHANES 7:7

Soko nim edya dara, ugunuk ara lek senenggulusak bok, nak dara, sikja unulumakaʾ anyek, malyaʾ aboka pyagaʾ geblamnaʾ anasa, sikda nak lek senelenyak.

RASUL 5:36

Anasa wera, youmaʾ dara, nimi si Teudas bera, alda nara senenggomnya aboka gigibdangoka, nim alak diriga biniboka neikaʾ ulumek nim era hiboka dara, denga yuba odaraʾ badya nim ulumek. Bok, al nong ak obek dara, wera alja yuba dolomek nim era doluwoka, bokgokdangoka, alja yuba lelemok anaba gobdo dengaro lomok.

ROMA 2:17

Bok anda Yahudi nang abdangoka, Yahudi nim emba unuwanalum an yub ak kwebmouboka, Imik Neyung amba leboka habmerenga nonggo aldalalam.

ROMA 2:23

Anda ban Yahudi nim emba unuwanalum an yub emba leboka, nonggo alalam bok, hekasa anda ban oruksin yub ek meknewoka, Imik Neyung ak derelelam do?

ROMA 3:27

Wera anaso dara, nunda nonggo abdanesibyaʾ damok ara, hekaʾ ak ulumla do? Hyak orok! Har damok ek nonggo abdanggunusibya do? Yokaʾ unuwanalum an yuba pe unun damok emba leboka de? Nene gom, alda nimi ganya dib senenaʾ nong amba leboka dara, nonggo abdanggunusibya.

2 KORINTUS 10:15

Imik Neyung adya ugunda anyagan welemnelum aboka gamaʾ iknenggusukaʾ ak an, yok nim edya welemaknya nenesa nonggo anggulumab. Bok nunda hnonok senelemabaʾ ara, ugunja yuba dib senenaʾ anyek nauba danggiga balamnamla dara, nunjinya nauba dolul, senelemab.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

2 TESALONIKA 2:4

Wera, alda hyak dengdang ganya boboka, nimi malya nenewoka al nong nim adya giblemakaʾ anaso imik nenebdangoka, hnonda nim adya dara, Imik Neyung ak giblemakaʾ ara an senelemakaʾ nenebdanamla. Orokaʾ anaba al nong ara, Imik Neyung yokaʾ ek sam bukoka, nara Imik Neyung ara an aboka sondaʾ amba laga lebdanamla.

2 TIMOTIUS 3:2

Nim ara nanokok pewonulul senewoka ulumnamak, rupiah hogung ok beiyiwoka ulumnamak, dengdang anaʾ ganya boboka sondaʾ hwam ok lelemnemak. Sikda yok nim ek geklewoka derewoka walamnamak, nauba nimi yuba lek senewoka bleklemnemak, eleganelemaʾ perob alamakaʾ ara, elgom ulumnamak. Dara, hnonda nimi pe ulumaknya nek ara, sikda lek senelemnamak.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

YAKOBUS 3:5

Anasonya neikek, nunja silyum eneba, silyum ara, mek bok, alda senenggomaʾ neneldalamla. Onoʾ, ugunda gal donggal ara hyak senenggom bokaʾ anyek, uka mekaʾ me adya singiwoka dengaboka delemlaʾ anyek, ugunda seiniwolulum.

YAKOBUS 4:16

Bok ugunda wenera dengdang ganya boboka nauba nonggo aldalalum. Anya ban unu lelelumaʾ ara malya unaʾ anyaʾ.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

YUDAS 1:16

Wera an unu malya unaʾ hwam ok ulumak nim era, sobaʾ yu yaboka gaga kiboka yok nim ek meknelelum aboka malya geblesak. Sikja nong unaʾ era, malya ubsinya ganya diligaʾ enyek ulumaakanya, sikda nonggo aldalamaakanya, nuk perob dosulul senewan dara, dibnya gom bok, miniwoka leboka, yok nim edya unuruwaʾ amba, pe makaʾ lelewoka lelemak.